நாராயணன் நாமமே…..
பல்லவி
நாராயணன் நாமமே நாளும் துதிப்போம்
நாரதமுனி இடையாறது உச்சரிக்குமந்த
துரிதம்
நரர் சுரர் சுரபதி சுகசனகாதியர்
அரனயனனைவரும் கரம் பணிந்தேத்தும்
அனுபல்லவி
ஶ்ரீராமசந்திரனும் கேசவனுமவனே
தீராவினை தீர்க்கும் திருவரங்கநாதனுமவனே
சரணம்
மாரனைப் பிரமனைப் படைத்த மாலவன்
சாரநாதன் சதுர்மறை போற்றும்
சாரங்கபாணி சக்கரக்கையன்
பேரருளாளன் தேவாதிராஜன்
காரார் குழலாள் திருமகளை திருமார்பில்
ஆர்வமுடன் தாங்கும் ஆராவமுதனவன்
கார்வண்ணமேனியன் கண்ணனுமவனே
பார் போற்றும் பரந்தாமன் பரவாசுதேவன்
No comments:
Post a Comment