கோலவிழியம்மனை…..
பல்லவி
கோலவிழியம்மனை பத்ரகாளியை
சாலச்சிறந்த பதி மயிலையில் பணிந்தேன்
அனுபல்லவி
நீலவண்ணன் கேசவன் சோதரியை
ஆலமுண்ட நீலகண்டன் சிவன் மனம் கவர்ந்தவளை
சரணம்
சூலமுடுக்கை வாள் வேதாளம்
கபாலமங்குசம் கேடயம் மணி ஏந்தி
கோலாகலமாக வீற்றிருக்குமன்னையை
ஏலவார் குழலியை எனக்கருள வேண்டுமென
துரிதம்
வேலன் கணபதி சப்தகன்னியர் நரர் சுரரிந்திரன்
மாலயன் முனிவர்களனைவரும் வணங்கிடும் பராசக்தியை
No comments:
Post a Comment