தெய்வநாயகனை.....
பல்லவி
தெய்வ நாயகனை தேவனார்தொகையில்
மெய் சிலிர்க்க க்கண்டு மனமாரத்துதித்தேன்
அனுபல்லவி
மெய்யடியார் நலம் பேணும் மாதவனைக் கேசவனை
அயனரனும் பணிந்தேத்தும் ஆராவமுதனை
சரணம்
தையலாள் கடல்மகள் நாச்சியார் மனங்கவரும்
மெய்ப் பொருளை மணிவிளக்கை மதுசூதனனை
வையகம் காத்தவனை வைத்தமாநிதியை
மெய்யுருகிப் பணிந்தேன் எனக்கருள வேண்டுமென
கடல்மகள்.....
பல்லவி
கடல்மகள் நாச்சியார் கரம் பிடித்த மாதவன்
கடல்வண்ணன் தெய்வநாயகன் பதம் பணிந்தேன்
துரிதம்
சூரிய சந்திரர் தேவர்கள் அனைவரும்
கூடித் துதித்து கரம் பணிந்தேத்தும்
அனுபல்லவி
மடந்தையர் நடமாட வண்டுகள் இசைபாட
அடர்ந்த சோலைகள் சூழ்தேவனார் தொகையுறையும்
சரணம்
விடமுண்ட கண்டன் விடைவாகனனும் நான்முகனும்
திடமொழி மறையோதும் வேதியரும் நாரதரும்
இடரின்றி தினம் துதிக்கும் மதுசூதனன்
வடமதுரை மன்னன் வாசுதேவன் கேசவன்
அழகிய நம்பியின்.......
பல்லவி
அழகிய நம்பியின் கழலடி பணிந்தேன்
அழகியவல்லி உடனிருந்து போற்றும் ( வடிவழகிய..)
அனுபல்லவி
சுழலும் சக்கரக் கையனவன் புகழை
பழகு தமிழ் மொழியில் பாடிப் பரவசித்து
சரணம்
அழலேந்தும் நெற்றிக்கண்ணனும் பிரமனும்
அமரேந்திரனும் நரர் சுரரும் நாரதரும்
மண்டூக முனிவரும் வால்மீகியும் பணியும்
அழகன் கேசவன் அவனருள் வேண்டி
வயலாளி மணவாளன்....
பல்லவி
வயலாளி மணவாளன் மலர்ப்பாதம் துதித்தேன்
மங்கையாழ்வார் துதித்த சிந்தனைக்கினியான்
அனுபல்லவி
அயனரனும் நாரதரும் சனகாதிமுனிவருடன்
கயல்விழியாள் அமிர்தவல்லி மனம் மகிழ்ந்து போற்றும்
சரணம்
வேடனாய் வந்து வேதராஜபுரம் தனிலே
வழிப்பறி செய்த ஆழ்வாரையாட்கொண்ட
வைகுந்தவாசன் கல்யாண ரங்கனாதன்
திருவாலி நகர் வளரும் மாதவன் கேசவன்
திவ்ய தேசங்கள்
திவ்ய தேசங்கள் (Divya Desam) என்பது 108 வைணவத் திருத்தலங்களைக் குறிக்கும். பன்னிரு ஆழ்வார்கள் பாடிய நாலாயிரத்திவ்ய பிரபந்தத்தில் இடம்பெற்ற சிறப்புமிக்க வைணவத் திருத்தலங்கள் திவ்ய தேசம் எனவும், திவ்ய தேசங்களைப் பற்றிய பாடல்கள் மங்களாசாசனம் எனவும் அழைக்கப்படுகின்றன.
ஆழ்வார்களால் மங்களாசாசனம் பெற்ற திருத்தலங்கள் 108 ஆகும். அவையே 108 திவ்ய தேசங்கள் எனப்படுகின்றன. இவற்றில் 105 தலங்கள் இந்தியாவிலும், ஒன்று நேபாளிலும் உள்ளன.இவற்றைத் தவிர மற்ற 2 தலங்கள் வானுலகிலும் உள்ளன. 108 தலங்களுக்கும் தம் வாழ்நாளில் சென்று அத்தலத்திற்குரிய பாடல்களைப் பாடுதல் ஒரு வைணவ சமய வழிபாடாக உள்ளது.
108 வைணவத் திருத்தலங்களில்
திருச்சி, ஸ்ரீரங்கம் ரங்கநாதர் கோயில், ‘பூலோக வைகுண்டம்' என்ற பெருமை பெற்றது. வைணவர்களின் 108 வைணவ திருத்தலங்களில் தலைமைச் செயலகம் போல் செயல்படுகின்றது. பன்னிரு ஆழ்வார்களில் 11 ஆழ்வார்கள், 'மங்களாசாசனம்' பெற்று பாடிய திருத்தலமாகும். இந்தியாவிலேயே ஸ்ரீரங்கம் கோயில்தான் ஏழு பிரகாரங்களுடன் கோயில் அமைக்கப்பட்டுள்ளது. கோயிலைச் சுற்றி 21 கோபுரங்கள் உள்ளன. கோயில், 'நாழிக்கேட்டான் வாயில்' வெளிப்புற முகப்பின் இருபக்கங்களிலும் உள்ள மாடங்களில் பத்திரர், சுபத்திரர் ஆகிய துவார பாலகர்கள் உள்ளனர்.
* கோயிலின் உட்புற முகப்பில் பெரியபெருமாள் மூலஸ்தானத்தை நோக்கி, மகாவிஷ்ணுவுக்கு உரியவராக முறையே சங்கு, தாமரை வடிவங்களில், 'சங்க நிதி', 'பதும நிதி' உருவங்களுடன் இருக்கின்றனர். மூலவர் சுதையினால் இருப்பதால் திருமஞ்சனம் செய்யப்படுவதில்லை. அதற்குப் பதில் கோயில் பணியாளரைக் கொண்டு இயற்கை மூலிகைகளினால் தயாரிக்கப்பட்டதைலக்காப்புடன் மெருகூட்டப்படுகிறது.
* கோயில் கருவறையின்மேல் தங்கத் தகடுகளால் வேயப்பட்ட விமானம் உள்ளது. விமானத்தில் மேல் ரிக், யஜுர், சாம, அதர்வண வேதங்களைக் குறிக்கும் வகையில் நான்கு தங்கக்கலசங்கள் உள்ளன. இந்தத் திருத்தலத்துக்கு வந்து ஆண்டாள், திருப்பாணாழ்வார், துலுக்க நாச்சியார் ஆகியோர் அரங்கனின் திருவடியை அடைந்து உள்ளனர்.
* வருடத்துகொருமுறை,பங்குனி உத்திர நாளில் பெருமாளும், தாயாரும். தாயார் சன்னதியில் இருக்கும் சேர்த்தி சேவை மண்டபத்தில் சேர்ந்து பக்தர்களுக்கு காட்சி தருகின்றனர்.
காணும் தோறும்.....
பல்லவி
காணும் தோறும் களிப்புறச் செய்திடும்
வேணுகோபாலன் திருவடி பணிந்தேன்
அனுபல்லவி
பேணுமடியார் வினைகளைத் தீர்த்திடும்
தனக்குவமையில்லாத தீனசரண்யன்
சரணம்
கீத வாத்திய சங்கீத ரசிகன்
கீதையை ஓதிய கண்ணன் கேசவன்
வேதங்கள் போற்றும் மாலன் மதுசூதனன்
யாதவ குல திலகன் நந்தகுமாரன்
பத்மநாபா......
பல்லவி
பத்மநாபா பரிந்தருள் புரிவாய்
உத்தமனே உன் திருவடி பணிந்தேன்
அனுபல்லவி
சத்தியமூர்த்தி மெய்யப்பனே உனை
முத்திதனைப் பெறவே போற்றித் துதித்தேன்
சரணம்
நித்தியமில்லா உலக வாழ்வில்
பித்தனாய்ப் பேதையாயலைந்து திரிந்தேன்
நித்தியம் நீயென அறிந்து தெளிந்தேன்
அத்திகிரி வரதா எனையாட்கொள்வாய்
பாண்டுரங்கன் நீயே........
பல்லவி
பாண்டுரங்கன் நீயே எனைக் கைவிட்டால்
மீண்டும் எவரிடம் நான் முறையிடுவேன்
அனுபல்லவி
பாண்டவதூதனே பாடகத்தோனே
ஆண்டவன் உனையன்றி இவ்வுலகில் வேறறியேன்
சரணம்
மூண்டெழுந்த பாரதப் போரில் தேர் நடத்தி
காண்டீபன் பார்த்தனுக்குத் துணை நின்ற கேசவா
தீண்டும் பாம்பின் மேல் பள்ளிகொண்டிருக்கும்
திருவுறை மார்பனே நாராயணனே
திருமாலிருஞ்சோலை.....
பல்லவி
திருமாலிருஞ்சோலைக் கள்ளழகன் கேசவனை
தேவாதி தேவனை மனமாரத்துதித்தேன்
அனுபல்லவி
பெருமைக்குரிய மதுரைமாநகரில்
திருமகள் சுந்தரவல்லியுடன் காட்சி தரும்
சரணம்
கருமவினைப் பயனால் படுந்துயரகலவும்
தரும சிந்தையும் நல்வாழ்வும் பெறவும்
கருணை நிறைந்த ஏழைப் பங்காளனை
கருமுகில்வண்ணனை கமலநாபனை
பார்த்தசாரதியின்......
பல்லவி
பார்த்தசாரதியின் பாதம் பணிந்தேன்
சீர்மல்கும் திருவல்லிக்கேணியெனும் பதியமர்ந்த
அனுபல்லி
பார்த்தனுக்கு சாரதியாய் தேர்நடத்தி உதவிய
வேங்கட கிருஷ்ணன் ருக்மணி ரமணன்
சரணம்
நாற் திசையும் புகழ் விளங்கும் திருமால் கேசவன்
நீ்ர்மலையில் பள்ளிகொண்ட ஶ்ரீரங்கநாதன்
கார்வண்ணன் கண்ணன் தேவகி மைந்தன்
பார்த்தெனக்கருள் புரிய வேண்டுமெனத் துதித்து
நீர்மலையில்.....
பல்லவி
நீர்மலையில் நின்றருருளும் நீலமுகில்வண்ணனை
பார் போற்றும் கேசவனை மனமாரத்துதித்தேன்
அனுபல்லவி
கார்வண்ணன் அணிமாமலர் மங்கைநாயகன்
தேர் நடத்திப் பார்த்தனுக்கு அருள் புரிந்த ஶ்ரீகிருஷ்ணன்
சரணம்
நின்றானிருந்தான் கிடந்தான் நடந்தானென
நான்கு திருக் கோலங்களில் பக்தருக்குக் காட்சி தரும்
நரர்சுரர் நாரதரும் நான்மறையும் பணிந்தேத்தும்
நரசிம்மன் தாடாளன் ஶ்ரீ ரங்கநாதன்
உன்னைவிட........
பல்லவி
உன்னைவிட உயர்ந்தவர் யார் பாண்டுரங்க விட்டலா
அன்னை தந்தை குரு அனைத்தும் நீயே
அனுபல்லவி
முன்னைக்கு முன்னவனே தேவருக்கு மூத்தவனே
தன்னைத் தான்றிந்தவர்க்கு முக்தியளிப்பவனே
சரணம்
இன்னிசையுடன் நாம சங்கீர்த்தனம் செய்தால்
நன்னெறி காட்டி ஞானமளிப்பவனே
புன்னகை முகத்தோனே இன்னருள் தருபவனே
பன்னக சயனனே சென்ன கேசவனே
எனக்கோரு ......
பல்லவி
எனக்கொரு குறையுமில்லை கேசவா
உனதிரு விழிகளின் அருட்பார்வையே போதும்
அனுபல்லவி
தனக்குவமை இல்லாத தனிப்பெருந்தெய்வமே
உனதருளொன்றே என்றும் வேண்டினேன்
சரணம்
அனல் புனல் காற்று ஆகாயம் பூமி
அனைத்தும் நீயே அகில லோகநாயகா
கனகாங்கி செங்கமலம் கரம் பிடித்தவனே
வனமாலையணிந்தவனே ஶ்ரீ வாசுதேவனே
ஶ்ரீ சாரதா........
பல்லவி
ஶ்ரீ சாரதா தேவியுனைப் பணிந்தேன்
இசைஞானமும் நல்லறிவும் யான் பஎறஅவஏ
அனுபல்லவி
ஆசாபாசங்கள் அனைத்தும் நீங்கிட
வாச மலர் தூவி மனமாரத் துதித்தேன்
சரணம்
அமரரும் முனிவரும் அமரேந்திரனும்
கமலாலயனும் ஈசனும் கேசவனும்
உமையுடன் அலைமகள் அனைவரும் போற்றும்
கமலமலரமர் பாரதி கலைவாணி
எப்போதும்.....
பல்லவி
எப்போதும் உந்தன் திருவடியே நினைத்தேன்
அப்போதைக்கிப்போதே திருநாமம் உரைத்தேன்
சமஷ்டி சரணம்
முப்போதுமுந்தன் கழலடி நிழல் பெறவே
அப்பா கேசவா உனதருளே வேண்டினேன்
தப்பேதும் செய்திலேன் தரணியில் நனென்றும்
இப்போதே என்னை இனிதாட்கொள்வாய்
மகாதேவன்.......
பல்லவி
மகாதேவன் மைந்தனே விநாயகனே உந்தன் மலர்ப் பதம் பணிந்தேன்
அகார உகார மகாரமென்னும் மந்திரப்பொருளின் வடிவானவனே
அனுபல்லவி
சுகானுபவம் தரும் சங்கீதரசிகனே சுமுகே அய்ங்கரனே
விகாரமில்லா மனத்தடன் துதித்தேன் வினைகள் தீர்த்தருள்வாய்
சரணம்
மகானுபாவனே வேழமுகத்தோனே சிகாமணியே உந்தன்
முகாரவிந்தம் கண்டு மகிழ்நதேன் மூலப்பொருளே அருளே சுடரே
தகாதவனோ நான் உன்னருளைப் பெறவே உமாசுதனே கணநாயகனே
புகலென உனையே சரண்டைந்தேனே கேசவன் மருகனே
என்றும்.......
பல்லவி
என்றும் கேசவனுன் கழலடி நிழலில்
நின்று சேவிக்கும் நிலையே வேண்டினேன்
அனுபல்லவி
இன்றும் கருடனும் அனந்தனும் உனது
அருகிலிருந்து சேவை புரிவது போல்
சரணம்
கன்றின் குரல் கேட்ட பசுவா௧ அன்று
சென்று துருவனுக்கருள் செய்தவனே
வென்று தசமுகனின் பகை முடித்தவனே
குன்றினைக் குடையாக்கி குவலயம் காத்தவனே
என்றும் .........
பல்லவி
என்றும் எந்தன் துணை நீயே கேசவா
இன்றே விரைந்தெனை ஆட்கொள்ள வா
அனுபல்லவி
குன்றேந்தி நின்றவனே கோகுலபாலனே
உன்றன் திருவடியே அன்றாடம் துதித்தேன்
சரணம்
நின்று திருமலையில் பக்தருக்கு காட்சி தரும்
மன்னும் புகழுடைய திருவேங்கடமுடையானே
வென்று பகை முடித்து தசமுகனைக் கொன்று
அன்றோர் அரக்கனுக்கு அபயமளித்தவனே
அங்கயற்கண்ணியுன்.......
பல்லவி
அங்கயற்கண்ணியுன் பங்கய பதம் பணிந்தேன்
எங்கள் குலம் தழைக்க மங்களம் தந்தருள்
அனுபல்லவி
சங்கரன் சோமசுந்தரேச்வரன்
பங்கிலுறைபவளே மீனலோசனி
சரணம்
சங்கத் தமிழ் வளர்த்த கூடல் மாநகரில்
பொங்கும் எழிலுடனே எழுந்தருளிக் காட்சி தரும்
சங்கரி கௌரி கேசவன் சோதரி
எங்கும் நிறைந்திருக்கும் திரிபுரசுந்தரி
கோளவல்லியின்.......
பல்லவி
கோமளவல்லியின் மலர்க் கரம் பற்றிய
சாரங்கபாணியின் அரவிந்த பதம் பணிந்தேன்
அனுபல்லவி
தாமதம் செய்யாமல் ஆட்கொள்ள வேண்டுமென
ஆராவமுதனவன் திருநமம் துதித்தேன்
சரணம்
பூமண்டலம் போற்றும் குடந்தையில் கிடந்துடும்
தாமரை மலர் நாபன் ஆதி கேசவன்
பாமரரும் பண்டிதரும் நாரதரும் நான்முகனும்
அமரரும் வணங்கிடும் கருணைக் கடல்வண்ணன்
நாராயணனே.....
பல்லவி
நாராயணனே நம் அனைவருக்கும் தெய்வம்
தீரா வினைதீர்க்கும் ஆராவமுதன்
அனுபல்லவி
ஓராயிரமவன் தித்திக்கும் திருநாமம்
பாராயணம் செய்து அனுதினம் துதிப்போம்
சரணம்
மாறாத பக்தியுடன் துதிப்போர்க்கு அருள்ளிக்கும்
பேராளன் பெருங்கருணைக் கடல்வண்ணன் கேசவன்
சீராளன் நிதியளிக்கும் திருமகளைத் தன்மார்பில்
தீராக் காதலுடன் வைத்திருக்கும் திருமார்பன்
படமெடுத்த....
பல்லவி
படமெடுத்த பாம்பணையில் பள்ளிகொண்டிருக்கும்
சாரங்கபாணியை மனமாரத்துதித்தேன்
அனுபல்லவி
குடந்தையில் எழுந்தருளி பக்தருக்கு காட்சி தரும்
கடல்வண்ணன் கேசவனை ஆராவமுதனை
சரணம்
அந்நாளில் துருவனையும் பக்தன் பிரகலாதனையும்
ஆட்கொண்டது போல் எனையாட்கொள்ளவும்
எந்நாளும் எப்போதும் திருவடி நிழலில்
நின்று சேவிக்கும் பாக்கியம் வேண்டியும்
ஓங்காரவடிவினனே.....
பல்லவி
ஓங்காரவடிவினனே வேழமுகத்தோனே
தீங்கின்றி எனக்கருள வேண்டுமென தினம் துதித்தேன்
அனுபல்லவி
தேங்காய் பழம் புஷ்பம் அருகம்பில் கொண்டு
பாங்குடனே திருவடியில் அர்ச்சனை புரிந்தேன்
சரணம்
மாங்கனியை வென்று ஈன்றோரே அகிலமென
ஓங்கி அனைவருக்கும் ஓதிய அய்ங்கரனே
தூங்காமல் தூங்கும் கேசவன் மருகனே
நீங்காத புகழ் மேவும் மணித்வீப கணபதியே
பண்டரீபுரத்தானை.....
பல்லவி
பண்டரிபுரத்தானைப் பாண்டுரங்கவிட்டலனை
கண்டு கலி தீர்ப்போம் கவலைகள் மறப்போம்
அனுபல்லவி
அண்ட சராசரங்களனைத்தையும் படைத்து
காத்து நிலை நிறுத்தி ஆண்டிடும் கேசவனை
சரணம்
சண்டாள உலகில் பொருள் புகழ் போகமெனத்
திண்டாடித் தேடி அலைந்து திரியாமல்
உண்டு களித்து வீணாய்ப் போகமலவன்
தொண்டருக்குத் தொண்டு செய்து அவனருள் பெறுவோம்
