வேதங்கள் போற்றும்….
பல்லவி
வேதங்கள் போற்றும் சீதாராமன்
பாதம் பணிந்தேன் எனக்கருள்வாயென
அனுபல்லவி
மாதரசி ஜானகியை மணம் புரிந்த கேசவன்
ஆதவகுலத்துதித்த மாதவன் மதுசூதனன்
சரணம்
சாதாரணரையும் மேதாவியாகச் செய்யும்
மேதகு குணம் படைத்த ஶ்ரீ ஜெயராமன்
பாதகம் செய்த அரக்கரை வதம் செய்த
கோதண்ட ராமன் கோசலை மைந்தன்
மாதவம் புரிந்திடும் முனிவரும் பணிந்தேத்தும்
ஏதமிலாதவன் எழில் மிகு அழகன்
பூதலம் கொண்டாடும் அயோத்தி மன்னன்
ஓதக்கடல் நடுவே உறங்கும் நாராயணன்
No comments:
Post a Comment