திரை மறைவில்......
பல்லவி
திரை மறைவில் நீ நின்றாலும் கேசவா என்
மனத்திரையில் என்றும் நீங்காது நிற்கின்றாய்
அனுபல்லவி
கரைந்துருகி யான் பாடும் பாடல்களில் கேசவா நீ
நிறைந்த பொருளாகி நிலைத்து நிற்கின்றாய்
சரணம்
மறைந்திருந்தாலும் மாதவா என் மனம் என்றும்
மறவா வண்ணம் நீ நிறைந்திருக்கின்றாய்
மறை புகழ் மாதா ஶ்ரீ லக்ஷ்மீ நாதா
மாகாளி தேவி நடபைரவி சோதரா
இராகம் : நடபைரவி
தாளம் : ஆதி
No comments:
Post a Comment