கமலக்கண்ணனை....
பல்லவி
கமலக்கண்ணனை நீலவண்ணனை
அமலனை ஆதிபிரானைப் பணிந்தேன்
துரிதம்
கமலாலயனும் நமச்சிவாயனும்
அமரேந்திரனுடன் அமரரும் துதித்திடும்
அனுபல்லவி
கமலமலரமர் வேதவல்லியின்
மனங்கவர் மாலனை மாயனைக்கேசவனை
சரணம்
சமரம் செய்து அரக்கரை வென்று
அமரருக்கருள் செய்த தாமோதரனை
சமுத்திரம் நடுவில் பள்ளி கொண்டிருக்கும்
ஶ்ரீமன் நாராயணனைப் புருஷோத்தமனை
கமலமலர்க் கரத்தில் சங்கும் சக்கரமும்
சுமந்திருக்கும் மாதவனை மதுசூதனனை
கமலநாபனை கார்முகில் வண்ணனை
உமையவள் சோதரனை மாரஜனகனை
No comments:
Post a Comment