ஶ்ரீநிவாசன்
பல்லவி
வெங்கடாசலபதியை ஶ்ரீநிவாசனை
மங்காத புகழ்மேவும் திருமலையில் பணிந்தேன்
துரிதம்
திங்கள் ஞாயிறு சுகசனகாதியர் நாரதர் நான்முகன்
தேவர்களிந்திரன் மங்கையலமேலு பத்மாவதியும் கரம்பணிந்தேத்தும்
அனுபல்லவி
சங்கடம் களைந்தருளும் பங்கயபதத்தானை
எங்கும் நிறைந்திருக்கும் மாதவனைக் கேசவனை
சரணம்
சங்கும் சக்கரமும் உடைவாளும் கையிலேந்தி
மங்கள வதனமுடன் கோலாகலமாக
பொங்கும் பொலிவுடனே எழுந்தருளிக் காட்சி தரும்
பங்கயநாபனைத் திருவேங்கடமுடையானை
No comments:
Post a Comment