சிங்காரவேலன்

          சிங்காரவேலன்

                பல்லவி

கார்த்திகேயனை சிங்காரவேலனை

கீர்த்திமிகு ஸ்வாமிமலைத்திருத்தலத்தில் பணிந்தேன்

              ம.காலம்

தோகைமயிலும் சேவலும் வேலும்

வள்ளிதேவானையுமருகினிலிருக்கும்

              அனுபல்லவி

வார்த்தையிலடங்காத சுந்தரவடிவினனை

பார்வதி மைந்தனை கேசவன் மருகனை

               சரணம்

நேர்த்தியுடனலங்காரம் அணிமணிகள் புனைந்து

பார்த்தவர்கள் பரவசிக்க கோலாகலமாய் நிற்கும்

மூர்த்தியை முருகனை முத்துக்குமரனை

நாற்கவியும் போற்றும் சண்முகனாதனை