ஆதிகேசவன்
பல்லவி
ஆதிகேசவனைப் பிரார்த்தனை செய்தேன்
ஆதியந்தம் இல்லாத பரம் பொருளை
துரிதம்
சங்கரன் நான்முகன் நாரதரிந்நிரன்
ஐங்கரன் சரவணன் தேவர்கள் பணிந்திடும்
அனுபல்லவி
மேதினி போற்றும் மயூரவல்லியை
மார்பினில் தாங்கும் கருணாமூர்த்தியை
சரணம்
கீதநாட்டியக் கலாரசிகனை
நாதவடிவினனை வேதப்பொருளை
வீதி உலா வந்து எளியோர்க்கருளும்
சோதியைச் சுடரை மதுசூதனனை
No comments:
Post a Comment