சொல்லுவோம்…..
பல்லவி
சொல்லுவோம் அனுதினம் ஶ்ரீ ராம நாமம்
வெல்லுவோம் பவப்பிணி கவலையிடர்களை
அனுபல்லவி
வல்வினை நீக்கி நல்வினை தந்திடும்
கல்யாண ராமன் கேசவன் திருநாமம்
சரணம்
பொல்லா அரக்கரை அழித்தவன் நாமம்
நல்லடியார் நான்மறைகள் போற்றுகின்ற நாமம்
கல்லாரும் கற்றவரும் வானவரும் தானவரும்
எல்லாரும் நலம் பெறத் துதித்திடும் நாமம்
பல்கலையறிந்த அனுமன் துதிக்கும் நாமம்
சொல்லவும் எளிதான சுவைதரும் நாமம்
கல்லையும் காரிகையாய்ச் செய்தவன் நாமம்
சொல்லற்கரியானின் அழகிய திருநாமம்
No comments:
Post a Comment