மாதவனைக் கேசவனை……
பல்லவி
மாதவனைக் கேசவனைக் கண்ட நாள் முதலாய்
காதல் பெருகுதடி சகியே
அனுபல்லவி
கீதமிசைத்து குழலூதி வலம் வரும்
யாதவனை கோகுலத்துக் கண்ணனை
சரணம்
பூதனையை வதம் செய்த ஶ்ரீதரனை
ஆதவன் ஒளியை மிஞ்சும் அழகிய தாமோதரனை
மாதரார் கோபியர் மனங்கவர் கோபாலனை
பூதலம் கொண்டாடும் ஶ்ரீவாசுதேவனை
ஏதமிலா இன்சொல் திருமகளின் நாதனை
மாதவம் செய்திடும் முனிவர்களைக் காப்பவனை
ஓதக் கடலில் பள்ளிகொண்ட திருமாலை
பாதகம் செய்த மது கைடபரைக் கொன்றவனை
No comments:
Post a Comment