தேவி உனை……

ஸ்ரீ தேவி அஷ்டகம் :

அம்பாளைப் போற்றும் எட்டு ஸ்லோகங்களைக் கொண்ட அதியற்புதமான துதிப்பாடல் இது. ஸ்ரீஆதிசங் கரரால் அருளப்பட்டதாகக் கூறப்படும் இந்தத் துதியை, 'தேவ்ய இஷ்டகம்’ எனப் போற்றுவர். 

குடும்பத்தில் சுமங்கலி கோபம், பசுவின் சாபம், சந்திரன், சுக்ரன், ராகு முதலான கிரக தோஷங்கள், கெட்ட கனவுகள், மனக் கலக்கம் ஆகியன விலகும். நவராத்திரி புண்ணிய காலத் தில் தினமும் இந்த துதிப் பாடலைப் பாராயணம் செய்து அம்பாளை வழிபடு வதால் சகல நன்மைகளும் கைகூடும்.

****************************************

ஸ்ரீகணேஸாய நம:

1.மஹாதேவீம் மஹாஸக்திம் பவானீம் பவவல்லபாம்

பவார்திபஞ்ஜநகரீம் வந்தே த்வாம் லோகமாதரம்                          

2. பக்தப்ரியாம் பக்திகம்யாம் பக்தானாம் கீர்திவர்திகாம்

பவப்ரியாம் ஸதீம் தேவீம் வந்தே த்வாம் பக்தவத்ஸலாம்

3. அன்னபூர்ணாம் ஸதாபூர்ணாம் பார்வதீம் பர்வபூஜிதாம்

மஹேஸ்வரீம் வ்ருஷாரூடாம் வந்தே த்வாம் பரமேஸ்வரீம்

4. காலராத்ரிம் மஹாராத்ரிம் மோஹராத்ரிம் ஜனேஸ்வரீம்

ஸிவகாந்தாம் ஸம்புஸக்திம் வந்தே த்வாம் ஜனனீமுமாம்

5. ஜகத்கர்த்ரீம் ஜகத்தாத்ரீம் ஜகத்ஸம்ஹார காரிணீம்

முனிபி: ஸம்ஸ்துதாம் பத்ராம் வந்தே   த்வாம் மோக்ஷதாயினீம்

6. தேவது: கஹராமம்பாம் ஸதா தேவஸஹாயகாம்

முனிதேவை: ஸதாஸேவ்யாம் வந்தே த்வாம் தேவபூஜிதாம்

7. த்ரிநேத்ராம் ஸங்கரீம் கௌரீம் போகமோக்ஷப்ரதாம் ஸிவாம்

மஹாமாயாம் ஜகத்பீஜாம் வந்தே த்வாம் ஜகதீஸ்வரீம்

8.ஸரணாகதஜீவானாம் ஸர்வது: கவினாஸினீம்

ஸுக ஸம்பத்கராம் நித்யம் வந்தே த்வாம் ப்ரக்ருதிம் பராம்

(இதி தேவி அஷ்டகம் ஸம்பூர்ணம்)

**************************************

1.தேவியே, மஹாதேவனின் மனைவியும், மிகுந்த சக்தி வாய்ந்தவளும், பவானியும், சிவனிடத்தில் அன்பு கொண்டவளும், சம்சார வாழ்வில் ஏற்படும் மனக் கவலையை போக்குகிறவளும், உலகங்களுக்கு தாயுமான தங்களை வணங்குகிறேன்.

2. பக்தர்களிடம் அன்பு கொண்டவளும், பக்தியால் அடைய தகுந்தவளும், பக்தர்களுக்கு கீர்த்தியை வளர்ப்பவளும், பரமசிவனிடம் அன்பு கொண்டவளும், பதிவிரதையும், பக்தர்களிடம் அன்பு கொண்டவளுமான தங்களை வணங்குகிறேன்.

3. நிரம்பிய அன்னம் உள்ளவளும், எப்போதும் போக  போக்யங்களால் நிரம்பியவளும், பர்வதராஜனின் புத்திரியும், பௌர்ணமி முதலிய பர்வ தினங்களில் பூஜிக்கப்பட்டவளும், மஹேஸ்வரனின் மனைவியும், ரிஷப வாகனத்தில் அமர்ந்தவளும், பிரம்மாதி தேவர்களுக்கெல்லாம் ஈஸ்வரியுமான தங்களை வணங்குகிறேன்.

4. பிரளயகால ராத்திரியாகவும், மிகப் பெரிய ராத்திரியாக இருப்பவளும் (சிவராத்திரி, நவ ராத்திரி முதலான புண்ணிய கால ராத்திரியாக இருப்பவளும்), மோஹத் தைக் கொடுக்கும் இரவாக இருப்பவளும், ஜனங்களுக்கு ஈஸ்வரியாக இருப்பவளும், பரம சிவனுக்கு சந்தனம், புஷ்பம் ஆகியவற்றை அளித்து அன்பு காட்டுகிற வளும், பரமசிவனுடைய சக்தியாய் இருப்பவளும், பிரணவத்தின் பொருளுமான தங்களை வணங்குகிறேன்.

5. ஜகத்தை உண்டு பண்ணுகிறவளும், ஜகத்தை ரக்ஷிப்பவளும், உலகத்தை கடைசியில் சம்ஹரிப்பவளும், மஹரிஷிகளால் ஸ்தோத்திரம் செய்யப்பட்டவளும், பக்தர்களுக்கு மங்களத்தை அளிப்பவளும், மோக்ஷத்தைக் கொடுப்பவளுமான தங்களை வணங்குகிறேன்.

6. தேவர்களின் துயரங்களைப் போக்கு பவளும், எப்போதும் தேவர்களுக்கு உதவி புரிப வளும், மஹரிஷிகளாலும், தேவதைகளாலும் ஸேவிக் கத் தகுந்தவளும், தேவர்களால் பூஜிக்கப்பட்டவளுமான தங்களை வணங்குகிறேன்.

7. முக்கண்கள் கொண்டவளும், பக்தர் களுக்கு மங்களம் அருள்பவளும், தங்க வர்ணமாய் இருப்பவளும், போகங்களையும், மோக்ஷங்களையும் கொடுப்பவளும், மங்கள ஸ்வரூபமாய் இருப்ப வளும், மஹா மாய ஸ்வரூபிணியாக இருப்பவளும், உலகங்களுக்கெல்லாம் ஈஸ்வரியுமாக இருக்கும் தங்களை வணங்குகிறேன்.

8. சரணம் அடைந்த ஜனங்களின் துக்கங் கள் யாவையும் போக்குகின்றவளும், சுகங்களையும், அஷ்ட சம்பத்துகளையும் அளிப்பவளும், உலக இயக்கத்துக்குக் காரணமான சிறந்த பிரகிருதியுமான தங்களை வணங்குகிறேன்.

                                                 தேவி உனை……

                                                          பல்லவி

                                      தேவி உனைப் பணிந்தேன் நீயே எனக்கருள்வாய்

                                      மூவாசைப் பிணி போக்கும் முன் வினைப் பயன் நீக்கும்

                                                          அனுபல்வி

      

                                      தேவன் சிவபெருமானிடம் கொண்ட நாயகியே

                                      பூவுலகோர் போற்றும் கேசவன் சோதரியே

                                                             சரணங்கள் 

                  

                                      ஆவலுடனடியார்க்கு  அருளளிப்பவளே 

                                      மாவிடை வானன் நேசிக்கும் பத்தினியே

                                      மேவிடும் அன்புடன் பக்தரைக் காப்பவளே

                                      காவலாய் நின்றவர் கவலைகளைத் தீர்ப்பவளே

                                      தேவி அன்னபூரணி பூரணமானவளே

                                      பூவையே மலைமகளே பரமசிவன் துணைவியே

                                      தேவரும் நான்முகனும் வணங்கிடும் ஈச்வரியே

                                      பாவையே  பருவங்களில் துதிக்கப் படுபவளே

                                      சிவராத்திரி நவராத்திரி மோகராத்திரி என்றும்

                                      புவனமே அழிந்திடும் காலராத்திரியுமான

                                      சிவசக்தியே உமையே பிரணவப்பொருளே

                                      சிவனை உபசரிக்கும் உமாமகேச்வரியே

                                     

                                      அவனியை படைத்தவளே காப்பவளே அழிப்பவளே

                                      தவம் புரியும் முனிவர்களால் துதிக்கப்படுபவளே

                                      கவனமுடன் போற்றி வணங்கிடுமடியார்க்கு

                                      உவந்து மங்களமும் முக்தியுமளிப்பவளே

                                      

                                      தேவர்கள் படுந்துயரை போக்கியருள்பவளே

                                      தேவர் குலம் காத்து அவரிடர் களைபவளே

                                      தேவர்களுக்குதவிடும் திரிபுரசுந்தரியே

                                      தேவர் முனிவர் பணி பதகமலமுடையவளே

       

                                      புவனேச்வரியே முக்கண்ணுடையவளே

                                      சுவர்ணமயமானவளே போகம் மோக்ஷம் தருபவளே

                                      குவலயம் போற்றும் மகாமாயே

                                      புவனம் கொண்டாடும் அகிலாண்டேச்வரியே

                                      

                                      சரணடைந்தோர் நலன் காக்கும் சர்வேச்வரியே

                                      அல்லலிடர் களையும் பராசக்தியே

                                      அனைத்து வகை செல்வங்களும் அள்ளி அளிப்பவளே

                                       மூவருக்கும் முதலான மூலப்பொருளே