“ஐங்கரனின் ஐந்து ரத்தினங்கள்”

 

                     “ஐங்கரனின் ஐந்து ரத்தினங்கள்”

                              பல்லவி

              ஆனைமுகத்தோனை ஐங்கரனைத் துதிப்போம்

              தேனெனத் தித்திக்குமவன் புகழ் பாடி

                              அனுபல்லவி

              பானை வயிற்றோன் அவன் பாதம் பணிந்து

              ஞானம் நல்வழ்வு அனைத்தும் பெறுவோம்                                                                               

                                    சரணம்

              மகிழ்வுடன் மோதகம் கையிலேந்தும் கரிமுகனை

              இகபர சுகம் தரும் இந்தின் பிறையணியணிந்தோனை

              சகலரையும் காப்பவனை கஜமுனை அழித்தவனை

              புகலடைந்தோர்க்கு அடைக்கலமளிப்பவனை

              நரர் சுரர் வணங்கிடும் நவநிதி நாயகனை

              சிரம் பணியாதவர்க்கு பயமளித்திடுபவனை

              அரக்கன் கஜமுகனும் கணங்களும் பணிந்திடும்

              பரம்பொருளானவனை ஒளிமிகு பாஸ்கரனை

    

              சிரம் கொய்தரக்கன் கஜமுகனை வதைத்தவனை

              பருத்த தொந்தியும் கரிமுகமும் கொண்டவனை
              கருணை பொறுமையுடன் மகிழ்ச்சி தருபவனை

              அருளளித்து பணிபவர்க்கு நலமளிப்பவனை

   

              அரக்கரின் கர்வம் தீர்த்தவனை அரன் மகனை

              சிரத்தில் மதம் பெருகும் வேழமுகத்தோனை

              வறியவர் குறைதீர்க்கும்  வாரணமுகனை

              உபநிடதங்கள் போற்றுகின்ற ஐங்கரனை

              பெரிய உருவம் கொண்ட ஆனைமுகனை

              அழகிய தந்தமுள்ள ஏகதந்தனை

              தடைகளை உடைப்பவனை முடிவில்லாதவனை

              யோகியர் மனத்துறையும் காலகாலன் மகனை

   

             கணபதியைப் போற்றுமிவ் வைரவரிகளை

             தினம் காலை மாலை துதித்துடுமனைவருக்கும்

             நோயற்ற வாழ்வும் குறைவற்ற செல்வமும்

             கல்வியும் நன்மையுமனைத்தும் கிடைத்திடும்

गणेशपञ्चरत्नम् स्तोत्रं

मुदाकरात्तमोदकं सदा विमुक्तिसाधकं
कलाधरावतंसकं विलासिलोकरक्षकम् ।
अनायकैकनायकं विनाशितेभदैत्यकं
नताशुभाशुनाशकं नमामि तं विनायकम् ॥१॥

नतेतरातिभीकरं नवोदितार्कभास्वरं
नमत्सुरारिनिर्जरं नताधिकापदुद्धरम् ।
सुरेश्वरं निधीश्वरं गजेश्वरं गणेश्वरं
महेश्वरं तमाश्रये परात्परं निरन्तरम् ॥२॥

समस्तलोकशंकरं निरस्तदैत्यकुञ्जरं
दरेतरोदरं वरं वरेभवक्त्रमक्षरम् ।
कृपाकरं क्षमाकरं मुदाकरं यशस्करं
मनस्करं नमस्कृतां नमस्करोमि भास्वरम् ॥३॥

अकिंचनार्तिमार्जनं चिरन्तनोक्तिभाजनं
पुरारिपूर्वनन्दनं सुरारिगर्वचर्वणम् ।
प्रपञ्चनाशभीषणं धनंजयादिभूषणम्
कपोलदानवारणं भजे पुराणवारणम् ॥४॥

नितान्तकान्तदन्तकान्तिमन्तकान्तकात्मजं
अचिन्त्यरूपमन्तहीनमन्तरायकृन्तनम् ।
हृदन्तरे निरन्तरं वसन्तमेव योगिनां
तमेकदन्तमेव तं विचिन्तयामि सन्ततम् ॥५॥

महागणेशपञ्चरत्नमादरेण योऽन्वहं
प्रजल्पति प्रभातके हृदि स्मरन् गणेश्वरम् ।
अरोगतामदोषतां सुसाहितीं सुपुत्रतां
समाहितायुरष्टभूतिमभ्युपैति सोऽचिरात् ॥६॥

மனம் மகிழ்ந்து, கையில் மோதகம் ஏந்தி, எப்பொழுதும் மோக்ஷம் நல்குபவரான விநாயகரை வணங்குகிறேன். அவர் சந்திரப்பிறை அணிந்தவர். அமைதி கொண்டோரைக் காப்பவர். துணையற்றவருக்கு துணையானவர். யானையரக்கனைக் கொன்று வணங்கியவரை குறைதீர்த்துக் காப்பவர்.

வணங்காதவருக்கு விநாயகர் பயமானவர். உதித்தெழும் சூரியன் போல் விளங்குகின்றார் அவர். தேவரும் அசுரரும் அவரை வணங்க, வணங்கியவரின் தீயதைப் போக்கி, தேவர்களுக்கும், நவநிதிகளுக்கும் நாயகன், கஜாஸுரனுக்கும், கணங்களுக்கும் தலைமை தாங்கி பரம்பொருளாய் நிற்கும் அவரை எக்கணமும் சரணமடைகிறேன்.

கஜாஸுரனை அழித்து அகில உலகுக்கும் க்ஷேமத்தைச் செய்தவர் விநாயகர். அவர் மேலும் பருத்த தொந்தியும், சிறந்த யானைமுகமும் கொண்டவர். கருணை புரிபவர். பொறுமையானவர். மகிழ்ச்சி, தோன்ற புகழ்சேர்ப்பவர். வணங்கியவருக்கு நன்மனம் தந்து விளங்கும் அவரை வணங்குகின்றேன்.

ஏழைகளின் துன்பத்தைத் துடைத்து உபநிஷதங்கள் போற்ற நிற்பவர். பரமசிவனின் மூத்தமகனாய் அசுரர்களின் கர்வத்தை அடக்கியவர். மதஜலம் பெருகும் பழம்பெரும் வாரணமுகத்தவனை வணங்குகிறேன்.

மிக அழகான தந்தங்களைக் கொண்டவர். யமனை அடக்கிய பரமசிவனின் புதல்வர். எண்ணுதற்கரிய உருவம் கொண்டவர். முடிவில்லாதவர். இடையூறுகளைத் தகர்ப்பவர். யோகிகளின் மனதில் குடிகொண்டவரான அந்த ஏகதந்தரை எப்பொழுதும் தியானம் செய்கிறேன்.

இந்த கணேச பஞ்சரத்னத்தை எவர் தினமும் காலையில் ஸ்ரீ கணபதியை மனதில் தியானித்துக் கொண்டு பாராயணம் செய்கிறாறோ, அவர் நோயின்றி குறையேதுமின்றி, நல்ல கல்விகளையும் நன்மக்களையும், அஷ்டைச்வர்யமும் பெற்று நீண்ட ஆயுளுடன் வாழ்வார்கள்.