பாலகணபதி
பல்லவி
பாலகணபதியின் பதமலர் பணிந்தேன்
காலபயமணுகாமல் காத்தருள வேண்டி
அனுபல்லவி
ஆலமுண்ட நீலகண்டன் கொஞ்சிடும் தலைமகன்
நீலவண்ணக்கண்ணன் கேசவன் மருகன்
சரணம்
வேலனுக்கு மூத்தோன் விக்னவினாயகன்
பூலோகமுய்யவென நெய்வேலித்திருத்தலத்தில்
கோலமுடன் மணித்வீபம்தனில் கோயில்கொண்டிருக்கும்
சீலமிகு ஆனைமுகன் மனம் மயக்கும் பேரழகன்
No comments:
Post a Comment