எனக்கொரு குறையுமில்லை…..
பல்லவி
எனக்கொரு குறையுமில்லை உனதருளாலே
தினகர குலத்தோனே ஶ்ரீரகு ராமா
அனுபல்லவி
கனக சிம்மாசனத்தில் கொலுவிருக்கும் கேசவனே
அனங்கனையும் பிரமனையும் படைத்தவனே ராகவனே
சரணம்
ஜனங்களின் மனங்கவர்ந்த அயோத்தி மன்னவனே
ஜானகி நாயகனே கோசலை மைந்தனே
சனகாதி முனிவர்களும் அமரருமமரேந்திரனும்
தினம் பணிந்தேத்தும் வனப்புமிகு ரகுவரனே
வனம் சென்று தந்தையின் சொல் காத்த தனயனே
முனிவர்கள் வேள்வியைக் காத்த காகுத்தனே
சினந்தரக்கன் ராவணனை வதைத்த ஜெயராமனே
வனப்பு மிகு அகலிகையின் சாபம் தீர்த்தவனே
வினதையின் புதல்வனை வாகனமாய்க் கொண்டவனே
அனவரதமனுமன் துதித்திடும் புருஷோத்தமனே
உனக்கிணை யாருளார் இப்புவி மீதிலே
புனிதனே பூவுலகம் போற்றும் நாராயணனே
No comments:
Post a Comment