திருப்பதி
பல்லவி
பதி இது போலொன்று பூமியிலுண்டோ
அதிசயங்கள் செய்யும் கோவிந்தன் தங்கும்-திருப்
துரிதம்
கதிரவன் தண்மதி நாரதர் நான்முகன்
தனங்களின் அதிபதி சுரபதி போற்றிடும்
அனுபல்லவி
கதியவனேயென்று துதித்திடுமன்பரின்
விதியையும் மாற்றும் கருணாநிதியிருக்கும்
சரணம்
சதுர்மறையோதும் வேதியர் ஞானியர்
அதிகம் நிறைந்த புண்ணிய திருத்தலம்
முதலும் முடிவுமாய் விளங்கும் கேசவன்
மதுசூதனன் நின்று காட்சியளித்திடும்
No comments:
Post a Comment