நூற் பயன்
ஆத்தாளை, எங்கள் அபிராம வல்லியை, அண்டம் எல்லாம்
பூத்தாளை, மாதுளம் பூ நிறத்தாளை, புவி அடங்கக்
காத்தாளை, ஐங்கணைப் பாசங்குசமும் கருப்புவில்லும்
சேர்த்தாளை, முக்கண்ணியைத், தொழுவார்க்கு ஒரு தீங்கு இல்லையே.
உன்னைப் பணிவோர்க்கு........
பல்லவி
உன்னைப் பணிவோர்க்கு ஒரு குறையுமில்லை
ஆத்தாளே அபிராமி கேசவன் சோதரி
அனுபல்லவி
முன்னைப் பழம் பொருளே மூவருக்கும் மூத்தவளே
பன்னகாபரணனின் இடம் கொண்ட நாயகி
சரணம்
மலர்க் கணைகளைந்தும் பாசாங்குசமும்
கரும்பு வில்லுமேந்திய கரத்தினளே
அலகிலா விளையாடல் பல புரிபவளே
முக்கண்ணியே மா துளம் பூ நிறத்தாளே
No comments:
Post a Comment