ஆடும் சிதம்பரனை……
பல்லவி
ஆடும் சிதம்பரனைக் குழலூதும் கண்ணனை
நாடித்துதிப்போம் நல்லருள் பெறுவோம்
அனுபல்லவி
மாடுகள் மேய்பவன் மாயன் நீலவண்ணன்
மாடு மீதேறி வலம் வருபவன் நீலகண்டன்
சரணம்
மலை மீதமர்ந்து உலகினைக் காப்பவனீசன்
மலையைக் குடையாக்கி ஞாலம் காத்தவன் கேசவன்
அலை சடைதனிலே கங்கையை ஏந்தியவன் சிவன்
அலை மீதறிதுயில் கொள்பவன் திருமால்
No comments:
Post a Comment