சங்கரன் மகன்

                   

                                      சங்கரன் மகன் 

                                                  பல்லவி

                         அங்கிங்கெனாதபடி எங்கும் குடிகொண்டிருக்கும்

                          எளிய கணபதியை  மனமாரத் துதித்தேன்

                                             அனுபல்லவி

                          சங்கடமிடர் நீக்கும் ஆனைமுகத்தோனை

                          மங்கள மூர்த்தியை மறை போற்றும் தேவனை
                       
                                              சரணம்

                          அங்குசபாசமுமீட்டியும் மோதகமும்

                          பங்கய மலரும் கரங்களிலேந்திடும்

                          அய்ங்கரனைக்கரிமுகனை கேசவன் மருகனை                            

                          சங்கரன் மகனை வாரணமுகனை 



                                              
                         
                         

கருடாழ்வார்

         

                                                 கருடாழ்வார்

                                                     பல்லவி

                              வினதையின் புதல்வனைப்  பறவையரசனை

                              மறையுருவானவனை மனமாரத்துதித்தேன்

                                                     அனுபல்லவி

                                தனம் தரும் திருமகளைத் தன் மார்பில் தாங்கும்

                               அனந்தசயனனின்  வாகனமானவனை

                                                       சரணம்

                                அனைவரும் அன்புடன் புள்ளரையன் காகேந்திரன்

                                 பெரிய திருவடி என்றழைத்துப் போற்றும்

                                  இனிய நாமங்கள்  பலப்பல உடையவனை

                                   தினம் தினம் கேசவனைத் தோளில் சுமப்பவனை
   

 (Inspired by follwing posting of Ms.INDRA SRINIVANAN)
                             
            கருடன் வேதமயமானவன், அதாவது "வேத சொரூபன்".விநதையின் புதல்வனான கருடனின் ஒவ்வொரு அவயமமும் வேதத்தின் பகுதி. "ஸ்தோமம்" என்னும் ஸாம வேத பாகமே அவரது ஆத்மஸ்வரூபம்.

"காயத்ரம்" என்கிற ஸாமம் அவருக்கு கண்கள். "த்ரிவ்ருத்" என்ற ஸாமம் அவருக்கு சிரசு. யஜுர் வேதங்கள் அவருடைய திருநாமங்கள். சந்தஸ்ஸுக்கள் அவரது திருக்கரங்கள். "திஷ்ண்யம்" எனப்படும் வேள்வி மேடைகள் அவரது திருப்பாதங்கள்.

"வாமதேவ்யம்" என்கிற ஸாமம் அவரது திருமேனி, "ப்ருஹத்" , "ரதந்தரம்" என்னும் ஸாமங்கள் அவருடைய இரு சிறகுகள்.

"யஜ்ஞாயஜ்ஞியம்" என்கிற ஸாமம் அவருக்கு வால். இவ்வாறு வேத பாகங்களெல்லாம் கருடனுடைய திருமேனிகளாய் விளங்குவதால் கருடனை"வேதஸ்வரூபன்" என்கிறார்கள் பெரியோர்.

இவ்வாறு பெரிய திருவடி என்றும் புள்ளரையன் என்றும் காகேந்திரன் என்றும் போற்றப்படும் பக்ஷிராஜனான கருடன் மேல் பெருமாள் ஆரோகணித்து பவனி வரும்போது நாம் காண்பது என்ன?

கருட வேதசொரூபி. எம்பெருமான் அவ்வேதத்தினால் அறியப்படுபவன், போற்றப்படுபவன், எனவே பெருமாள் கருட சேவை தந்து எழுந்தருளும் பொது"மறை போற்றும் இறை" இவனே என்றும். "மறைமுடி"இவனே என்றும் காட்டித்தருகின்றது.

அந்த வேதச்செழும் பொருளை நாம் உணர்ந்தால் நமக்கு மோட்சம் தானே எனவே தான் கருட வாகனத்தில் பெருமாளை தரிசித்தவர்களுக்கு மறு பிறவி கிடையாது என்பது ஐதீகம்.

                                                     ********

உத்தம கணபதி

                      உத்தம கணபதி   

                                             பல்லவி      
   
                         மலர் வனம் போல் காட்சி தரும் மகாகணபதியை    

                          வலம் வந்து பணிந்து மனமாரத் துதித்தேன்

                                               அனுபல்லவி

                           நிலவின் இளம்பிறை சூடிய  கரிமுகனை

                           அலங்காரப்பிரியன்  கேசவன் மருகனை

                                                 சரணம்

                           உலகில் சிறந்த உத்தம தெய்வமாய்

                           விளங்கிடும் அழகிய ஆனைமுகத்தோனை
               
                           அலகிலா விளையாடல் பல புரிந்தவனை

                           நலமுடன் எனையே ஆண்டருள வேண்டுமென
                       







                                               

ஏழுமலையான்

                           ஏழுமலையான் 

                                                   
                                                        பல்லவி
                         
                          குன்றாத புகழ் விளங்கும் ஏழுமலையானை
                       
                          நின்று கரம் கூப்பி மனமாரத் துதித்தேன்   
                         
                                                   அனுபல்லவி

                         சென்றிலங்கை போர் புரிந்து ராவணாதியரை
                   
                          வென்று பகைமுடித்த  கோதண்ட ராமனை

                                                        சரணம்

                         குன்றைக் குடையாக்கிக் குவலயம் காத்தவனை
                         
                         பன்றியாய் உருவெடுத்து உலகை மீட்டவனை 

                         கன்றோடு பசுக்களை  கறவைகளை    மேய்த்தவனை

                         இன்றும் திருவேங்கடத்தில் அருள் பொழியும் கேசவனை                                                          **********             *************            **********

     Sri Malaiappa Swamy with Consorts, Tirumala Tirupathi.

இடந்தது பூமி எடுத்தது குன்றம்,

கடந்தது கஞ்சனைமுன் அஞ்ச, - கிடந்ததுவும்

நீரோத மாகடலே நின்றதுவும் வேங்கடமே,

பேரோத வண்ணர் பெரிது.

(Poigai Azhwar - Mudal Thiruvandadi)

Venkatam is where the Lord stands; the deep ocean is where he reclines.
The Earth is what he lifted. The mountain is what he held aloft.
Kamsa is whom he leapt upon and killed.
Indeed my Lord's glories are great.

மதவாரணமுகன்

                       மதவாரணமுகன் 

                                                 பல்லவி

                       புதுவித கோலத்தில் காட்சியளித்திடும்

                       மதவாரணமுகனை மனமாரத் துதித்தேன்

                                                அனுபல்லவி

                         சதுர்முகனும் தேவரும் முனிவரும் நந்தியும்

                         சதுர்மறையும் கணங்களும் கரம் பணிந்தேத்தும்

                                                      சரணம்

                           யதுகுலதிலகன் கேசவன் மருகனை

                           மதுர மோதகப் பிரியனைக் கரிமுகனை

                           கதிர்வேலன் தமையனை ஆனைமுகத்தோனை

                           எதிரிடுமிடர் வினை அனைத்தும் நீங்கிட
                           




                       

    

தீபப்பிரகாசர்

 
                                                       தீபப்பிரகாசர்

                                                          பல்லவி

                                        தீபப்பிரகாசனை  விளக்கொளிப் பெருமாளை

                                        திருத்தண்காவில் மனமாரத்துதித்தேன்

                                                        அனுபல்லவி

                                        ஆபத்திருளரச்  செய்திடும் கேசவனை

                                         மாபலியை மூவடியால் வென்ற வாமனனை

                                                              சரணம்

                                        சாபவிமோசனம்  அகலிகைக்கு அளித்தவனை

                                        தாபத்ரயம் நீக்கும் தாமோதரனை

                                        கோபியர் கொண்டாடும் நீலவண்ணனை

                                        கோபாலகிருஷ்ணனை மதுசூதனனை

வேதவல்லி

                             வேதவல்லி 

                                                 பல்லவி

                             வேதவல்லியின் மலர்த்தாள் பணிந்தேன்

                             நாதன் வேங்கட கிருஷ்ணன் மனங்கவர்

                                                 அனுபல்லவி

                             மாதவன் கேசவன் மணிமார்பில் வீற்றிருக்கும்

                             ஏதமிலாத  மாதவளின் திருமகளின்

                                                 சரணம்

                               சீதக்கடலில் உதித்த அலைமகள்

                               நாதசங்கீதக் கலைகளை ரசிப்பவள்

                               பாதம் பணிந்தோரின் வேதனை தீர்ப்பவள்

                               பூதலம் போற்றும் மகாலக்ஷ்மி



     

கம்பீர கணபதி

                                                   கம்பீர  கணபதி


                                                        பல்லவி

                                  கம்பீரமாயமர்ந்து  காட்சி தரும் கணபதியை

                                  தும்பிமுகப் பெருமானை மனமாரத் துதித்தேன்

                                                        அனுபல்லவி

                                   அம்பலவாணன் பரமசிவன் மகனை

                                   அம்புலியணிந்தவனை  கேசவன் மருகனை

                                                         சரணம்

                                    கொம்பொன்றுடைந்தவனை லம்போதரனை

                                    நம்பித் துதிப்பவர்  பங்கிலுறைபவனை

                                    கும்பமுனிக் கருள் தந்த வாரணமுகனை

                                    வெம்பவக் கடலினைக் கடந்திட வேண்டி
                                   

தோன்றியதைப் பகிர்கிறேன் !!!!!!!!!

               தோன்றியதைப் பகிர்கிறேன் !!!!!!!!!
                 ***********

       எல்லாம் தான் எல்லோருந்தான் எழுதிவிட்டுப் போய்விட்டார்களே !

        இனி நாமென்ன புதிதாக எழுதிவிட (அ ) சொல்லிவிடப்போகிறோம்  என்று


         கம்பனோ , வள்ளுவனோ  நினைக்கவில்லை ;  அப்பர் ,சுந்தரர் ,சம்பந்தர்  ,மாணிக்கவாசகர்

          இராமலிங்க அடிகள் , அருணகிரிநாதர்  நினைக்கவில்லை ; பட்டுக்கோட்டை,

           கண்ணதாசன் , வாலி, நினைக்கவில்லை ;

          அட நம்ம பாலகுமாரனும் கூட  நினைக்கவில்லை ,!!!!

            பிறகு நாம் மட்டும் ஏன்  ------------ ?......


            தோன்றியது  எழுதுகிறோம் !,!  பிடித்தவர் படிக்கட்டும்  ரசிக்கட்டும்  மற்றவர் வெடிக்கட்டும்

             துடிக்கட்டும் !!!!!!


              மற்றும் எல்லா கேள்விகளுக்கும்  பதிலிருக்கவேண்டுமென  அவசியமில்லை ....!!!!!!!
                                             

                எல்லா காரியமும் காரணத்துடன் தாநென்றாலும்  ;அந்த எல்லா காரணமும்

              எல்லோருக்கும்  விளங்க வேண்டுமென்று  அவசியமில்லை !!!!!!!!!

தும்பிமுகன்

                   
       

                                     தும்பிமுகன் 

                                                பல்லவி

                              நம்பித்துதித்திடும் அடியார்க்கருள் தரும்

                              தும்பிக்கையானை மனமாரத் துதித்தேன்

                                                  அனுபல்லவி

                              அம்புலி பிறையணி ஆனைமுகத்தோனை

                              அம்புய நாபன் கேசவன் மருகனை

                                                     சரணம்

                             செம்பொன் மேனியன் சிவபெருமான் மகனை

                             உம்பரும் முனிவரும் நந்தியும் கணங்களும்

                             தம்பி முருகனும் கரம்பணிந்தேத்தும்

                             லம்போதரனை  வேழமுகத்தோனை


               
                               

உடுப்பி ஸ்ரீ கிருஷ்ணன்

       

       

                           உடுப்பி  ஸ்ரீ கிருஷ்ணன் 

                                               பல்லவி

                                   எல்லாமுமானவனை  நீலவண்ணனை

                                  சொல்லற்கரியானை மனமாரத்துதித்தேன்

                                                      அனுபல்லவி

                                  பொல்லாலீலைகள் பல புரிந்த கேசவனை

                                   வல்லரக்கர் குலமழித்த  வாசுதேவனை

                                                          சரணம்
                                   
                                  நல்லோர் நினைவில் நடனம் புரிபவனை 

                                  அல்லலிடர் களையும் அம்புய நாபனை 

                                  கல்லாரும் கற்றவரும்  தேவரும் முனிவரும்

                                  எல்லோரும் வணங்கிடும் உடுப்பிக் கண்ணனை
                               
                                 
                                   

                                   



                                 

பழனியாண்டவன்

                              பழனியாண்டவன் 

                                                             பல்லவி

                                       பழநியாண்டவனை மனமாரத்துதித்தேன்

                                       கழலடி தொழுது  நாமங்களோதி

                                                        அனுபல்லவி    

                                        அழலேந்தும்  நெற்றிக் கண்ணன் மகனை                    

                                        குழலினையேந்தும் கேசவன் மருகனை 
                                     
                                                             சரணம் 
                                     
                                        பழகு தமிழில்  அவன் புகழ் பாடி 

                                        நிழலென அவனிரு இணையடி பணிந்து 

                                         விழியருளளித்து காத்திட வேண்டி 

                                         அழகன்  முருகனை கலியுக வரதனை 



                                          

மதுரவல்லி

                                    மதுரவல்லி 

                                              பல்லவி

                              மதுரவல்லியை   மகாலக்ஷ்மியை

                              திருக்கூடல் திருத்தலத்தில் மனமாரத்துதித்தேன்

                                                அனுபல்லவி

                              சதுர் மறையும் நான்முகனும்  சுகசனகாதியரும்

                               எதிர் நின்று கரம்கூப்பி அனுதினம் பணிந்திடும் 
                                   
                                                       சரணம்

                               யதுகுல திலகன் கேசவன் மணிமார்பில்

                               பதுமையாய் வீற்றிருக்கும் வகுள வல்லியை

                               குதுகலத்துடனே பணிந்திடுமடியார்க்கு

                               நிதியனைத்துமருளும் கடலரசன் மகளை

                            

                                   

வழியெது ?

                                                வழியெது ?

                                                   பல்லவி

                           வழியிதுவென்று சொன்ன அடியாரின் வழிசென்று

                           அழகன் கேசவனை மனமாரத்துதித்தேன்

                                                 அனுபல்லவி

                            வழி காட்டியாய் விளங்கும் வேதங்கள் சொன்ன

                            வழி நின்று தொழுது நாமங்களோதி

                                                   சரணம்

                              விழியில் காணும் மாயா உலகும்

                              அழிகின்ற மேனியும் பொருள் புகழ் போகமும்

                              அழிந்த  பின் நம்மாவி அழியா நிலைபெறவே

                              அழிவிலாதவன் பதமடைந்திட வேண்டியே
                          

சிங்கபெருமாள் கோயில் நரசிம்மன்

                                சிங்கபெருமாள் கோயில்  நரசிம்மன்
                
                                                    பல்லவி

                             இரணியனை நகத்தால் கிழித்தழித்தவனை

                              நரசிம்ம மூர்த்தியை மனமாரத் துதித்தேன்

                                                     அனுபல்லவி
   
                               வரம் தரும் கரம் நீட்டும் பரமதயாகரனை

                              சிங்கவேள் குன்றம் தனில்  வீற்றிருப்பவனை

                                                       சரணம்

                              அரனயனமரரும் அஹோபில வல்லியும்

                              கரம் பணிந்தேத்தும்  திருமாலைக் கேசவனை                                                                                    

                               சரணடைந்த பாலகனின் வேண்டுதலைச் செவிமடுத்து

                               இரண்டாகபிளந்த தூணிலெழுந்தருளி


                           



                          

ஸ்ரீ லக்ஷ்மி வராகன்

                            ஸ்ரீ லக்ஷ்மி வராகன்       

                                   பல்லவி

                        ஸ்ரீ லக்ஷ்மி வராக மூர்த்தியை

                        பூலோகம்காத்தவனை கேசவனைப் பணிந்தேன்

                                          அனுபல்லவி

                        காலடியால் மூவுலகும் அளந்த வாமனனை

                        மாலனை மதுசூதனனை மகாவிஷ்ணுவை

                                             சரணம்

                         பாலன் பிரகலாதனைக் காத்த நரசிம்மனை

                         காலனாயிரணியனைக் காய்ந்த தாமோதரனை

                         ஆலிலை பாலனை  நீலவண்ணனை          

                         மாலிருஞ்சோலை வளர் சௌந்தர ராஜன
                                  *****           ****       ******


Sri Lakshmi Varaha Swamy.
(Place unknown)

பொருகோட்டோர் ஏனமாய்ப் புக்கிடந்தாய்க்கு, அன்றுன்

ஒருகோட்டின் மேல்கிடந்த தன்றெ, - விரிதோட்ட

சேவடியை நீட்டித் திசைநடுங்க விண்துளங்க,

மாவடிவின் நீயளந்த மண்?

(Poigai Azhwar - Mudal Thiruvandadi)

O Lord of discus! Taking a huge form you stretched your lotus feet and measured the Earth, even as the world feared and the celestials trembled, When You came as a huge boar and lifted the Earth on your tusk teeth, how did it not fall off, resting as it was on one tooth alone?


                   
           

சென்ன கேசவன்

                                   சென்ன கேசவன் 

                                                 பல்லவி

                                மன்னுபுகழ் மாமணியே மரகத வண்ணனே

                                சென்னை நகர்வளர் சென்ன கேசவனே

                                                 அனுபல்லவி

                                கன்னலே தேனே நான் வணங்கும் இன்னமுதே

                                தென்னிலங்கை சென்று அரக்கனை அழித்தவனே

                                                  சரணம்                            

                                என்னுள்ளம் புகுந்த பின்னே இனியெங்கெழுந்தருள்வாய்

                                பன்னக சயனனே  திருப் பாற் கடலும்

                                உன்னுடைய  பரமபதமும் வைகுந்தமும்

                                இன்னும் திருவேங்கடமும் தன் சோபை இழந்ததுவோ !

                             

                             

                              

செங்கமலவல்லித்தாயார்

                              செங்கமலவல்லித்தாயார் 

                                             பல்லவி

                              செங்கமலவல்லியை  தங்கநிறத்தாளை

                               மங்களம் தருபவளை மனமாரத் துதித்தேன்

                                             அனுபல்லவி

                               சங்கும் சக்கரமுமேந்தும் கேசவனின்

                               பங்கய மலர் மார்பை அலங்கரிக்கும் அழகிய

                                                 சரணம்

                              திங்கள் திருமுகத்தாளை திருவென்னும் பெயராளை

                              சங்கரியும் சரஸ்வதியும் நேசிக்கும் திருமகளை

                              தங்கும் நிதியளிக்கும் பங்கய பதத்தாளை

                              எங்கும் நிறைந்திருக்கும் மகாலஷ்மியை 

மகா கணபதி

                                        மகா கணபதி 

                                                      பல்லவி              

                                   தாமரை மலருமீட்டியுமேந்திடும்            
    
                                   தாமரைக் கரத்தினனை கணபதியைத் துதித்தேன்

                                                       அனுபல்லவி

                                   சாமமுதல் வேதங்கள் சாத்திரங்கள் புகழ்ந்தேத்தும்

                                   ஓமெனும் பிரணவ மந்திரப் பொருளை

                                                          சரணம்

                                   பாமரர் பண்டிதர் நரர் சுரர் நான்முகன்

                                   பூமண்டலம் போற்றும் கேசவன் மருகனை                                

                                   காமக்ரோதாதி அறுபகையகல

                                    நாமமே போற்றி தாளினைப் பணிந்து
           

மணிக்குன்றப் பெருமாள்

                                 மணிக்குன்றப் பெருமாள்

                                           பல்லவி

                           மணிக்குன்றப் பெருமாளை மாதவனைக் கேசவனை

                           பணிந்து போற்றி மனமாரத் துதித்தேன்

                                             அனுபல்லவி

                           பிணி தீர்க்கும் பெற்றியனை பேரருளாளனை

                           அணிமணிகள் புனைந்திடும் அலங்காரப் பிரியனை

                                                சரணம்

                            மணிமார்பில் வீற்றிருக்கும் அம்புஜவல்லியின்

                            மனங்கவர் மாயவனை மதுசூதனனை

                            மணிக்கூட விமானம் கீழமர்ந்து காட்சி தரும்

                            அணையா விளக்கை  ஆராவமுதனை

திட்டை உலகநாயகி

                                     திட்டை  உலகநாயகி 

                                               பல்லவி

                               மங்களாம்பிகை உலகநாயகியை

                               சுகந்த குந்த ளாம்பிகையைத்  துதித்தேன்

                                              அனுபல்லவி

                               சங்கடமிடர்  களையும் பங்கய பதத்தாளை

                               சங்கரி கௌரியை  ஸ்ரீ லலிதாம்பிகையை

                                                 சரணம்

                                எங்கும் நிறைந்திருக்கும் திரிபுரசுந்தரியை

                                 பங்கயநாபன் கேசவன் சோதரியை

                                 பொங்கும் மூவாசைப் பிணிதனை நீக்கி

                                  முங்கிடச்செய்யும் பவக்கடல் கடந்திட 

வசிஷ்டேச்வரன்

                                                  வசிஷ்டேச்வரன்

                                                        பல்லவி


                                    தேனுபுரீச்வரனை  வசிஷ்டேஸ்வரனை

                                    பசுபதீச்வரனை  மனமாரத்துதித்தேன்


                                                        அனுபல்லவி


                                    வானுறை தேவரும் பிரமனும் கேசவனும்

                                    பானுவும் சந்திரனும் இந்திரனும் பணிந்திடும்


                                                            சரணம்

                                     மான் விழியாள் மங்களாம்பிகை மனங்கவர்

                                     தீனசரண்யனை தில்லை வாசனை

                                     மோனத்தவம் செய்யும் முனிவரும்  யோகியரும்

                                     ஞானியரும் பணிந்தேத்தும்  திட்டை த் திருத்தலத்து
                                     

                               

                                   
                           
                                                         



     

அஞ்சுகர பாலன்

                    அஞ்சுகர பாலன் 

                                         பல்லவி

     

                       அஞ்சலென்றபய  கரம்நீட்டும்  கணபதியை

                        தஞ்சமடைந்தேன் சஞ்சலம் களைந்தேன் 

                                        அனுபல்லவி  

                          பஞ்சவர் நேசன்  கேசவன் மருகனை 

          

                          நஞ்சரவணிந்த  குஞ்சரமுகனை 

                                             சரணம் 

                           அஞ்சம்பு மாரனை மிஞ்சும் அழகுடையானை 

                           வெஞ்சமரில் கயமுகனை வீழ்த்திய கரிமுகனை 

                           அஞ்சுகர பாலனை ஆனைமுகத்தோனை          

                           செஞ்சடா தரன் மகனை சிவ கணங்கள் தலைவனை 

                                 

                                                     

           

                            

முல்லைவனநாதன்

                                   முல்லைவனநாதன் 

                                                      பல்லவி

                           முல்லைவன நாதனை மனமாரத் துதித்தேன்

                            அல்லலிடர் களையும்  நமச்சிவாயனை

             
                                                   அனுபல்லவி


                            எல்லையிலாக் கருணை அள்ளி அளித்திடும்

                            தில்லை நாதனைக்  கேசவன் நேசனை


                                                      சரணம்

                             
                             வில்லாலடித்தவர்க்கும் காலாலுதைத்தவர்க்கும்

                             எல்லோர்க்குமருள் தந்த  கருணாகரனை

                              நல்லாள் கருகாக்கும் நாயகி உடனிருக்கும்

                              செல்வனை  சிவனை  கமேஸ்வரனை

                             

                             

                             

                           
                             
                           


                            

கர்ப்பரட்சாம்பிகை

                                          கர்ப்பரட்சாம்பிகை 

                                                    பல்லவி

                        கருக்காக்குமம்பிகையை  மனமாரத் துதித்தேன்

                       கருகாவூர்  திருத்தலத்தில் கோயில் கொண்டிருக்கும்

                                                அனுபல்லவி

                         அருள் மிகு முல்லைவனநாதர்  மனங்கவர்

                         ஒருபாகத்தமர்ந்தவளை   கேசவன் சோதரியை

                                                  சரணம்
       
                           முருகன் கணபதி நரர் சுரர் பிரமன்

                           அரியயன் அனைவரும்  கரம் பணிந்தேத்தும்

                           பெருமைக்குரிய  உமா மகேஸ்வரியை

                           கருணை யளித்தென் குலம் காக்க வேண்டுமென

                           

         


                         




                          

வேதமுதல்வன்

                        

                       வேதமுதல்வன் 

                              பல்லவி          

                            வேதமுதல்வனை வினைதீர்க்கும் கணபதியை 

                             பாதம் பணிந்து மனமாரத்துதித்தேன்

                                                    அனுபல்லவி

                               ஆதியந்தமில்லாத தேவனை

                               ஆதிகேசவன் மருகனைக் கரிமுகனை
                                                 
                                                      சரணம்

                                பாதி மதியணிந்த பரம தயாகரனை

                                 நாதநாட்டிய  சங்கீத ரசிகனை

                                 பூத கணங்களின் தலைவனை அய்ங்கரனை

                                  மேதினி போற்றும் விக்ன விநாயகனை

அருளாளன்

                              அருளாளன்       

                                                       பல்லவி           

        

                               நினைத்துச் சிரித்திடும் மாதவனைக் கேசவனை 

                                மனமாரப் பணிந்து மலரடி துதித்தேன் 

                                                    சமஷ்டி சரணம் 

                              

                               வினைப்பயன் நீக்கி விதிதனை மாற்றி 

                               அனைத்து நலன்களும் பரகதியுமளித்திட 

                               முனைந்து காத்திருக்கும் பேரருளாளனை 

                               மனத்திலிருத்தி துதிக்காத நெஞ்சை 

                             

ஆனைமுகன்

                             ஆனைமுகன் 

                                                      பல்லவி

                             மலரலங்காரம்  புனைந்த  கணபதியை

                             மலர்ப் பதம் பணிந்து மனமாரத் துதித்தேன்

                                                   அனுபல்லவி

                             நிலம் நீர் நெருப்பு ஆகாயம் காற்றென

                             அனைத்துமாகி நின்ற ஆனைமுகத்தோனை
     
                                                      சரணம்

                              குலம் கல்வி செல்வம் நல்வாழ்வு பதவியென

                              நலம் யாவுமளித்திடும் கேசவன் மருகனை

                              தலங்களுள் சிறந்த மணக்குளம் திருத்தலத்தில்

                               நலமுடன் எழுந்தருளிக் காட்சி யளித்திடும்







                    

அடியேன்

                          அடியேன் 

                                              பல்லவி

                             அடியார்க்கடியவனாய் அடியேனைப் படைத்திடவுன்

                             அடிபணிந்து மனமார அனுதினம் துதித்தேன்

                                                   அனுபல்லவி

                               கொடிய அரக்கரை  கொன்றொழித்தவனே

                               நெடுமாலே  கேசவனே திருவேங்கடமுடையானே

                                                        சரணம்

                                நெடிய கொடிமரமாய்  கோவில் திருவிளக்காய்

                                கொடியாகச் சோலையில் மலர் தரும் செடியாக

                                 படியாக கிடந்து ஏதேனும் ஒருவகையில்

                                 அடியார்க்குத் தொண்டு செய்யும்படியாக என்னை

அரசாப விமோசனப் பெருமாள்

 

                                 அரசாப விமோசனப் பெருமாள் 

                                                பல்லவி

                          அரசாபம் தீர்த்தவனை  ஆதிகேசவனை

                          பரமபத நாதனை மனமாரத் துதித்தேன்

                                         துரிதம்

                           நரர்சுரர் நாரதர் சுகசனகாதியர்

                           பிரமன் இந்திரன் கரம் பணிந்தேத்தும்

                                              அனுபல்லவி

                            கரன்முரனரக்கரை வதம் செய்தவனை

                            சரணடைந்தவர்க்கருளும் கருணாமூர்த்தியை

                                                  சரணம்                          

                              மரணம் பிறப்பெனும் பவச்சுழல் கடந்திட

                              வரம் தரும் வரதனைப் பேரருளாளனை

                               அரவணை துயிலும் பாற்கடல் வாசனை 

                              அரவிந்த பதத்தானை கண்டியூர் தலத்துறை                            
                                                   
                          

வேழமுகன்

                                     வேழமுகன் 

                                           பல்லவி

                          விந்தை வேழமுகத்தோனைத் துதித்தேன் 

                           தந்தையும் தாயும் குருவனைத்துமானவனை
                         
                                           அனுபல்லவி

                            குந்தகமின்றி  கருமங்கள்  நடைபெற

                            முதன் முதலனைவரும் வணங்கிடும் கரிமுகனை

                                               சரணம்

                             நந்தியும் கணங்களும் தேவரும் முனிவரும்

                             இந்திரனும் பிரமனும்  அவ்வையுமகத்தியனும்

                              வந்தனை புரிந்திடும் ஆனைமுகத்தோனை

                               சிந்தையில் வைத்து சீரடி போற்றி 

வண்ணமிகு கணபதி

 

                       வண்ணமிகு கணபதி 

                                   பல்லவி

                  வண்ணமிகு கணபதியை  மனமாரத்துதித்தேன்

                  பண்ணிசைத்துப் பாடி திருவடி பணிந்து

                                      அனுபல்லவி

                  எண்வகை சித்தியும் எண்திசை பாலரும்

                  ஒன்பது கோள்களும் கரம் பணிந்தேத்தும்

                                         சரணம்

                   விண்ணிலுறை தேவரும் முனிவரும் பிரமனும்

                   எண்ணிலாக் கணங்களும் நந்தியும் வணங்கிடும்

                    புண்ணிய மூர்த்தியைக்  கேசவன் மருகனை

                    தண்மதி பிறை சூடும் ஆனைமுகத்தோனை


             

அரங்கன்

                         அரங்கன் 

                                          பல்லவி

                        காவிரி நதிப்புறத்தில் தானாக எழுந்தருளிக்

                        கோவில் கொண்டிருக்கும் அரங்கனைப் பணிந்தேன்

                                            அனுபல்லவி
                     
                          தாவித்திரிந்திடும்  நண்டும்  நாரையும் 

                           பாயும் வாளையும் கெண்டையும் மேயும் 
                   
                                              சரணம்  

                           மூவாசைப் பிணி போக்கும் முன் வினைப் பயன் நீக்கும்

                           தேவாதி தேவனைத் திருமாலைக் கேசவனை 

                            மூவடி மண் கேட்டு உலகளந்த பெருமாளை 

                            சேவடி போற்றி  நாமங்கள்  தினம்  துதித்து 

                            

                           
                             

ஸ்ரீ ரகுராமன்

                        ஸ்ரீ  ரகுராமன் 

                                  பல்லவி

                 அளப்பரிய கருணையுடன் காட்சி தரும் ராமனை

                  களிப்புடனே கண்டு மனமாரத்துதித்தேன்

                                 அனுபல்லவி

                 இளைய பெருமாளும் பரதனும் சத்ருக்னனும்

                 வளைக்கரத்தாள் சீதையும் அருகிருந்து வணங்கிடும்

                                   சரணம்

                  களை கொஞ்சும் மதிமுகமும் செம்பவள வாயும்

                  சளைக்காது அம்பெய்தும் அழகிய நீள்கரமும்

                  இளமுறுவல் நகையும் திண்தோளும் திகழும்

                   பளிங்கு மேனியனைக் கேசவனை மாதவனை 

இமையவரப்பன்

    

                  இமையவரப்பன் 

                                     பல்லவி 

                          திருச்செங்குன்றூர்  இமையவரப்பனை 

                          திருமாலைக் கேசவனை மனமாரத் துதித்தேன் 

                                             அனுபல்லவி 

                           தருமனும் அமரரும் செங்கமலவல்லியும் 

                           திருவடி பணிந்து தொழுதிடும் மாதவனை 

                                               சரணம் 

                           அருமறை இதிகாச புராணங்கள் போற்றும் 

                           பெருமைக்குரியவனை கருநிற வண்ணனை 

                           இருவினைப் பயன்களால் படுந்துயர் நீங்கிட 

                           அருள் தரும் திருமாலைக் கருணா மூர்த்தியை 

நவநீதகிருஷ்ணன்

                                   நவநீதகிருஷ்ணன் 

                                                 பல்லவி

                              எட்டெழுத்தானை நவநீதக்கண்ணனை

                              அட்டபுயகரனை மனமாரத்துதித்தேன்

                                               அனுபல்லவி

                              பட்டாடையுடுத்திய வட்டநிலா முகத்தானை

                              கட்டழகு மேனியனைக்  கேசவனை மாதவனை

                                                    சரணம்

                              நட்ட நடுநிசியில் யாமுனையைக் கடந்தவனை

                              துட்ட அரக்கன் கம்சனைக்காய்ந்தவனை
 
                              அட்டமாசித்திகளும் எட்டெட்டு கலைகளும்

                               எட்டு செல்வங்களும் எட்ட உதவிடும்
                              

அழகிய சிங்கர்

                                  அழகிய சிங்கர் 

                                                பல்லவி

                          அனைத்துலகுமாண்டருளும் அழகிய சிங்கனுனை

                          நினைத்து நெஞ்சில் வைத்து அனுதினம் துதித்தேன்

                                               அனுபல்லவி

                            சினந்து இரணியனின் உடல் பிளந்த கேசவனே

                            தனம் தரும் திருமகளைத் திருமார்பில் வைத்தவனே

                                                சரணம்

                              தினகர குலத்துதித்த ராகவனும் நீயே

                              அனந்தனின் மீதுறங்கும் திருமாலும் நீயே

                              அனைத்துயிருமியங்குவதுமுனதருளாலன்றோ

                              எனக்கருள வேண்டுமென்றுன் மலர்ப்பதம் பணிந்து



 (Inspired by Ms.Sujatha Rana's posting)

                               

கண்ணனும் ராமனும்

                          கண்ணனும் ராமனும் 

       
                                        பல்லவி

                       கண்ணனும் நீயே ராமனும் நீயே

                       அண்ணலுன் திருவடியே மனமாரத் துதித்தேன்

                                        அனுபல்லவி

                       விண்ணவர் வேந்தனே விமலனே அமலனே

                       கண்ணுக்கினியவனே  கேசவனே மாதவனே

                                            சரணம்

                        மண்ணில் பலப்பல அவதாரம் எடுத்து

                        எண்ணிலா லீலைகள் புரிந்த தாமோதரனே

                        பண்ணிசைத்துன் நாமம் பாடிடும் அடியேனை

                        புண்ணியனே கண்பார்த்து காத்தருள வேண்டினேன்