கோட்டை கணபதி
பல்லவி
கோட்டை கணபதியின் மலர்ப் பதம் பணிந்தேன்
ஓட்டினையேந்திடும் ஈசன் தலைமகன்
அனுபல்லவி
வாட்டாற்றில் பள்ளிகொண்ட கேசவன் மருகன்
நாட்டமுடன் துதிக்கும் பக்தருக்கருள்பவன்
சரணம்
ஆட்டிடும் காது மடல்களைக் கொண்டவன்
மேட்டிமையுடையவன் கணங்களின் தலைவன்
நாட்டிய நாடகக்கலைகளின் ரசிகன்
சேட்டைகள் புரிந்திடும் குழந்தைக்கடவுள்
No comments:
Post a Comment