ரங்கனுக்கு திருவடி அழகு
வரதனுக்கு கடுக்கன் அழகு
திருவேங்டவனுக்கு சொருபம் அழகு
திருநாரயணனுக்கு வைர முடி அழகு
விட்டலுக்கு திரு சூரணம் அழகு
ஆரா அமுதனுக்கு அழகோ அழகு
ஒப்பிலா அப்பனுக்கு அபயம் அழகு
பார்த்த சாரதிக்கு திருமுகம் அழகு
ஜகந்நாதனுக்கு உருண்டை கண்கள் அழகு
குருவாயூரப்பனுக்கு கௌபீனம் அழகு
உடுப்பி நவநீதனுக்கு மத்து அழகு
ரெங்கமன்னாருக்கு ஆண்டாள் அழகு
ஆமருவியப்பனுக்கு கருணை அழகு
ராஜகோபாலனுக்கு எத்தனை அழகு
அப்பப்பா சொல்ல இயலா அழகு
நாமமே பலம் நாமமே சாதனம்
பாண்டுரங்க ஹரி
அழகுக்கே அழகு ……
பல்லவி
அழகுக்கேஅழகு செய்யும் கள்ளழகன் தாள் பணிந்தேன்
பழகு தமிழ் மொழியில் பாமாலை சூடி
அனுபல்லவி
சுழல் சக்கரமேந்தும் பரந்தாமன் கேசவன்
அழகனவன் மார்பிலுறை திருமகளும் பேரழகு
சரணம்
அரங்கனுக்கழகு அவனிரு திருவடி
பரமனுக்கவன் கிடக்கும் பாம்பணையழகு
வரதனுக்கவனணிந்த கடுக்கனழகு
நரசிம்மமெனும் அழகிய சிங்கரே அழகு
திருவேங்கடவருக்கோ உருவமழகு
திருநாராயணனின் வைரமுடியழகு
திருச்சூரணமே விட்டலனுக்கழகு
திருமோகூராப்தன் மோகினி வடிவழகு
ஆராவமுதனவன் வடிவமே அழகு
ஒப்பிலா அப்பனின் அபயகரமழகு
சாரதிக்கழகு அவன் திருமுகமே
உருண்ட விழிகள் உலகநாதனுக்கழகு
குருவாயூரப்பனுக்குக் கோமணமழகு
உடுப்பி கண்ணனின் மத்துமொரு அழகே
வடபத்ர சாயிக்கோ ஆண்டாளழகு
ஆமருவியப்பனுக்குக் கருணை அழகு
ராமக்ருஷ்ண ஹரி பாண்டுரங்க ஹரி
விட்டல விட்டல ஹரி ஹரி விட்டல
No comments:
Post a Comment