சிவக்கொழுந்தீசர்

திருநாவுக்கரசர் அருளியது

கோவாய் முடுகி யடுதிறற்
கூற்றங் குமைப்பதன்முன்
பூவா ரடிச்சுவ டென்மேற்
பொறித்துவை போகவிடின்
மூவா முழுப்பழி மூடுங்கண்
டாய்முழங் குந்தழற்கைத்
தேவா திருச்சத்தி முற்றத்
துறையுஞ் சிவக்கொழுந்தே.

சிவக்கொழுந்தீசர்


பல்லவி

 சிவக்கொழுந்தீசனை   உமையொருபாகனை

 பவ வினை விலக  உவந்து துதித்தேன்

அனுபல்லவி

அவதாரம் பல எடுத்த கேசவன் நேசனை

 அனலேந்துமீசனைத் தழுவக் குழைந்தவனை

 சரணம்

கவலைதரும்  காலனெனை அணுகும் முன்னமே

புவனேஸ்வரனுன்  பொற்பாதம் பதித்தென்

அவலம் தீர்த்து ஆண்டருள வேண்டுமென

தவ யோகியர் போற்றும் சத்திமுற்றத்துறை