ஸ்ரீ லலிதா திரிபுரசுந்தரி
பல்லவி
ஸ்ரீ லலிதா திரிபுரசுந்தரியை
பாலித்தருளென பாதம் பணிந்தேன்
அனுபல்லவி
சீலமிகு திருமீயச்சூர் திருத்தலத்தில்
கோலமுடன் வீற்றிருந்து பக்தருக்குக்காட்சி தரும்
சரணம்
ஆலமுண்டகண்டன் மேகனாதனுடனிருக்கும்
ஏலவார்குழலியை கமலாமனோகரியை
வேலன் கணபதி தேவர் முனிவர் பணி
பால அபிராமியை உமா மகேஸ்வரியை (
ஸ்ரீ லலிதா )
மூலப்பொருளை மூகாம்பிகையை
காலனையும் கலங்கவைக்கும் மாகாளி பைரவியை
மாலன் மதுசூதனன் கேசவன் சோதரியை
பூலோகமே போற்றும் நித்ய கல்யாணியை
No comments:
Post a Comment