முருகன் அழகன்

முருகன் அழகன்

பல்லவி

கண்கவரழகனை முத்துக்குமரனை

கண்டவுடன் தண்டனிட்டு மனமாரத்துதித்தேன்

அனுபல்லவி

வண்டமர் பழமுதிர்சோலையில் நின்றருளும்

தண்டபாணியைத் தமிழ்க்கடவுளை

சரணம்

பெண்டுகள் வள்ளி தெய்வானையுடனிருக்கும்

சண்முகநாதனை கேசவன் மருகனை

தொண்டருக்கருள்தரும் சிங்காரவேலனை

அண்டரசராசரங்களனைத்தையும் காத்திடும்

வரசித்தி விநாயகன்

வரசித்தி விநாயகன்

பல்லவி 

சித்திவிநாயகனைப் பணிந்தேன்

வித்தகர் போற்றும் கரிமுகனை வர

அனுபல்லவி

யத்தனம் செய்து துவங்கிடும் கருமங்கள்

அத்தனையுமிடரின்றி நடைபெற உதவிடும்

சரணம்

முத்தமிழ்க் கலைகளியலிசை நாடகம்

மொத்தமும் ரசித்திடும் கேசவன் மருகனை

பித்தன் சிவன் மகனை ஆனைமுகத்தோனை

எத்திசையும் புகழ் விளங்கும் ஸ்ரீ கணநாதனை

பிந்துமாலினி

பிந்துமாலினி

.

பல்லவி

இந்தினிளம்பிறை சூடிய தேவி

பிந்துமாலினி மலரடி பணிந்தேன்

துரிதம்

கந்தன் கணபதி கணங்கள் நந்தி

கேசவன் பிரமனிந்திரன் வணங்கிடும்

அனுபல்லவி

யந்திரவரடிவாய் மந்திர மேருவில்

சந்ததம் வீற்றிருக்கும் திரிபுரசுந்தரி

சரணம்

வந்தனை புரிந்திடுமனைவர்க்குமருள்தரும்

அந்தரி நீலி அகிலாண்டேச்வரி

விந்தையே உந்தன் விளையாட்டெல்லாம்

எந்தனையாண்டருள வேண்டுமெனத்துதித்து

Bindhumaalini

Pallavi: Inthin Ilampirai soodiya devi

      Bindhumalini malarati paninthen

Thuritham: Kanthan Kanapathi kanangal nandhi

        Kesavan piraman inthiran vanangitum

Anupallavi: yanthiravativaay manthira meruvil

         Santhatham veetrirukkum thiripursundhari

Saranam : vanhtanai purinthitum anaivarkkum arultharum

         Anthari neeli Akilaadesvari

         Vinthaye unthan vilayaattellam

         Enthanai anndarula ventumena thuthiththu

Bindhumalini adorned with crescent moon I salute your flowery feet

Thiripurasundhai always sitting as yanthira roopa on the Meru

Oh,Goddess Anthari, Neeli, bestowing all good things to those who propitiate you;

Interesting is all your play, I pray to you for my salvation.

        

சாமுண்டேச்வரி

                                                              சாமுண்டேச்வரி

பல்லவி

அருள்மிகு சாமுண்டேச்வரியைப்பணிந்தேன்

திருச்சக்கரம்தனில் வீற்றிருக்குமன்னை

துரிதம்

திருமகள் கலைமகள் அரனரி அயனும்

முனிவரும் தேவரும் கரம்பணிந்தேத்தும்

அனுபல்லவி

கருமுகில் வண்ணன் கேசவன் சோதரி

இருவினைப்பயங்களைக்களைந்திடுமீச்வரி

சரணம்

தரும நெறிதழைக்க அரக்கரை அழித்த

பெருமைக்குரிய மகாதிரிபுரசுந்தரி

அருமறைகள் போற்றுமாதி பராசக்தி

கருணைமழை பொழியும் கௌரிமனோகரி

முக்குருணி கணபதி

முக்குருணி கணபதி

பல்லவி

முக்குருணி கணபதியை மனமாரத்துதித்தேன்

சொக்கநாதனும் மீனாக்ஷியும் போற்றும்

அனுபல்லவி

சிக்கல் சிங்காரவேலன் தமையனை

துக்கமிடர்களையும் தும்பிமுகப்பெருமானை

சரணம்

தக்கசிறுபிறையணிந்த ஓங்காரவடிவினனை

சக்கரக்கையன் கேசவன் மருகனை

பக்கமிரு தேவியரை வைத்திருக்கும் கரிமுகனை

எக்கணமும் மறவாத மனமருள வேண்டினேன்

அபிராமி

அபிராமி

பல்லவி

அன்னையபிராமியை மனமாரப்பணிந்தேன்

மன்னுபுகழ் திருக்கடையூர் திருத்தலத்தில் காட்சிதரும்

அனுபல்லவி

முன்னொருநாள் அபிராமபட்டருக்கருளிய

பன்னகசயனன் கேசவன் சோதரியை

சரணம்

புன்சிரிப்பால் புரமெரித்த அமிர்தகடேஸ்வரர்

தன்னருகில் வீற்றிருந்து பக்தருக்கு அருளளிக்கும்

அன்னபூரணியை அகிலாண்டேஸ்வரியை

என்னைக் காத்தருள வேண்டுமெனத்துதித்து

ஸ்ரீ ராஜகோபாலன்

                                         ஸ்ரீ ராஜகோபாலன்

பல்லவி

ஸ்ரீ வித்யா ராஜகோபாலனை  

மன்னார்குடித் தலத்தில் மனமாரத்துதித்தேன்

துரிதம்

தேவரும் முனிவரும் சுகசனகாதியரும்

நாரதரும் நான்முகனும் யாவரும் வணங்கிடும்

அனுபல்லவி

தேவியர் பாமா ருக்மணி உடனிருக்கும்

தேவகி மைந்தனை ஆமருவியப்பனை

சரணம்

கோவர்த்தன மலையைக்குடையாகப்பிடிதவனை

மூவடியாலுலகளந்த வாமனனைக் கேசவனை

சேவடி பணிவோர்க்கு அருள்தரும் மாதவனை

மூவாசைப்பிணி போக்கும் தேவாதிதேவனை

நளின காந்திமதி

                       நளின காந்திமதி

இராகம்: நளினகாந்திமதி தாளம்:ஆதி

  பல்லவி

நளினகாந்திமதியைத் துதித்தேன்

பளிச்சிடுமழகுடன் நெல்லையில் காட்சி தரும்

  அனுபல்லவி

களிநடம் தாமிரசபைதனில் புரிந்திடும்

இளகிய மனமுடை ஈசனிடமமர்ந்த

      சரணம்

பளிங்கு மேனியும் பவளச்செவ்வாயும்

ஒளி தரும் முகமும் திகழுமீச்வரியை

நளினநாபன் கேசவன் சோதரியை

எளியோர்க்கருளும் கருணாகரியை

Pallavi : Nalina kaanthimathiyai thuthiththen

        Palichitum azhakutan nellaiyil kaatchi tharum

Anupallavi: Kalinatam thaamira sabaithanil purinthitum

          Ilakiya manamutai isanitamamarntha

Saranam : Palingu meniyum pavala chevvayum

          Oli tharum mukamum thikazhumeeswariyai

          Nalinanaban Kesavan sothariyai

          Eliyorkkarulum karunaakariyai

Pallavi:My prayers to beautiful Nalinakanthimathi at Nellai

Anupallavi: One who is sharing the left side of siva dancing happily at ‘Thamira sabai’

Saranam:  Eswari  endowed with mirror like body,  cherry lips, charming face and sister of  Kesava having lotus on his belly,

                    And who is embodiment of  karuna

.

எளிய கணபதி

                         எளிய கணபதி

பல்லவி

எளிய கடவுளே விக்னவினாயகா

களிப்புடன் அரச மரத்தடியே வீற்றிருக்கும்

அனுபல்லவி

ஒளிமயமானவனே ஓங்காரவடிவினனே

நளின நாபன் கேசவன் மருகனே

சரணம்

அளித்திடும் எளிய எருக்கமாலையும்

துளிர் வெற்றிலையும் பாக்கும் பழமும்

தெளிதேனுமேற்று அடியார்க்கருளும்

களிறுனைப் பணிந்தேன் எனக்கருள் புரிவாய்

நாராயணி

                              நாராயணி

            பல்லவி

சர்வமங்களம் தந்தருளும் தேவி

சரணடைந்தேனுனை கௌரி நாராயணி

         அனுபல்லவி

பர்வதவர்த்தினி பரமதயாகரி

துர்கே சரணம் நற்கதியருள்வாய்

           சரணம்

கர்மவினைகளால் கட்டுண்ட அனைவரையும்

வர்மமின்றிக் காத்தருளும் கருணாகரி

தர்மசம்வர்த்தினி திரிபுரசுந்தரி

சர்வமும் நீயே தயை புரிவாயே

குரு தத்தாத்திரேயன்

                         

குரு தத்தாத்திரேயன்

பல்லவி

அத்ரி குமாரனை  தத்தாத்ரேயனை

சித்திரத்தில் கண்டு மனமாரத்துதிதேன்

 துரிதம் 

மூவிரு கரங்களில் மாலை கமண்டலம்

சங்கு சக்கரம் உடுக்கை ஈட்டி

ஏந்தியே காட்சியளித்திடும் நேயனை

மூவருமான முழுமுதற்கடவுளை

அனுபல்லவி

பத்ரி நாராயணன்  கேசவன் நேசனை

தத்துவப்பொருளான  சச்சிதானந்தனை

  சரணம் 

சித்தரும் முனிவரும் யோகியரும் ஞானியரும் 

சித்தத்தில் வைத்து என்றென்றும் வணங்கிடும்

எத்திசையும் புகழ் விளங்கும் உத்தமனை

வித்தகர் போற்றும் ஞானகுருவை

ஸ்ரீ மாதா மகாலக்ஷ்மி

                            

ஸ்ரீ மாதா மகாலக்ஷ்மி

பல்லவி

நல்லவளே ஸ்ரீ மகாலக்ஷ்மி

அல்லல் களைந்திடும் திருமகளே

அனுபல்லவி

வல்லவளே சங்கும் சக்கரமும் ஏந்திடும்

நல்லருள் தந்திடும் ஸ்ரீ லலிதாம்பிகையே

சரணம்

அல்லும் பகலுமுனைத் துதித்திடுமடியார்க்கு

இல்லாமை இல்லாமல் செய்திடும் ஸ்ரீ தேவி

புல்லங்குழலிசைக்கும் கேசவன் நாயகி

எல்லாமும் நீயே மாதா மகாமாயே