ஶ்ரீ ரங்கநாதனை......
பல்லவி
ஶ்ரீரங்கநாதனை மனமாரப்பணிந்தேன்
பாரெங்கும் புகழ் விளங்கும் ஶ்ரீரங்கம் பதிதன்னில்
துரிதம்
நாரதர் நான்முகன் நமச்சிவாயனும் சுகசனகாதி
முனிவரும் தேவரும் எண்திசைபாலரும் அமரேந்திரனும்
யாவரும் துதித்திடும் தேவாதி தேவனை
அனுபல்லவி
ஶ்ரீரங்கநாயகி உடனிருந்து போற்றும்
சாரங்க ராஜனை ஆராவமுதனை
சரணம்
ஆண்டாள் மனம் விரும்பி அடைக்கலமடைந்தவனை
பாண்டவர் மனோரதம் பூர்த்தி செய்தவனை
வேண்டியே அழைத்த கரிக்கபயமளித்தவனை
வேண்டுவோர் வேண்டும் வரம் தரும் கேசவனை
No comments:
Post a Comment