தேவ தேவனை…..
பல்லவி
தேவ தேவனை ஶ்ரீ ராமனை
ராவணாதியரை அழித்தவனைத் துதித்தேன்
அனுபல்லவி
காவலாய் நின்று முனிவர்கள் வேள்வியை
ஆவலுடன் காத்தவனை ஆதி கேசவனை
சரணம்
தேவி ஜானகியின் மனங்கவர்ந்த நாயகனை
மாவிடை வாகனன் போற்றும் மாதவனை
மாவலியின் கர்வம் தீர்த்த மதுசூதனனை
பூவிதழ் தூவி மலர்ப் பதம் பணிந்து
கோவிந்தனாய் வந்து திருமலையில் நின்றவனை
கூவியழைத்த கரிக்கும் காரிகைக்கும்
தாவி வந்து அபயம் அளித்த தாமோதரனை
கோவர்த்தனமலையைக் குடையாகப் பிடித்தவனை
சேவடி பணிந்தோரின் நலம் காக்கும் உத்தமனை
ஆவினங்கள் மேய்த்தவனை ஆய்ப்பாடிக் கண்ணனை
மூவாசைப் பிணி போக்கி முன் வினைப் பயன் நீக்கும்
காவளம்பாடி வளர் கோபாலகிருஷ்ணனை
No comments:
Post a Comment