மதுரகாளியின்…….
பல்லவி
மதுரகாளியின் மலர்ப் பதம் பணிந்தேன்
பதுமையாய் சிறுவாச்சூர் பதிதனில் வீற்றிருக்கும்
அனுபல்லவி
பதும நாபன் கேசவன் சோதரி
உதய சூரியனை மிஞ்சுமொளியுடைவள்
சரணம்
இதிகாச புராணங்கள் போற்றும்
அதிசயமானவள் அனைத்துக்கும் முதலவள்
மதுரையில் மீனாக்ஷி காஞ்சியில் காமாக்ஷி
இதந்தரும் காசியில் விசாலாக்ஷியவள்
சதுர் முகனிந்திரன் சனகாதி முனிவர்கள்
சதுர் மறைகள் காமனும் துதித்திடுமவளை
புதுமலர் தூவி அவள் புகழ் பாடி
கதியவள் கழலடி நிழலெனத் துதித்து
No comments:
Post a Comment