மழலை முருகனை….
பல்லவி
மழலை முருகனை மடிவைத்துக் கொஞ்சிடும்
அழலேந்தும் நெற்றிக் கண்ணனைத் துதித்தேன்
அனுபல்லவி
அழகன் முருகனின் அன்னை பார்வதியும்
அருகிருந்து மகிழ்வுடன்
அதனை ரசித்திருக்க
சரணம்
சுழல் சக்கரக்கையன் கேசவன் மருகன்
அழகுக் கார்த்திகைப் பெண்டிர் வளர்த்த கார்த்திகேயன்
தழுவி உமையெடுத்து
அணைத்த ஆறுமுகன்
நிழலெனக் கழலடி
தொழுபவர்க் கருள்பவன்
No comments:
Post a Comment