அலைபாயுமென் மனதை….
பல்லவி
அலைபாயுமென் மனதை அடக்கிட நீ உதவிடுவாய்
அலைமகளின் நாயகனே அரவிந்த நாபனே
அனுபல்லவி
நிலையா இப்பிரபஞ்சம்தனில் நிலைத்திருப்பவனே
இலைமீது துயின்றவனே கேசவனே மாதவனே
சரணம்
மலை மீது சிலையாக நிற்கின்ற கோவிந்தா
பலப்பல அவதராமெடுத்துலகைக் காப்பவனே
முலைப்பால்தனைக் குடித்து பூதனையைக் கொன்றவனே
அலைகடலின் மீதுறங்கும் ஶ்ரீமன் நாராயணனே
No comments:
Post a Comment