அம்மா ஆனந்தம்……
பல்லவி
அம்மா ஆனந்தம் தருபவள் நீயே
இம்மாநிலமாளும் திரிபுரசுந்தரியே
அனுபல்லவி
பெம்மான் சிவன் மனதைக் கவர்ந்த ஈச்வரியே
நம் பெருமாள் நாரணன் கேசவன் சோதரியே
சரணம்
வெம்பவக் கடலினைக் கடந்திட வேண்டியே
அம்பிகையே ஶ்ரீலலிதே மலர்ப் பதம் பணிந்தேன்
உம்பர் முனிவர் பணி அகிலாண்டேச்வரியே
நம்பித் துதித்திடும் எனக்கருள் புரிவாயே
No comments:
Post a Comment