किमेकं दैवतं लोके किं वाप्येकं परायणम् ।
स्तुवन्तः कं कमर्चन्तः प्राप्नुयुर्मानवाः शुभम्
"உலகத்தின் ஒரே முழுமுதற் கடவுள் யார்?" முதல் கேள்விக்கு ஆதி சங்விகரர் விளக்கமளிக்கிறார்.
पवित्राणां पवित्रं यो मङ्गलानां च मङ्गलम् ।
दैवतं दैवतानां च भूतानां योऽव्ययः पिता ॥எவரொருவர் பவித்ரமான (புனிதமான) பொருட்களை காட்டிலும் புனிதமானவரோ, மங்களத்தை (சுகத்தை) அடையும் வழியாகவும் அதை தந்தருள்பவராகவும் மங்களமே உருவெடுத்தது போல பரமானந்த வடிவினராய் இருப்பவரோ, தனது பரமமான ஒளியாலே அனைத்து தேவர்களுக்கும் தெய்வமாக இருப்பவரோ, அழிவற்றவரோ, அனைத்தும் (அனைவரும், அனைத்து ஜீவராசிகளும்) தோன்றுவதற்குக் காரணமாக இருப்பவரோ, அவரே (அந்த நாராயணனே) முழு முதற் கடவுளாவார்.
தனிப்பெருங்கடவுளை……
பல்லவி தனிப்பெருங்கடவுளை ஶ்ரீமன் நாராயணனை நனிசிறந்த தேவனைக் கேசவனைத் துதித்தேன் அனுபல்லவி வனிதை திருமகளை மார்பில் வைத்திருப்பவனை கனிவுடன் பக்தரை அரவணைத்துக்காப்பவனை சரணம் புனிதமான பொருளைவிடவும் புனிதமானவரை இனிய மங்களம் தரும் மங்களவடிவினரை முனிவருக்கும் தேவருக்கும் தெய்வமாயிருப்பவரை அனைத்தையும் தோற்றுவித்து அழியாமல் காப்பவரை
No comments:
Post a Comment