கோவிந்த மாதவ…….
பல்லவி
கோவிந்த மாதவ மதுசூதனா கண்ணா
சேவடி பணிந்திடும் எனைக் காத்தருள்வாய்
அனுபல்லவி
ஆவினங்கள் மேய்த்தவனே வேணுகோபாலனே
மூவுலகும் பணிந்தேத்தும் தேவாதி தேவனே
சரணம்
கூவியழைத்த கரிக்கபயமளித்தவனே
மாவிடை வாகனன் மகாதேவனும்
பூவிலமர் நான்முகனும் பணிந்திடும் கேசவனே
மூவாசைப் பிணி போக்கும் முகுந்தனே மாயவனே
கோவர்த்தன மலையைக் குடையாகப் பிடித்தவனே
தேவகிமைந்தனே கம்சனைக் காய்ந்தவனே
தேவியர் பாமா ருக்மணியுடனிருக்கும்
தேவாதி தேவனே ஶ்ரீவாசுதேவனே
மூவடியாலுலகளந்து மாவலியை வென்றவனே
காவளம்பாடிவளர்க் கண்ணபெருமானே
தேவர்கள் நாரதர் சுகசனகாதியர்
யாவரும் வணங்கிடும் ஶ்ரீமன் நாராயணனே
No comments:
Post a Comment