மூவர்ண கணபதி
பல்லவி
மூவர்ண கணபதியின் மலர்ப்பாதம் துதித்தேன்
தேவரும் மூவரும் முனிவரும் வணங்கிடும்
அனுபல்லவி
ஆவினங்கள் மேய்த்திடும் கேசவன் மருகன்
தேவி பார்வதி கொண்டாடும் தலைமகன்
சரணம்
ஓவியத்திலெழுந்தருளி தேசியத்திரு நாளில்
யாவருக்கும் காட்சி தரும் அதிசய ஆனைமுகன்
நாவினாலவன் நாமம் பாடிப்பரவசித்து
தூவி மலர் சொரிந்து சேவடி பணிந்தேன்
No comments:
Post a Comment