திருமாலுன் திருமார்பில்…..
பல்லவி
திருமாலுன் திருமார்பில் பெரிய பிராட்டியெனும்
திரு வீற்றிருப்பதனால் தானுனக்குப் பெருமை
அனுபல்லவி
திருவின் நாயகனே கேசவனே மாதவனே
திருவரங்கப் பெருமாளே எளியோர்க்கருள்பவனே
சரணம்
இருவினையகலச் செய்யும் திருவேங்கடமுடையோனே
தருமநெறி காக்கப் பல அவதாரமெடுத்தவனே
வருமிடர் நீக்கி வாஞ்சையுடனெனைக் காக்கும்
அருமாகடலமுதே ஶ்ரீமன் நாராயணனே
No comments:
Post a Comment