KESAVAN KEERTHANAIKAL: July 2015

Wednesday, 29 July 2015

நிர்வாணம்

நிர்வாணம்
***

நான் நீ மாறி
நாமாவதெப்போது
வான்,நீர்,நிலம்,
வெளி, நெருப்பென்றும்
ஊன் உயிரெனும் பேதங்களெல்லாம்
தானதுவாகி
கலப்பதெப்போது
ஞானம் தேடும் நான்
ஓய்வதெப்போது
கேள்வி பதிலாகும்
நாள் எப்போது

Monday, 27 July 2015

பல்லவி

தண்டாயுதபாணியை தணிகாசலனை
கண்டாலும் போதும் கவலைகள் தீரும்

அனுபல்லவி

வண்டார்குழலி வள்ளி மணாளனை
புண்டரீகாக்ஷன் கேசவன் மருகனை

சரணம்

சண்டையிட்டு சூரன் கதை முடித்தவனை
பண்டாரமாய்ப் பழனி பதிதனில் நிற்பவனை
அண்டசராசரங்களனைத்தையும் காப்பவனை
விண்ணோரும் மண்ணோரும் வணங்கிடும் குமரனை

ஶ்ரீராம நாமம்

பல்லவி

ஶ்ரீராம நாமமே தினமும் துதி

காமக்ரோதங்களைக் களைந்திட அது நிதி

அனுபல்லவி

பாரெங்கும் புகழ் விளங்கும் கேசவனவனது

சீரடி பணிந்து மனமாரத்துதித்து

சரணம்

ஓராயிரம் நாமமுரைப்பதற்கீடாக

ஶ்ரீராம நாமம் ஒன்றே போதுமென

சீர்மல்கும் திருவானைக்கா வென்னும் பதிதனில்

நீராய் நின்றருளும் முக்கண்ணனுமைக்குரைத்த

அபயப்ரதன் (திருவித்துவக்கோடு)

பல்லவி

எத்தனை சொன்னாலும் உன் திருநாமம்
தித்திக்குமே வாய் மணக்குமே கேசவா

அனுபல்லவி

வித்துவக்கோட்டிலுறை உய்யவந்தப்பெருமாளே
நித்தமுன் மலர்ப்பதம் மனமாரத்துதித்தேன்

சரணம்

வித்துவக்கோட்டுவல்லி பத்மபாணித்தாயாரும்
உத்தமப் புத்திரர்கள் பஞ்சபாண்டவரும்
சித்தத்திலிருத்தி சீரடி போற்றி
பக்தியுடன் பணிந்தேத்தும் அபயப்ரதனே

திரிபுரசுந்தரி

பல்லவி

திரிபுரசுந்தரி ஶ்ரீலலிதாம்பிகே
அரியயனரன் பணி உனதடி பணிந்தேன்

அனுபல்லவி

மரித்தலும் பிறத்தலும் இல்லாமல் செய்திடும்
பெருமைக்குரிய கேசவன் சோதரி

சரணம்

விரிசடையில் புனலேந்தும் சிவனிடம் கொண்டவளே
கரிமுகன் சரவணன் வணங்கிடும் தாயே
கிரிராஜன் மகளே உமாமகேச்வரி
பரிந்தெனக்கருள வேண்டுமெனத்துதித்து

Sunday, 26 July 2015

திருவண்வண்டூர் கமலநாதன்

பல்லவி

இன்னமும் என்னையே சோதித்தால் கேசவா
ஏழையேன் என்செய்வேன் எங்கு செல்வேன்

அனுபல்லவி

பன்னகசயனனே பாம்பணையப்பனே
உன்னையல்லால் துணை வேறெவருள்ளார்

சரணம்

மன்னன் நகுலன் நாரதர் நான்முகன்
அன்னை கமலவல்லியனைவரும் துதித்திடும்
உன்னத திருத்தலம் திருவண்வண்டூருறையும்
தன்னிகரில்லாத கமலநாதனே

கரிமுகன்

பல்லவி

கரிமுகனே உந்தன் கழலடி பணிந்தேன்
பரிவுடன் எனக்கருள வேண்டுமெனத்துதித்து

அனுபல்லவி

அரியயனரனும் நந்தியும் கணங்களும்
நரர் சுரர் முனிவரும் கரம்பணிந்தேத்தும்

சரணம்

எரிதழல் நெற்றியில் வைத்திருக்கும் முக்கண்ணன்
விரிசடையோன் சிவன் கொஞ்சிடும் மைந்தனே
நெறியுடன் எந்தன் காரியம் நடைபெற
கரிசனத்துடன் நீ கடைக்கண்ணருள் தரவே

Saturday, 25 July 2015

சிறுபுலியூர் அருமாகடலமுதன்

பல்லவி

மலர்ப் பதமே துணை மாலனே கேசவா

சிறுபுலியூர் சலசயனப்பெருமாளே எனக்குனது

அனுபல்லவி

மலர்நாபனே திருமாமகள் மனங்கவர்

அருமாகடலமுதே ஆராவமுதனே

சரணம்

அலமேலுமங்கையின் அழகிய கரம் பிடித்த

நலம் தரும் திருமலைவளர் வெங்கடேசனே

பலர் போற்றும் பரமபதநாதனே கோவிந்தா

உலகளந்த பெருமாளே திருவடி சரணடைந்தேன்

சாரங்கபாணி

பல்லவி

ஆராவமுதனே ஆதிகேசவா

தீராமனக்கவலை தீர்த்தெனையாண்டருள்

அனுபல்லவி

ஓராயிரம் நாமம் பாராயணம் செய்தேன்

மாறாத பக்தியுடன் மலர்ப் பதம் சரணடைந்தேன்

சரணம்

சேராத இடம் சேர்ந்து சிறுமதியால் சீரழிந்தேன்

நாராயணனே உனதருளால் மனம் திருந்தி

நேரான வழி தேர்ந்து உன்னையே தினம் துதித்தேன்

சாரங்கபாணியே திருக்குடந்தைத்தேனே

Friday, 24 July 2015

இராமகதை

பல்லவி

கேட்கவே ராமகதை பேரின்பமனைவருக்கும்
பாட்டாக க்கவியாக பாராயணம் செய்து

அனுபல்லவி

நாட்டில் கேசவன் செய்த ஆட்சியிலதிசயங்கள்
மேட்டிமையுடனே லவகுசர்கள் பாடியதை

சரணம்

சாட்டியம் கைகேயி செய்து பெற்ற வரங்களும்
காட்டிலும் மேட்டிலும் அவன் பட்ட துன்பமும்
கோட்டைத் தாண்டிய சீதையின் துயர்களும்
காட்டிய பாடங்களும் காவிய நயங்களும்

மனமுனது .........

மனமுனது .........

பல்லவி

மனமுனது திருவடியில் லயித்திட வேண்டியே

தினமுனைத் துதித்தேன் சென்ன கேசவா

அனுபல்லவி

அனந்தபத்மனாபனே ஆதிமூலமே

உனதருளில்லையேல் உலகுயிர் நிலைக்குமோ

சரணம்

வனவிலங்கென மனம் தறிகெட்டோடி

தனம் புகழ் பதவி அனைத்துமே சதமென

நினைந்து செருக்குடனதில் திளைத்திருந்தேன்

புனிதனே கேசவா இம்மாயை நீங்கி

ஸ்ரீ லலிதா திரிபுர சுந்தரி

ஸ்ரீ லலிதா திரிபுர சுந்தரி

பல்லவி

திரிபுர சுந்தரியுன் மலர்ப்பதம் பணிந்தேன்

பரிவுடன் எனைக்காக்க வேண்டுமென - ஸ்ரீ லலிதா

அனுபல்லவி

அரியாசனமாம் ஸ்ரீ சக்கரம் தனிலமரும்

பெருமைக்குரியவளே ராஜராஜேஸ்வரி

சரணம்

அரியயனரன் பணி அகிலாண்டேஸ்வரி

அரிவாகனம் தனில் பவனி வரும் ஈஸ்வரி

விரிகமலமலர்நாபன் கேசவன் சோதரி

கரிசனத்துடனே எனையாண்டருள்வாய்

Wednesday, 22 July 2015

சுந்தரி உந்தன்

பல்லவி

சுந்தரி உந்தன் பாதமே துணை

வந்தருள் பரிவாய் ஶ்ரீலலிதாதிரிபுர

துரிதம்

கந்தன் கணபதி தேவர்கள் முனிவர்கள்

இந்திரன் நந்தி கணங்கள் போற்றும்

அனுபல்லவி

இந்தினிளம்பிறை சூடிய சங்கரி

நந்தகோபன் மகன் கேசவன் சோதரி

சரணம்

மந்திரப்பொருளே மாமேருதனிலமர்

அந்தரி நீலி அபிராமி சிவகாமி

முந்தைய பழவினையனைத்தையும் களைந்து

எந்தன் கலி தீர்த்து எனையாண்டருள்வாய்

உமாமகேச்வரன்

பல்லவி

சதாசிவனுனையே சதா துதித்தேன்

சிதாகாசம்தனில் பிரகாசமாய் விளங்கும்

அனுபல்லவி

பதாரவிந்தம் பணிந்திடுமெனையே

வதான்யேச்வரனே பாலித்தருள்வாய்

சரணம்

உதாரசீலன் உமாமகேச்வரனுன்

கதாம்ருதபானம் பருகிடுமெனையே

உதாசீனம் செய்யாமல் கனிவுடன்

நிதானமாய்க் காத்து ஆண்டருள்வாயே

Monday, 20 July 2015

ஶ்ரீ லலிதாதிரிபுரசுந்தரி ( இராகமாலிகை )

பல்லவி
திருநாமமாயிரம் சொல்லியழைத்தேன்
அருமறைகள் போற்றும் ஶ்ரீலலிதாம்பிகையே

அனுபல்லவி
பெருமைக்குரிய திருமீயச்சூர் வளர்
கருணைக்கடலே கேசவன் சோதரி

சரணம்
சங்கரி என்னைக் காத்தருள்வாயே
சங்கரன் பங்கிலுறைபவள் நீயே
அங்கயற்கண்ணி நீ ஆதிபராசக்தி
மங்களம் தந்திடும் கௌரிமனோகரி

சிங்கவாகனம்தனிலமரீச்வரி
எங்கும் நிறைந்திருக்கும் தேவமனோகரி
அங்குசம் பாசம் ஏந்தும் பரமேச்வரி
சங்கடம் களைந்தருள்வாய் உமாமகேச்வரி

பொங்கும் மூவாசைப்பிணிதனையே போக்கும்
திங்கள் பிறைநுதலாளே திரிபுரசுந்தரி
மங்காத புகழ்மேவும் வையச்சேரிவளர்
மங்களம்பிகே சரச்வதிமனோகரி

பொங்கரவுக்குடையின் கீழ் மங்களமாய் வீற்றிருக்கும்
பங்கயபதத்தினளே ஓங்காரி மாரி
சங்கும் சக்கரமும் ஏந்தும் அரிசோதரி
எங்கும் எதிலும் வெற்றி தரும் ஜயமனோகரி

திங்களும் ஞாயிறும் தேவரும் முனிவரும்
அங்கம் கரைந்து துதித்துப் போற்றும்
குங்குமக்காரி கருமாரி கௌரி
எங்களுக்கருள்வாய் கமலாமனோகரி

சிங்காரவேலன் அன்னையே பார்வதி
பங்கயகரத்தாளே பர்வதவர்த்தனி
சிங்கவாகனி ரமாமனோகரி
இங்கெழுந்தருளி எமக்கருள்புரிவாய்

நங்கநல்லூர் வளர் ராஜராஜச்வரி
மங்கையர் துதித்திடும் ஈசமனோகரி
கங்காதரீச்வரர் மனம் கவர் காமேச்வரி
துங்கக்கரிமுகனின் தாயே பராசக்தி

சீதாபதி

பல்லவி

நீதான் என் துணை ஆதரித்தருள்வாய்

சீதாபதியே ஶ்ரீரகுராமா

அனுபல்லவி

மாதா கோசலை மனங்கவர் மைந்தனே

பாதாரவிந்தம் பணிந்தேன் கேசவா

சரணம்

வேதாகம சாஸ்த்ர புராணங்கள் போற்றும்

கோதண்டபாணியே கோடிவினை தீர்ப்பவனே

வேதனை தந்த தசமுகனை வென்ற

பூதலம் கொண்டாடும் பட்டாபிராமனே

மீயச்சூரீச்வரி

பல்லவி

பொன்மலை மீது குடிகொண்டிருக்கும்

அன்னயே ஶ்ரீ மகா திரிபுரசுந்தரி

அனுபல்லவி

என்மனக் கோயிலிலெழுந்தருளியெனைக்காக்க

உன்பதம் பணிந்தேன் கேசவன் சோதரி

சரணம்

பொன்னாலும் பொருளாலும் பெறவியலாப்பேரின்பம்

உன்னால் மட்டுமே அளித்திட முடியுமென

என்னாளும் எப்போதும் உன்னையே துதித்தேன்

அன்னையே மீயச்சூர் தலம் வளரீச்வரி

ஶ்ரீலலிதாதிரிபுரசுந்தரி

பல்லவி

ஶ்ரீலலிதாதிரிபுரசுந்தரி

கோலமிகு உனதிரு திருவடி பணிந்தேன்

அனுபல்லவி

ஞாலமுய்யவென திருமீயச்சூரில்

சீலமுடனவதரித்த ராஜராஜேஸ்வரி

சரணம்

காலனும் பிரமனும் இந்திராதிதேவரும்

ஆலமுண்ட நீலகண்டன் மேகநாதனும்

பூலோக மாந்தரும் அனைவரும் போற்றும்

மாலன் மதுசூதனன் கேசவன் சோதரி

Sunday, 19 July 2015

அத்தனூர் அம்பிகை

பல்லவி

கனகமலைதனில் வீற்றிருப்பவளே

உனதடி பணிந்தேன் ஶ்ரீலலிதாம்பிகே

அனுபல்லவி

எனக்கொரு பிறவி இனிமேல் வேண்டேன்

மனங்கனிந்தருள்புரி கேசவன் சோதரி

சரணம்

தினகரன் சந்திரன் முனிவர்களிந்திரன்

அனைவரும் வணங்கிடும் திரிபுரசுந்தரி

வனதுர்கை காளி மகமாயி நீயே

புனித தலம் வளர் அத்தனூர் அம்பிகே

திருமீயச்சூர் திரிபுரசுந்தரி

பல்லவி

எந்நாளுமுனையே எண்ணித் துதித்தேன்

பன்னகபூஷணி ஶ்ரீலலிதாம்பிகையே

அனுபல்லவி

அந்நாளில் திரிபுரம்தனையெரித்தவளே

உன்னருளொன்றே என்றும் வேண்டினேன்

சரணம்

உன்னால் முடியாத செயலொன்றுமில்லை

கன்னலே தேனே கேசவன் சோதரி

என்னை ஆண்டருளத் தருணமிதுவே

தென்னாட்டில் மீயச்சூர் தலத்துறைபவளே

அபிராமவல்லி

பல்லவி

அபிராமவல்லியின் அரவிந்த பதம் பணிந்தேன்

திருக்கடையூர் தலத்துறை திரிபுரசுந்தரி

அனுபல்லவி

அபயமளித்தெனை ஆண்டருள வேண்டுமென

அவளருள் வேண்டியே அனுதினம் துதித்தேன்

சரணம்

அபரிமிதமான கருணையளிப்பவள்

சுபலன்களை அள்ளித்தருபவள்

அமுதீசர் ஒருபாகம் கொண்ட ஈச்வரி

சபரிக்கருள் செய்த கேசவன் சோதரி

Saturday, 18 July 2015

மூகாம்பிகை

பல்லவி

முக்கண்ணியைக்கொல்லூர் மூகாம்பிகையை

பக்தியுடன் போற்றிப் பதமலர் பணிந்தேன்

அனுபல்லவி

அக்னி வைத்த நெற்றிக் கண்ணுடைய

ஆதிசிவன் பாதியை திரிபுரசுந்தரியை

சரணம்

வக்கிரக்காளியாய் அவதரித்து திரு

வக்கரையிலெழுந்தருளிக் காட்சியளித்திடும்

சக்கரக்கையன் கேசவன் சோதரியை

முக்தியளித்திட வேண்டுமெனத் துதித்து

தானரூபி

பல்லவி

தானரூபியே லலிதாம்பிகையே

கானமியற்றியுன் பாதம் பணிந்தேன்

அனுபல்லவி

ஞானமும் இசையில் தேர்ச்சியும் யான்பெற

நீயெனக்கருள்வாய் திரிபுரசுந்தரி

சரணம்

தானமும் தவமும் நன்னறியறிவும்

நானென்றும் பெற்றிட உனையே துதித்தேன்

மான்விழியாளே கேசவன் சோதரி

வான்புகழ் மீயச்சூர் தலத்துறை ஈச்வரி

தாயே மீனாக்ஷி

பல்லவி

தாயே மீனாக்ஷி தயைபுரிவாயே

நீயே எந்தன் துணை நித்யகல்யாணி

அனுபல்லவி

ஓயாதுந்தன் பாதமே துதித்தேன்

சேயெந்தன் மனக்குறை கவலைகள் நீங்கிட

சரணம்

தேயும் பிறையேந்தும் சொக்கநாதன் மனங்கவர்

மாயே மதுராபுரி வளர் மகாராணி

ஆயர்குலத்துதித்த கேசவன் சோதரி

தூயவளுனையே மனமாரத்துதித்தேன்

கண்டியூர் அரசாப விமோசனப்பெருமாள்

பல்லவி

அரசாப விமோசனப் பெருமாளைப் பணிந்தேன்

திருக்கண்டியூர் தலத்தில் கமலவல்லியடனிருக்கும்

அனுபல்லவி

கரம் தனில் பிரமனின் கபாலமேந்திடும்

பரமேச்வரனின் சாபம்தனைத்தீர்த்த

சரணம்

சரச்வதி பிரமன் நாரதர் நரர் சுரர்

சுரபதி அகத்தியர் ரதிபதி கருடன்

கரம்பணிந்தேத்தும் மாலனைக் கேசவனை

வரம்தரும் வைகுண்ட வாசனை நாராயணனை

நாககாந்தாரி சோதரன்

பல்லவி

நாககாந்தாரியின் சோதரனைப் பணிந்தேன்

சோகம் களைந்தென் மனக்குறை நீக்கிட

அனுபல்லவி

ஆகமவேத புராணங்கள் போற்றும்

நாகத்தணையானை மாதவனைக் கேசவனை

சரணம்

நாகம் கழுத்தணிந்த ஈசனின் நேசனை

கோகுலபாலனை கோபியர் லோலனை

மோக க்கடலில் மூழ்காமல் தடுத்தெனக்கு

ஏகாந்த சிந்தையும் ஞானமும் வழங்கிட

Friday, 17 July 2015

சியாமகிருஷ்ணன்

பல்லவி

நாமசங்கீர்த்தனத்தை விரும்பிடும் கேசவனே

தாமரைப்பதம் பணிந்தேன் நீயெனக்கருள்வாய்

அனுபல்லவி

பாமர ர் பண்டிதரனைவரும் கூடி

தேமதுரத்தமிழால் பாடித்துதித்திடும்

சரணம்

பூமியில் உனையன்றி வேறோர் தெய்வம்

யாமறிந்தவரையில் எதுவுமில்லை

பூமகள் லக்ஷ்மியை மார்பினில் தாங்கும்

ச்யாமக்ருஷ்ணனே நீலவண்ணனே

Thursday, 16 July 2015

நவநீதக் கண்ணன்

பல்லவி

தவறென்ன செய்தேன் தயாகரனே கேசவா

பவக்கடலில் கிடந்து அடிமை நானவதியுற

அனுபல்லவி

அவலொரு பிடிதந்த தோழனுக்கருளிய

நவநீதக் கண்ணனே பாராமுகமேனோ

சரணம்

தவறாமல் நாள் தோறும் உனது திருநாம ம்

கவனமுடன் ஓதித்துதித்ததனாலோ

விவரம் புரியாமல் பித்தாகியலைகின்றேன்

புவியரசே திருமாலே என்கவலை தீராயோ

புள்ளம் பூதங்குடி வல்வில் ராமன்

பல்லவி

அல்லல் மனக்கவலை எனக்களித்ததேனோ

புள்ளம் பூதங்குடி வல்வில் ராமனே

அனுபல்லவி

சொல்லாலுனைப்பாடி மனமாரத்துதித்தேன்

நல்லடியார் நலம் பேணும் மாதவனே கேசவனே

சரணம்

பொல்லா வினைகள் புரிந்ததனாலோ

நல்லாரோடிணங்காமலிருந்ததனாலோ

செல்லாத இடம் சேர்ந்தலைந்ததனாலோ

எல்லா பிழையும் பொறுத்தெனைக் காத்தருள்வாய்

திருவரங்கன்

பல்லவி

திருவரங்கம்தனில் துயிலும் திருமாலே கேசவா

கருணையுடன் எனைக்காக்க வேண்டுமெனத்துதித்தேன்

அனுபல்லவி

திருவரங்கநாயகியைத் திருமார்பில் வைத்திருக்கும்

அருமாகடலமுதே ஆராவமுதனே

சரணம்

வருந்துயரனைத்தையும் உனதருளாலே

எரிமுன்னர் வைத்தூறு போலவே அழித்திடும்

கருநீலவண்ணனே. வேணுகோபாலனே

இருவினைப்பயன் நீக்கி எனையாண்டருள்வாய்

தெய்வீக அனுபவம்

தெய்வீக அனுபவம்

நண்பர் வீட்டு எதிர் வீட்டில் ஒரு வயதான பாட்டி இருந்தார்.

அவர் மிகவும் தெய்வபக்தி வாய்ந்தவர். அவர் நண்பர் வீட்டாருடன்

சகஜமாகப் பழகவும் அவர் வீட்டுக்குழந்தைகளுக்கு சுலோகங்கள், சின்ன சின்ன

பக்திப்பாடல்களும் , நல்ல விஷயங்களும் ஓய்வு நேரங்களில் அன்புடன் சொல்லிக்

கொடுப்பார். இப்படி ஓடிக்கொண்டிருக்கும் காலகட்டத்தில் நண்பரின் வீட்டுக்கு

விருந்தினர் ஒருவர் குடும்பத்துடன் வந்தார் . அவருக்கு துறுதுறு வென்று மிகவும்

அழகான மூன்று வயது மகளிருந்தாள். நிரம்ப சூட்டிகையான பெண். அவர் தன்

பெண்ணின் சாகசங்கள் மற்றும் பாடும் திறமை பற்றிப் பெருமையாகச் சொல்லிக்

கொண்டிருந்தார். அங்கு அப்போது எதிர் வீட்டுப் பாட்டியுமிருந்தார். பாட்டி வந்த

விருந்தினரிடம் " குழந்தை சாமிப்பாட்டெல்லாம் படறதுன்னு சொல்றேளே, ஒரு

சாமி பாட்டெ பாடச் சொல்லுங்கோ"என்றார். அவரும் மகளிடம் " பாட்டுக்கு

அந்த சாமிப்பாட்டப் பாடும்மா" என்றார். குழந்தையும் கணீரெனப் பாடியது!!!!!!

"கல்யாணம்தான் கட்டிக்கிட்டு ஓடிப்போலாமா
இல்ல ஓடிப்போயி கல்யாணம்தான் கட்டிக்கலாமா
தாலியைத்தான் கட்டிக்கிட்டு பெத்துக்கலாமா
எல்ல புள்ள குட்டி பெத்துக்கிட்டு கட்டிக்கலாமா
சாம்பிராணி வாசத்துல வளர்ந்த சிறுக்கி நீ
சகுணம் பார்த்து சடங்கு பார்த்து சிரிச்ச கிறுக்கி நீ
நீ சாக்கு போக்கு சொல்வதெல்லாம் நியாயம் இல்லையே
அடியே (கல்யாணம்தான்..)"

Tuesday, 14 July 2015

மாலன்

பல்லவி

நாளும் நாராயணனே உனதருள் வேண்டி

தாளினைப் பணிந்தேன் தயைபுரிந்திடுவாய்

அனுபல்லவி

மீளாத் துயரில் நானுழல்வது கண்டும்

வாளாவிருப்பது உனக்கழகோ கேசவனே

சரணம்

தாளேன் இனியுமுனது பாராமுகம்

வாளும் சக்கரமும் சங்கும் கையிலேந்தும்

மாலே மனம் கனிந்து ஏளனம் செய்யாமல்

ஆள வேண்டுமென அடிமைநானுனைத்துதித்தேன்

கேசவன்

பல்லவி

என்றும் என்னருகில் நீ நின்றிருக்கக் கேசவனே

வென்றிடுவேன் வாழ்வினில் வருந்துயரனைத்தையும்

அனுபல்லவி

கன்றின் குரல்கேட்டு ஓடி வரும் தாய்ப்பசுவாய்

இன்றும் எனக்கருளக் காத்திருக்கும் திருமாலே

சரணம்

அன்றிலங்கை சென்று அரக்கருடன் போரிட்டு

வென்றவரின் பகை முடித்து சீதையை மீட்டவனே

குன்றைக் குடையாக்கி குவலயம் காத்தவனே

உன்றன் மலர்ப் பதம் ஒன்றே என்றன் துணை

சிங்காரவேலன்

பல்லவி

இல்லாத இடமும் உண்டோ முருகா (நீ)

எல்லாமே நீயென்று அறிந்த பின்னாலே

அனுபல்லவி

கல்லாரும் கற்றவரும் எல்லோரும் துதித்திடும்

செல்வ குமாரனே கேசவன் மருகனே

சரணம்

பொல்லாத சூரனை வதம் செய்தவனே

நல்லோர் மனங்களில் நடம்புரிபவனே

உல்லாசமாய் வள்ளி தெய்வானையுடனே

சல்லாபம் செய்திடும் சிங்காரவேலனே

Monday, 13 July 2015

திருவேங்கடமுடையோன்

பல்லவி

நீயருள்வாய் சென்ன கேசவா

தாயும் தந்தையுமான தயாபரனே

அனுபல்லவி

தேயாத புகழ் மேவும் திருவேங்கடமுடையோனே

தூய மனத்தோடு அனுதினமுனைத் துதித்தேன்

சரணம்

நோயெனுமிருவினைப் பயன்களில் சிக்குண்டு

மாயத்தரணியில் மனம் போன போக்கெல்லாம்

ஓயாது திரிந்தேன் உனதருளாலின்று

நீயே கதியெனத் தாளினைச் சரணடைந்தேன்

சௌம்யநாராயணன்

பல்லவி

இரக்கம் பிறக்காததேனோ கேசவா

மறக்காமல் தினம் துதிக்கும் ஏழையென் மீது

துரிதம்

நரர்சுரர் முனிவர்கள் அரனயன் நாரதர்

சுரபதி போற்றும் மதுசூதனனே

அனுபல்லவி

சரணடைந்த என்னை வெறுத்தொதுக்கலாமோ

உரகமெல்லணையானே சௌம்யநாராயணனே

சரணம்

நிரந்தரமில்லாத மாய உலகில்

நிரந்தரமானவனே புரந்தரவிட்டலா

அரவணை துயிலும் கோட்டியூர் பிரானே

அரவணைத்தெனையே ஆண்டருள்வாயே

நறையூர்நம்பி

பல்லவி

நறையூர்நம்பியை வாசுதேவனை

கறைபிறவிப்பிணி தீர மனமாரத்துதித்தேன்

அனுபல்லவி

மறை போற்றும் கேசவனை கருணை நிறைந்தவனை

கடல் மகள் வஞ்சுளவல்லியின் மனங்கவர்

சரணம்

பிறைசூடி சிவனும் கல் கருடனும்

மறையோன் நான்முகனும் கரம்பணிந்தேத்தும்

பிறையணியாள் சோதரனை மதுசூதனனை

உறையூர் தலத்துறையும் அழகிய மணவாளனை

Sunday, 12 July 2015

மாமதலைப்பிரான்

பல்லவி

மாமதலைப்பிரானை சாரநாதனை

திருச்சேறைப்பதிதன்னில் கண்டு துதித்தேன்

அனுபல்லவி

பூமகள் சாரநாயகி உடனிருக்கும்

தாமரையாள் கேள்வனை மாதவனைக் கேசவனை

சரணம்

தாமரைப்பூவிலமர் சதுர்மகன் பிரமனும்

சாமமுதல் வேதங்கள் பயின்றோதும் நாரதனும்

மாமுனிவர் மார்க்கண்டேயரும் காவிரியும்

பூமண்டலத்தோரனைவரும் வணங்கிடும்

கோவிந்தராஜன்

பல்லவி

திருச்சித்ரகூடம் வளர் கோவிந்தராஜனின்

திருவடி பணிந்தேன் அருள் பெற வேண்டுமென

துரிதம்

கருடனுமனந்தனும் முனிவரும் பிரமனும்

குருநாரதரும் தேவரும் துதித்திடும்

அனுபல்லவி

திருமகள் புண்டரீகவல்லியின் மனங்கவர்

தேவாதிதேவன் தீனசரண்யன்

சரணம்

தில்லை மூவாயிரவர் கண்வர் பதஞ்சலி

வியாக்ரபாதர் கரம் பணிந்தேத்தும்

அல்லல் களைந்தருளும் ஆதிகேசவன்

நல்லடியார் நலம் பேணும் ஶ்ரீமன் நாராயணன்

கருமுகில்வண்ணன்

பல்லவி

விரும்பியவர் விரும்பும் வரமளிக்கும் கேசவனே

கருமுகில்வண்ணனே கழலடி பணிந்தேன்

அனுபல்லவி

அருகினில் எனைக்கூட்டி ஆண்டிட வேண்டுமென

உருகி மனமார உனையே துதித்தேன்

சரணம்

வருந்துயரனைத்தும் நீ தரும் வரமென்று

கருதியேயதனை மனமார ஏற்றேன்

திருவின் நாயகனை தீனசரண்யனே

இருவினைப்பயன் நீக்கி எனைக்காத்தருள்வாய்

தென்னாங்கூர் பாண்டுரங்கன்

பல்லவி

என் துணை நீயே பாண்டுரங்கா

உன்னடியே சரணம் எனக்கருள் புரிவாய்

அனுபல்லவி

கன்ம வினைப்பயனால் யான் படுந்துயர் நீங்க

உன்னருளொன்றே போதுமெனத் துதித்தேன்

சரணம்

நன்னெறி யறிவும் கல்வியும் செல்வமும்

தன்னலம் கருதாப் பிறர்க்குதவும் பண்பும்

சொன்ன சொல் தவறாத நேர்மையும் வேண்டுமென

தென்னாங்கூர் தலத்துறையும் கேசவா உனைப்பணிந்தேன்

பேரருளாளன்

பல்லவி

பொன்னரங்கன் மலர்ப்பதம் மனமாரப்பணிந்தேன்

செம்பொன்செய்கோயில் திருத்தலத்தில் வீற்றிருக்கும்

அனுபல்லவி

சென்னிற மேனியன் சிவபெருமான் போற்றும்

பேரருளாளன் பரந்தாமன் கேசவன்

சரணம்

அன்னாளில் சபரிக்கு மோட்சமளித்தவன்

தன்னடியால் அகலிகையின் சாபம் தீர்த்தவன்

தென்னிலங்கை சென்று அரக்கரை அழித்தவன்

எந்நாளும் எனக்கருள வேண்டுமெனத் துதித்து

கண்ணன்மங்கை பக்தவத்சலன்

பல்லவி

புகழும் பொருளும் வேண்டேன் கேசவா

சகமனிதர்களின் அன்பொன்றே வேண்டினேன்

அனுபல்லவி

சகம்புகழும் திருக்கண்ணன்மங்கை வளர்

பக்தவத்சலனே உனதடி பணிந்தேன்

சரணம்

அகமும் புறமும் துப்புரவுடனே

திகழ்ந்திடும் வண்ணம் செய்திட வேண்டியே

முகுந்தனே மாதவா உனையே துதித்தேன்

இகபரம்தனிலே சுகமளிப்பவனே

நாராயணன்

பல்லவி

இனி நாராயணனைத் துதிப்பதே என் வேலை

கனிவுடன் எனையே ஆட்கொண்ட கேசவனை

அனுபல்லவி

பனிமலைக்கயிலைவாசனின் நேசன்

தனிக்கருணை பொழிந்திடும் திருமலைவாசன்

சரணம்

முனிவரும் தேவரும் மனிதரும் பணிந்திடும்

இனிய மலர்ப் பாதன் பாற்கடல்வாசன்

வனிதைத் திருமகளைத் தன்மார்பில் தாங்கும்

புனிதன் சிறுபுலியூர் அருமாகடலமுதன்

Saturday, 11 July 2015

வீரராகவன்

பல்லவி

மனக்கவலை இனிமேல் எனக்கில்லை கேசவா

உனக்கதனைத்தந்துவிட்டு உன்னிடமே சரண்டைந்தேன்

அனுபல்லவி

கனகவல்லித்தாயார் கரம்பிடித்த திருமாலே

திருவள்ளூர் தலத்துறையும் வீர்ராகவனே

சரணம்

எனது மனக்குறைகள் அனைத்தையும் நீயே

உனதாக எண்ணி இனிதாக க்களைந்திட

அனவரதமுமுன் நாமமே துதித்தேன்

வனமாலையணிந்தவனே வைகுண்ட வாசனே

தெய்வநாயகன்

பல்லவி

தெய்வனாயகனை தேவனார்தொகையில்

மெய்சிலிர்க்கக் கண்டு கரம் கூப்பி நின்றேன்

அனுபல்லவி

மெய்யடியார் நலம் பேணும் மாதவனைக் கேசவனை

அயனரனும் பணிந்தேத்தும் ஆராவமுதனை

சரணம்

தையலாள் கடல்மகள் நாச்சியார் மனங்கவரும்

மெய்ப்பொருளை மணிவிளக்கை

வையம் காத்தவனை வைத்தமாநிதியை

மெய்யுருகிப் பணிந்தேன் எனக்கருள வேண்டுமென

கமலவல்லி நாதன்

பல்லவி

கமலவல்லி நாதன் கார்வானரைப் பணிந்தேன்

சமயமிதுவே என்று எனைக்காக்க வேண்டி

அனுபல்லவி

கமலமலர்தனை நாபியில் வைத்திருக்கும்

அமலனாதிபிரான் அருள் தரும் கேசவன்

சரணம்

கமலமலரமர் பிரமனும் ஈசனும்

நமஸ்கரித்திடும் தாமரைப்பாதன்

சமம் தனக்கெவரும் இல்லாத இறைவன்

கமல பதம் துதிக்கும் அடியார்க்கு நேசன்

Friday, 10 July 2015

நவநீதக்கண்ணன்

பல்லவி

பவரோகம் நீங்கிட நீயே மருந்தென

நவநீதக் கண்ணனே கேசவா பணிந்தேன்

அனுபல்லவி

தவ யோகியர் முனிவர் ஞானியர் போற்றும்

தேவாதி தேவனே ஸ்ரீ வாசுதேவனே

சரணம்

கவலையிடரளித்து அருகினில் சேர்த்தாய்

உவகையுடனேற்று உனையே துதித்தேன்

புவனமனைத்தையும் படைத்து காப்பவனே

சிவகாமி சோதரனே எனையாண்டருள்வாயே

கார்வானர்

பல்லவி

சீரும் சிறப்பும் மிகு கார்வானத் தலத்துறையும்

கார்வானர் திருவடியை மனமாரத் துதித்தேன்

அனுபல்லவி

ஊருலகம் போற்றும் கமலவல்லி மனங்கவர்

கார்முகில் வண்ணன் மாதவன் கேசவன்

சரணம்

நீர் நெருப்பு நிலம் காற்று வான்வெளியாகி

பாரினில் தோன்றும் அனைத்தையும் காத்திடும்

நீர்வண்ணன் மார்பினில் திருமகளைத் தாங்கும்

பேரருளாளன் ஸ்ரீமன் நாராயணன்

அன்பும் கருணையும்

பல்லவி

அன்பும் கருணையும் நிறைந்த மாதவா

உன்னடி பணிந்தேன் இன்னருள் புரிவாய்

அனுபல்லவி

துன்பம் சூழ்ந்திடும் வேளையிலெல்லாம்

உந்தன் நாமமே ஓதித் துதித்தேன்

சரணம்

பன்னக சயனனே பாற்கடல் வாசனே

தன்னிகரில்லா உன்னதத் தெய்வமே

அன்னை செங்கமலம் அருகிருந்து போற்றும்

சென்ன கேசவா நீயேயென் துணை

பற்றறுத்திடவே

பற்றறுத்திடவே...

பல்லவி

பற்றறுத்திடவே பற்றினேன் உன் பதம்

உற்ற துணை நீயே சென்ன கேசவா

அனுபல்லவி

நற்றவ முனிவரும் கற்றறிந்தோரும்

கரம்பணிந்தேத்தும் கலியுகத்தெய்வமே

சரணம்

உற்றார் சுற்றமும் நண்பனும் நீயே

பெற்ற தாயும் தந்தையும் நீயே

சுற்றித் திரிந்திவ் வாழ்வினைத் தொலைத்தேன்

மற்றுமோர் பிறவி இனியான் வேண்டேன்

சேவற்கொடியோன்

பல்லவி

சேவற்கொடியோனை மனமாரத்துதித்தேன்

நாவல் பழம் தந்து ஒளவையின் மனங்கவர்ந்த

அனுபல்லவி

பூவையர் வள்ளி தெய்வானை உடனிருக்கும்

தேவ சேனாபதியை சிங்காரவேலனை

சரணம்

மூவடியாலுலகளந்த கேசவன் மருகனை

தேவரும் முனிவரும் பிரமனும் இந்திரனும்

யாவரும் வணங்கிடும் கார்த்திகேயனை

காவடியெடுத்து பாற்குடம் சுமந்து