பகவதி அம்மன்(கன்னியா குமரி)

                                        பகவதி அம்மன்(கன்னியா குமரி)

                                                         பல்லவி

                                     குமரிமுனைதனில் காட்சியளித்திடும்
                                     பகவதி அம்மனை மனமாரத் துதித்தேன்

                                                      அனுபல்லவி

                                     கமலமலர் முகமும் காரமர் மேனியும்
                                     அழகுடன் திகழ கம்பீரமாய் நின்று

                                                          சரணம்

                                     அமரரும் முனிவரும் அமரேந்திரனும்
                                     பரசுராமரும் கரம் பணிந்தேத்தும்
                                     உமாமகேச்வரியை கேசவன் சோதரியை
                                     அருள்தர வேண்டுமென இருகரம் கூப்பி

ஶ்ரீகாந்திமதி

                                        ஶ்ரீகாந்திமதி


                                               பல்லவி

                                ஶ்ரீகாந்திமதி நின் தாள் சரணம்
                                மூக கவிக்குவாக் கருளிய தேவி

                                            அனுபல்லவி

                                ஆகம வேத புராணங்கள் போற்றும்
                                பாகம்பிரியாளே பர்வதவர்த்தினி

                                                 சரணம்

                                 நாககாந்தாரி நான்மறை நாயகி
                                 நாகத்தணையான் கேசவன் சோதரி
                                 வாகாகவே வந்து நெல்லை திருத்தலத்தில்
                                 கோவில் கொண்டருளும் திரிபுரசுந்தரி 

த்ரயம்பகேச்வரன்

                                     த்ரயம்பகேச்வரன்


                                             பல்லவி

                         முக்கண்ணனை முழுமுதற்கடவுளை
                         திரயம்பகேச்வரனை மனமாரத் துதித்தேன்

                                          அனுபல்லவி

                         பக்தருக்கருளும் பரமேச்வரனை
                         சொக்கநாதனை சோமேச்வரனை

                                              சரணம்

                        முக்தியளித்திடும் மூலப்பொருளை
                        அக்னிவைத்த நெற்றிக்கண்ணனை
                        தட்சிணாமூர்த்தியை தீனதயாளனை
                        சக்திநாயகனை கேசவன் நேசனை

ஶ்ரீ ராமன்

                                       ஶ்ரீ ராமன்



                                             பல்லவி

                              சீதாலக்ஷ்மணனுடனுறை ராமனை
                              கோதாவரிக்கரையில் மனமாரத்துதித்தேன்

                                          அனுபல்லவி

                              சாதாரணரும் மேதாவிகளும்
                              நீதான் கதியெனத்தஞ்சமடைந்திடும்

                                               சரணம்

                             தந்தை சொல்மிக்க மந்திரமில்லையெனும்
                             தத்துவம் சொன்ன தசரதராமனை
                             சிந்தையில் வைத்துக் கேசவனவனை
                             முந்தைய பழவினைப் பயன்தொலைய வேண்டி
                             

பஞ்சவடி கபாலீச்வரன்

                                   பஞ்சவடி கபாலீச்வரன்


                                              பல்லவி

                         நஞ்சினை நெஞ்சில் வைத்த கபாலீசனை
                         பஞ்சவடித்தலத்தில் மனமாரத்துதித்தேன்

                                            அனுபல்லவி

                        தஞ்சமடைந்தோரைக் காத்தருளும் சிவனை
                        பஞ்நதீசனைப் பரமேச்வரனை
     
                                                 சரணம்

                        நஞ்சரவம்தனைக் கழுத்திலணிந்த
                        செஞ்சடாதரனை மருந்தீச்வரனை
                        அஞ்சேலஞ்சேலென்று அபயகரம் நீட்டும்
                        அஞ்செழுத்தீசனைக் கேசவன் நேசனை

செங்கமலவல்லி

                                     செங்கமலவல்லி



                                                பல்லவி

                             கமலவல்லியின் பாதம் பணிந்தேன்
                             கமலநாபன் கேசவன் மனங்கவர்

                                             அனுபல்லவி

                             அமரேந்திரனும் நாரதரும் நான்முகனும்
                             சுகசனகாதியரும் கரம் பணிந்தேத்தும்  ( செங் )

                                                   சரணம்

                             தனம் குலம் கல்வி நல்வாழ்வு அடைந்திட
                             மனமொரு நிலைபெற அமைதியுடன் விளங்க
                             வினைப்பயனனைத்தும் நலமுடன் தொலைந்திட
                             முனைப்புடன் அனுதினம் மனமாரத் துதித்து 

சுருட்டப்பள்ளி சிவன்

                                  சுருட்டப்பள்ளி சிவன்


                                         பல்லவி

                            சுருட்டப்பள்ளி சிவனை சங்கரனை
                            இருவினைப் பயன்தொலைய அனுதினம் பணிந்தேன்

                                        அனுபல்லவி

                             அருள்தரும் சர்வமங்களாம்பிகையின்
                             மடிமீது தலைசாய்த்து பள்ளிகொண்ட ஈசவரனை

                                             சரணம்(துரிதம்)

                             நாரதர் நான்முகன் நாரணனுடனே
                             வால்மீகி முனிவரும் நந்தியும் கணங்களும்
                             நரர்சுரரிந்திரன் கரம் பணிந்தேத்தும்
                             வரங்களையருளும் கேசவன் நேசனை

வெள்ளக்குளம் அண்ணன்பெருமாள்

       

                                 வெள்ளக்குளம் அண்ணன்பெருமாள்



                                                    பல்லவி

                                உள்ளம் களிக்குதே மெய்சிலிர்க்குதே
                                வெள்ளக்குளம் அண்ணன் தரிசனம் கண்டால்

                                                அனுபல்லவி

                               உள்ளன்போடு துதித்திடும் அன்பர்க்கு
                               அள்ளக் குறையாத கருணையளிப்பவன்

                                                   சரணம்

                               சங்கும் சக்கரமும் உடைவாளும் கையிலேந்தி
                               மங்களமாய்த் திருமகளைத் தன்மார்பில் தாங்கி
                               எங்கும் பிரகாசமாய் எழுந்தருளிக் காட்சி தரும்
                               பங்கயபாதன் திருநாங்கூர் கேசவன்

கோவிந்தன் திருநாமம்

                            கோவிந்தன் திருநாமம்


                                         பல்லவி

                 கோவிந்தன் திருநாமம் சொன்னாலும் பேரின்பம்
                 தேவாதிதேவன் திருமலைவாசன்

                                     அனுபல்லவி

                 மூவாசைப்பிணி போக்கும் முன்வினைப் பயன் நீக்கும்
                 நாவாரத் துதிப்போர்க்கு நலமனைத்தும் சேர்க்கும்

                                           சரணம்

                கரிக்கபயம் தந்த கேசவன் நாமம்
                அபலையின் மானம் காத்த மாதவன் நாமம்
                அருந்தவ முனிவரும் அமரரும் இந்திரனும்
                அடியாரனைவரும் துதித்திடும் நாமம் 

மீனலோசனி

                                              மீனலோசனி



                                                   பல்லவி

                                கமலாம்பிகையே காத்தருள்வாயெனை
                                கமலமலர்ப் பதம் தனயே துதித்தேன்

                                                  அனுபல்லவி

                                இமவான் மகளே மீனலோசனி
                                சோமசுந்தரர் உடனுறை ராணி

                                                       சரணம்

                                 அமரரும் முனிவரும் அமரேந்திரனும்
                                 குமரனும் கணபதியும் கரம்பணிந்தேத்தும்
                                 உமையே கௌரி கேசவன் சோதரி
                                 மாமதுரையரசாளும் அங்கயற்கண்ணி


                               
  

நீலாம்பரி

                                             நீலாம்பரி


                                                பல்லவி

                                துணைபுரிந்தருள்வாய் நீலாம்பரி
                                வணங்கியுன் பதம் பணிந்தேன் ஶ்ரீகாமாட்சி

                                             அனுபல்லவி

                               இணையுனக்காருளார் நித்யகல்யாணி
                               நீலவண்ணன் கேசவன் சோதரி

                                                   துரிதம்

                               கணங்களும் நந்தியும் அமரரும் போற்றும்
                                ஏகாம்ரேச்வரர் நாயகி கௌரி

                                                    சரணம்

                                பணம் பெண் போகமெனத் தேடித்திரிந்தேன்
                                கணக்கிலடங்காத தவறுகள் புரிந்தேன்
                                குணமறிந்து மனம் வருந்தி தினமுனைத்துதித்தேன்
                                கணநாதன் தாயே உனையே வேண்டினேன்

ஏலவார்குழலி

                                       ஏலவார்குழலி



                                               பல்லவி

                             ஶ்ரீலலிதே பணிந்தேன் பாதாரவிந்தம்
                             பாலாம்பிகையே பைரவி சரணம்

                                            அனுபல்லவி

                            மாலன் கேசவன் மாதவன் சோதரி
                            பாலன் வேலன் அன்னையே கௌரி

                                                சரணம்

                            ஞாலமனைத்தையும் படைத்தும் காத்தும்
                            கோலாகலமாக ஶ்ரீநகரம் தன்னில்
                            சீலமுடன் மாமேரு மீதில் வீற்றிருக்கும்
                            ஏலவார்குழலி நித்ய கல்யாணி

திருநறையூர் வஞ்சுளவல்லி

                                  திருநறையூர் வஞ்சுளவல்லி



                                               பல்லவி

                           திருமகளே உந்தன் திருவருள் வேண்டினேன்
                           பெருமைக்குரிய வஞ்சுளவல்லியெனும்

                                              துரிதம்
 
                           அருந்தவ முனிவரும் அருமறை நான்கும்
                           கலைமகள் மலைமகள் அனைவரும் போற்றும்

                                              அனுபல்லவி

                           தருமசிந்தையும் சத்தியநெறியும்
                           பொருள் புகழ் போகமனைத்தையும் அருளென

                                                  சரணம்

                           திருப்பாற்கடலில் அவதரித்தவளே
                           திருமால் கேசவன் திருமார்பில் வீற்றிருக்கும்
                           கருணைக்கடலே கற்பகத் தருவே
                           திருநறையூர் திருத்தலத்தில் எழுந்தருளிக்காட்சிதரும்

பார்த்தசாரதியின்

                                    பார்த்தசாரதியின்
                     

                                              பல்லவி

                 பார்த்தசாரதியின் பாதகமலங்களை நாளும் சரணடைந்தேன்
                 வார்த்தையில் சொல்ல முடியாத வடிவழகன் கேசவன் - ஶ்ரீ

                                           அனுபல்லவி

                தேர்நடத்திப் பார்த்தனுக்கு துணைபுரிந்த கண்ணனவன்
                 மார்பணியாய்த் திருமகளை வைத்திருக்கும் திருமார்பன்

                                               சரணம்

                 நாரதரும் நான்முகனும் நமச்சிவாயனும் நான்மறையும்
                 சூரியனும் வெண்ணிலவும் தேவர்களும் தினம் துதிக்கும்
                 பார்புகழும் திரு வேங்கடவனவன் தீனசரண்யன்
                 நீர்மலையில் நின்றருளும் நீலமுகில்வண்ணன் ( ஶ்ரீ )




        தாளம்: சங்கீர்ணத்ருபுடை

ஶ்ரீ லலிதா திரிபுரசுந்தரி

                             ஶ்ரீலலிதா திரிபுரசுந்தரி


                                        பல்லவி

                           ஶ்ரீ லலிதா  திரிபுரசுந்தரி
                           நீயே கதியென நம்பினேன்

                                     அனுபல்லவி

                           மாலயனரனும் ஏவல் புரிந்திட
                           ஶ்ரீநகரம்தனில் வீற்றிருப்பவளே

                                           சரணம்

                           ஆலயம்தோறும் காட்சியளித்திடும்
                           மூலமந்திரப் பொருளானவளே
                           ஞாலமனைத்தையும் காத்தருள் தந்திடும்
                            நீலவண்ணன் கேசவன் சோதரி

செந்தூர் முருகனை

                                       செந்தூர் முருகனை

     

                                                  பல்லவி

                             செந்தூர் முருகனை சேவற்கொடியோனை
                             சிந்தையில் நினைந்து வந்தனை செய்தேன்

                                                அனுபல்லவி
   
                              தந்தைக்கு மந்திரம் ஓதிய சரவணனை
                              உந்திகமலன் கேசவன் மருகனை

                                                     சரணம்

                              தந்திமுகத்தோன் சோதரனை குகனை
                              இந்திரன் மகளை மணந்த குமரனை
                              கந்தனை கடம்பனை கார்த்திகேயனை
                              சுந்தர வடிவினனை சூரனை வதைத்தவனை
                             
                               
                              

வானமாமலையனை

                             
                                          வானமாமலையனை    


                                                   பல்லவி

                               வானமாமலையானை தெய்வநாயகனை
                               தீனசரண்யனை மனமாரத் துதித்தேன்

                                                அனுபல்லவி

                               தேனமாம்பொழில் நிறை மங்கலத்து நாயகி
                               தானும் மனமுவந்து கரம் பணிந்தேத்தும்
   
                                                    சரணம்

                               ஊனம் களைந்தென் மன இருள் நீக்கி
                               ஞானமும் கல்வியும் நன்னெறியறிவும்
                               நானென்றும் நலமுடன் அடைந்திட வேண்டி
                               கானமியற்றி திருவடி பணிந்து
                             
                             
                             
                            

மௌலிவாக்கம்

                          மௌலிவாக்கம்
                                 *****

                          ஆக்கம் முப்பது மாதம்
                          அழிக்க மூணு நொடி
                          தாக்கம் பலர் வாழ்வு
                          நோக்கம் சரியென சிலர்
                           ஏக்கம் கொண்டனர் பலர்

                         
                          

எனக்கொரு குறையுமில்லை

                                    எனக்கொரு குறையுமில்லை


                                                பல்லவி

                                 எனக்கொரு குறையுமில்லை கேசவா
                                 அருகினில் நீ இருக்கையிலே ... ...

                                             அனுபல்லவி

                                 கனவிலும் நினைவிலும் உனது திருநாமம்
                                 மனத்தினில் அனுதினம் துதிப்பதனாலே

                                                  சரணம்

                                 வினைப் பயன்களினால்  நான்படுந்துயரம்
                                 அனைத்தும் நீங்கிட அருள்தருபவனே
                                 நினைத்ததை அடைந்திடும் நிதியளிப்பவனே
                                 அனந்தபத்மநாபனே திருவடி சரணம்

சங்கரி

                                                    சங்கரி

     
                                                   பல்லவி

                               சாமகானம்தனில் மனம் மயங்கிடும்
                               சங்கரி உந்தன் மலர்ப் பதம் பணிந்தேன்

                                                   துரிதம்

                               நாமகள் பூமகள் தேவர்கள் முனிவர்கள்
                               யாவரும் துதித்திடும் அகிலாண்டேச்வரி

                                                  அனுபல்லவி

                              தாமதமின்றியே எனக்கருள வேண்டுமென
                              காமாட்சி கௌரி உனையே துதித்தேன்

                                                    சரணம்

                             அகிலமனைத்தையும் ஆண்டிடும் தாயே
                             சுகமும் துக்கமும் அளித்திடும் மாயே
                             இகபரமிரண்டிலும் என் துணை நீயே
                             சகலரும் வணங்கிடும் கேசவன் சோதரி

காஞ்சி காமாட்சி

                                         காஞ்சி காமாட்சி


                                                    பல்லவி

                                    கருணை புரிவாய் காமாட்சி
                                    இருள்சூழென் வாழ்வு ஒளியுறச்செய்திட

                                                   அனுபல்லவி

                                    பெருமைக்குரிய காஞ்சி மாநகர் வாழ்
                                    வரதராஜன் கேசவன் சோதரி

                                                       சரணம்

                                    ஒரு நாளும் உன் புகழ் உரைத்தவனில்லை
                                    தரும தானங்கள் செய்ததுமில்லை
                                    கரும வினைப்பயனால் அடைந்தேன் தொல்லை
                                    வருந்தி மனம் திருந்தி உனைச்சரணடைந்தேன்

அனந்தனே கேசவா

                                         அனந்தனே கேசவா



                                                 பல்லவி


                              தினமுனைத் துதித்திட வரம் தருவாய்
                              தீனசரண்யனே பத்மநாபா

                                               அனுபல்லவி

                             கனவிலும் நினைவிலும் உன்னிரு திருவடி
                             மனத்தினில் மறவாமல் நினைத்திட அருள்செய்து

                                                   சரணம்

                             தனக்கென எனக்கொரு பொருளுமில்லை
                             மனக்குறை எனக்கதனால் ஏதுமில்லை
                             எனதுயிருடலனைத்தும் உனதன்றோ
                             அனந்தனே கேசவா சரணடைந்தேன்

குறையொன்றுமில்லை கோவிந்தா

                                  குறையொன்றுமில்லை கோவிந்தா



                                                   பல்லவி

                                  எனக்கொன்றும் குறையில்லை கோவிந்தா
                                  உனது திருவடியைச் சரண்டைந்த பின்னே

                                                 அனுபல்லவி

                                  மனத்திலுன் திருநாமம் மகிழ்வுடனே துதித்து
                                  தினமுன்றன் வடிவழகை ஆலயத்தில் கண்டபின்

                                                    சரணம்

                                  தனக்கென்று வாழும் மனிதரைப் போலன்றி
                                  உனதடியார் திருத்தொண்டில் மனம்தனை வழிநடத்தி
                                  மனக்கவலை சினம் தவிர்த்து பிறர்க்குதவி செய்து
                                  அனைத்தும் கேசவனே உனதருளாலென்றிருக்கும்

ஶ்ரீராமநாமம்

                               
                               राम राम रामेति रमे रामे मनोरमे ।
                         सहस्रनाम तत्तुल्यं रामनाम वरानने ॥


                                            ஶ்ரீராமநாமம்



                                                  பல்லவி

                                சொன்னாலும் வாயினிக்கும் ஶ்ரீராமநாமம்
                                என்னாளும் எப்போதும் உளமாரத்துதித்து

                                               அனுபல்லவி

                               தன்னாலே நிம்மதி மனசாந்தி அனைத்தும்
                               தானாகத்தேடிவரும் துதிப்பவர்க்கெல்லாம்

                                                    சரணம்

                               பன்னகசயனன் கேசவனின் ஆயிரம்
                               நாமங்கள் சொன்ன பலன் அனைத்தும் கிடைத்திட
                               அந்நாளில் சிவபெருமான் அன்னை பார்வதிக்கு
                               சொன்னவழி இந்த ஶ்ரீராமநாமமே
                               

வேங்கடவா

                                        வேங்கடவா



                                                    பல்லவி

                           அன்புடனே என்னை ஆண்டுகொள்ள வேண்டுமென
                           பன்னகசயனனே கேசவா உனைத் துதித்தேன்

                                                 அனுபல்லவி

                           முன்வினைப் பயன்களால் பவக்கடலில் மூழ்குமெனை
                           உன்னருள் தந்து உதவிக் கரம் நீட்டி

                                                      சரணம்

                           அறியாத சிறுவயதில் புரியாமல் நான் செய்த
                           சிறிய பிழைகளெல்லாம் பெரிதாகக்கொள்ளாமல்
                           வறியவனின் பிழை பொறுத்து திருவடி நிழல் தந்து
                           கரியவனே வேங்கடவா பரம்பதம் அடைந்திடவே

மீனாக்ஷி

                                           மீனாக்ஷி




                                             பல்லவி

                           தாமதமின்றி தாயே எனக்கருள்வாய்
                           தாமரைப் பதம் பணிந்தேன் அங்கயற்கண்ணி

                                           அனுபல்லவி

                           மாமறையறியேன் வழிபாடு செய்திலேன்
                           பாமரன் உன்றன் நாமமே துதித்தேன்

                                                சரணம்

                           தேமதுரத்தமிழ் முழங்கும் தென்மதுரைத்திருத்தலத்தில்
                           சோமசுந்தரருடன் ஒயிலாக வீற்றிருந்து
                           மாமதுரை அரசாளும் மாதவமே மீனாக்ஷி
                           மாமாயன் கோவிந்தன் கேசவன் சோதரி

பாரதி

                                             பாரதி



                                             பல்லவி

                                பாரதி நீ கதி துதி செய்தேன்
                                நேரெதிர் வந்தெனக்கருள் தர வேண்டினேன்

                                               துரிதம்

                                நாரதர் நான்முகன் மலைமகள் அலைமகள்
                                பாவலர் பண்டிதர் கேசவன் துதித்திடும்

                                               அனுபல்லவி

                               மாரனும் மயங்கும் ரூபவதி
                               பாரோர் புகழ்ந்தேத்தும் சகலகலாவாணி

                                                 சரணம்

                               தாரணி போற்றும் தாரகையே வாணி
                               பூரணி கலைகளின் காரணியே
                               நாரணி நான்முகி பைரவி நீயே
                               கூத்தனூர் வளர் ஶ்ரீசரஸ்வதி

காணக்காண

                                     காணக்காண
                                 

                                            பல்லவி

                          காணக்காண மனம் களிக்குதே கண்ணா
                          காளிங்கன் தலைமீது நின்றாடும் உன்னழகை                                      

                           (தக்கிடதரிகிட தளாங்கு தகதிமி
                           தரிகிட தகவென ஜதியோடு குதிபோட்டு
                            காளிங்கன் தலைமீது..........)

                                          அனுபல்லவி

                          வேணுகானலோலனே கேசவா
                          சாணுரன் முஷ்டிகனை வதைத்தவனே மாதவா

                                              சரணம்

                          பொன்மாலை பூமாலை கழுத்தில் அசைந்தாட
                          மின்னும் கௌத்துபமும் துளபமும் சேர்நதாட
                          சின்னச்செவியிரண்டில் குண்டலங்களாட
                          இன்னும் மயில்பீலி கொண்டைதனிலாட

                          நன்முத்து மணிகளுடன் காலில் சிலம்பாட
                          வண்ணப்பட்டாடைகளும் வளக்கரமுமாட
                          தன்னைமறந்த வண்ணம் கோபிகைகளாட
                          புன்னகை முகத்துடனே கோபர்களுமாட

ஶ்ரீநிவாசன்

                                              ஶ்ரீநிவாசன்

                                                  பல்லவி

                              வெங்கடாசலபதியை ஶ்ரீநிவாசனை
                              மங்காத புகழ்மேவும் திருமலையில் பணிந்தேன்

                                                 துரிதம்

                             திங்கள் ஞாயிறு சுகசனகாதியர் நாரதர் நான்முகன்
                             தேவர்களிந்திரன் மங்கையலமேலு பத்மாவதியும் கரம்பணிந்தேத்தும்

                                               அனுபல்லவி

                             சங்கடம் களைந்தருளும் பங்கயபதத்தானை
                             எங்கும் நிறைந்திருக்கும் மாதவனைக் கேசவனை

                                                    சரணம்

                             சங்கும் சக்கரமும் உடைவாளும் கையிலேந்தி
                             மங்கள வதனமுடன் கோலாகலமாக
                             பொங்கும் பொலிவுடனே எழுந்தருளிக் காட்சி தரும்
                             பங்கயநாபனைத் திருவேங்கடமுடையானை

குருவாயூர் கேசவன்

                                        குருவாயூர் கேசவன்


                                                   பல்லவி

                           குருவாயூர் கேசவனின் திருவடி பணிந்தேன்
                           தருமநெறி காக்கும் தவசீலர் பலர் போற்றும்

                                                  துரிதம்

                            நாராயணீயம் எழுதிய பட்டர்க்கு
                            காளிங்க நர்த்தனம் கண்ணெதிரில் காட்டிய

                                                அனுபல்லவி

                           அருளமுதமளித்திடும் அழகிய திருமுகமும்
                           கருணை பொங்கும் கடைக்கண்விழியும் கொண்ட

                                                     சரணம்

                            விரும்பித்துதித்திடும் அடியவர்க்கெல்லாம்
                            பெருநலம் புரிந்திடும் ஶ்ரீமன் நாராயணன்
                            வருந்தி மனம் திருந்தி சரணடைந்தவர்க்கு
                            பெரும் பிணி பவக்கடல் கடந்திட உதவிடும்

அனந்தபத்மநாபன்

                           அனந்தபத்மநாபன்


                                      பல்லவி

                        அனந்தபத்மநாபனை ஆரதனை புரிந்தேன்
                        மனமுருகி தினம் துதித்து புஷ்பாஞ்சலி செய்து

                                      துரிதம்

                        சனகாதி முனிவரும் நாரதரும் சந்திரனும்
                        இந்த்ராதி தேவர்களனைவரும் போற்றும்

                                    அனுபல்லவி

                        வனமாலை கௌத்துபம் மணிமாலையணிந்து
                        அனந்தபுரம் பதிதன்னில் பள்ளிகொண்டிருக்கும்

                                        சரணம்

                        கனகத்திருமேனி கருணைக்கருவிழிகள்
                        தனலக்ஷ்மி திருமார்பில் நாபியில் நான்முகன்
                        அனுமனும் கருடனும் கரம் கூப்பி உடனிருக்க
                        தனித்தனியே மூவழியில் காட்சி தரும் கேசவனை

ஶ்ரீபத்மநாபா

                                         ஶ்ரீபத்மநாபா


                                              பல்லவி

                               சரணம் சரணம் ஶ்ரீபத்மநாபா
                               அரவிந்தபதம் பணிந்தேன் எனைக்காத்தருள்வாய்

                                             அனுபல்லவி

                               மரணம் பிறப்பெனும் பவபயம் நீக்கி
                               பரகதி அடைந்திடும் வரம் அளித்திடுவாய்

                                                  சரணம்

                               அரனயன் நரர்சுரர் துதித்திடும் மாதவா
                               இரணியனை வதைத்த ஶ்ரீநரசிம்மா
                               அரக்கன் ராவணனை அழித்த ரகுராமா
                               நிரந்தரமான பரம்பொருளே கேசவா
                   

ஶ்ரீமாதவா

                                             ஶ்ரீமாதவா


                                            பல்லவி

                                    ஶ்ரீமாதவா மதுசூதனா
                                    பாமாருக்மிணி மனம் மகிழ உடனிருக்கும்

                                           அனுபல்லவி

                                    காமாதி அறுபகையகன்றிட வேண்டியே
                                    மாமாயன் கேசவனுன் மலரடி பணிந்தேன்

                                              சரணம்

                                    நன்றும் தீதும் நானறிந்தவனில்லை
                                    என்றும் உன்னைத் துதித்ததுமில்லை
                                    இன்று மனம்திருந்தி உனச்சரண்டைந்தேன்
                                    கன்றுநான் பசு உனைக் கதறியழைத்தேன்

சுகந்தவன நாதன்

                                        சுகந்தவன நாதன்



                                                   பல்லவி

                             பரிமளரங்கனை மனமாரப் பணிந்தேன்
                             இந்தளூர் திருத்தலத்தில் பள்ளிகொண்டிருக்கும்

                                                 அனுபல்லவி

                             பரிமளரங்கநாயகி உடனிருக்கும்
                             பரிபூரணனை பாற்படல்வாசனை

                                                     சரணம்

                             உம்பரும் சனகாதிமுனிவரும் இந்திரனும்
                             தும்புரு நாரதரும் நான்முகனும் போற்றும்
                             அம்புயநாபனை மாலனைக் கேசவனை
                             அம்புலிக்கருள் செய்த சுகந்தவனநாதனை

மருவினிய மைந்தன்

                                          மருவினிய மைந்தன்


                                                  பல்லவி

                                   மருவினிய மைந்தனை மதுசூதனனை
                                   குருவும் தந்தையுமாய் நின்றானைப் பணிந்தேன்

                                                அனுபல்லவி

                                   அருமறைகள் கொண்டாடும் அரவிந்தபதத்தானை
                                   திருவின் நாயகனைத் திருமாலைக் கேசவனை

                                                     சரணம்

                                    கருமவினைப்பயன்கள் தொலைந்திடச் செய்யும்
                                    கருணாமூர்த்தியை கமலநாபனை
                                    கருமுகில்வண்ணனை பரிமளரங்கனை
                                    பெருநாகத்தணையானைப் பரமபதநாதனை
                          

இந்தளூர் சுந்தரனை

                                     இந்தளூர் சுந்தரன்



                                              பல்லவி

                           சிந்தை கவர்ந்திடும் இந்தளூர் சுந்தரனை
                           வந்தனை புரிந்து உளமாரத் துதித்தேன்

                                           அனுபல்லவி

                           சந்திரனுக்கருளிய பரிமளரங்கனை
                           உந்திகமல பெருமானைக் கேசவனை

                                                சரணம்

                           விந்தையாய் மலைதனைக் குடையாகப் பிடித்தவனை
                           நந்தகோபன் மகனை தேவகி மைந்தனை
                           தந்தை சொல் காத்த தனயனை ராகவனை
                           வந்தருள் புரிந்தெனைக் காத்தருள வேண்டுமென

மலையப்பன்

                                                   மலையப்பன்


                                                        பல்லவி

                                 குறைதீர்க்கும் கோவிந்தன் திருப்பாதம் பணிந்தேன்
                                 மறை போற்றும் மலையப்பன் திருவேங்கடமுடையான்

                                                      அனுபல்லவி

                                 முறையாகத் துதித்திடும் பக்தருக்கெல்லாம்
                                 கறைபிறவிப் பிணி போக்கும் கடல்வண்ணன் கேசவன்

                                                            சரணம்

                                 அறம் தழைக்கும் திருமலையில் கோயில் கொண்டிருக்கும்
                                 சிறப்புமிகு அருளாளன் ஶ்ரீமன் நாராயணன்
                                 உறவினனும் நண்பனும் ஆசானுமவனே
                                 பிற தெய்வமனைத்திற்கும் மேலான இறைவன்

மாயே

                                         மாயே


                                              பல்லவி

                            காத்தருள்வேன் என்று சொன்னதும் நீயே
                            காத்திட வைத்து வதைப்பதும் நீயே

                                            அனுபல்லவி

                            நேத்திரம் திறந்தெனை பார்த்திட வேண்டியே
                            தோத்திரம் செய்துனைத் துதித்தேன் மாயே

                                                சரணம்

                            பாத்திரமறிந்து பிச்சையிடும் நல்ல
                            சாத்திரமறிந்தவள் நீயே தாயே
                            கோத்திரம் குலமென்று வேற்றுமை பாராமல்
                            ஏற்றருள்வாயே கேசவன் சோதரி

மாவதவா கோவிந்தா

                            மாவதவா கோவிந்தா


                                         பல்லவி

                   மாவதவா கோவிந்தா கோபாலக்ருஷ்ணா
                   பாதம் பணிந்தேன் பரிந்தருள் புரிவாய்

                                       அனுபல்லவி

                   வேதசாஸ்த்திர புராணங்கள் போற்றும்
                    யாதவகுல திலகா மதுசூதனா

                                           சரணம்

                   மாதவளை மார்பினில் வைத்திருக்கும் கேசவா
                   நீதான் கதியென்று நம்பித்துதித்தேன்
                   ஏதுமறியாத சிலையாயேன் நிற்கின்றாய்
                   காது கொடுத்தென் குறை கேளாயோ

கேசவனை மறவேன்

                                        கேசவனை மறவேன்



                                                பல்லவி

                               சோதனை வந்தாலும் வேதனை தந்தாலும்
                               கேசவனை நான் மறவேன்

                                                அனுபல்லவி

                               ஆதரவு அவன் திருப்பாதங்களேயன்றி
                               வேறொரு துணையில்லை அவனியில் எனக்கு

                                                     சரணம்

                                ஆதிமூலமே என்றழைத்த யானைக்கு
                                ஓடோடி வந்து அபயம் அளித்த
                                நாதன் திருவடியே என்றும் எந்தன் துணை
                                மாதவனே உந்தன் சரணமே சரணம்

வெங்கடேசன்

                                               வெங்கடேசன்



                                                    பல்லவி

                                 வெங்கடேசனே கண்கண்ட தெய்வம்
                                 கலியுகந்தன்னில் உலகிலனைவர்க்கும்

                                                 அனுபல்லவி

                                 எங்கும் நிறைந்தவனாய் ஏழை எளியார்க்கு
                                 தங்கும் பொருள் தந்து தனிக்கருணை பொழியும்

                                                       சரணம்

                                திங்கள் திருமுகம் திருமார்பில் கௌஸ்துபம்
                                சங்கும் சக்கரமும் ஏந்திய திருக்கரங்கள்
                                பொங்கும் கருணைவிழி எழில் கொஞ்சும் திருமேனி
                                நங்கை அலமேலு கரம்பிடித்த கேசவன்
                                  

திருவேங்கடமுடையான்

         
                                             திருவேங்கடமுடையான்



                                                         பல்லவி

                                 திருவேங்கடமுடையான் திருப்பாதம் பணிந்தேன்
                                 திருமலையில் எழுந்தருளி பக்தருக்கு காட்சிதரும்

                                                      அனுபல்லவி

                                 கருணையுடன் அருட்கரமும் அபயகரமும் காட்டும்
                                 திருமார்பன் கேசவன் ஏழுமலைவாசன்

                                                         சரணம்

                                  தருமநெறி காக்க அவனியிலவதரித்த
                                  திருநாராயணன் தீனசரண்யன்
                                  பெருமைக்கரிய அலமேலுமங்கையின்
                                  திருக்கரம் பற்றிய ஶ்ரீநிவாசன்
                                       
                                                         துரிதம்

                                   நாரதர் நான்முகன் சுகசனகாதியர்
                                   இந்திரன் குபேரன் நரர்சுரருடனே
                                   அனுமன் கருடன் சூரியன் சந்திரன்
                                   அனைவரும் போற்றிக் கரம் பணிந்தேத்தும்
                            

சாரங்கபாணி

                                        சாரங்கபாணி



                                              பல்லவி


                               ஆராவமுதனை சாரங்கபாணியை
                               நாராயணனை சேவித்து மகிழ்ந்தேன்

                                            அனுபல்லவி

                               பாரோர் பணிந்தேத்தும் பரமபதநாதனை
                               சீர்மல்கும் திருக்குடந்தை திருத்தலத்தில் பள்ளிகொண்ட

                                                  சரணம்

                               தேர்ப்பாகனாய் நின்று பார்த்தனுக்கு உதவிய
                               பார்த்தசாரதியை மாலனைக் கேசவனை
                               மார்பணியாய்த் திருமகளை வைத்திருக்கும் மாதவனை
                               ஓர் குறையும் அணுகாமல் அடியாரைக் காத்தருளும் 

ஶ்ரீ ரகுராமா

                                          ஶ்ரீ ரகுராமா



                                              பல்லவி

                           என்னைக் காத்தருள்வாய்  ஶ்ரீரகுராமா
                           உன்னையே துதித்திடும் ஏழையேன் உனதடிமை

                                            அனுபல்லவி

                           அன்னை தந்தை குரு அனைத்தும் நீயே
                           தென்னிலங்கை அரக்கனை வதம் செய்தவனே

                                               சரணம்

                           அன்றொருநாள் சபரிக்கு மோட்சம் தந்தவனே
                           இன்னொரு மங்கையின் சாபம் தீர்த்தவனே
                           தந்தையின் சொல் கேட்டுக் கானகம் சென்றவனே
                           கன்னலே கேசவா திருவடி சரணடைந்தேன்

தஞ்சமடைந்தேன்

                                          தஞ்சமடைந்தேன்


                                                    பல்லவி

                              தஞ்சமடைந்தேன் சஞ்சலம் களைந்தருள்வாய்
                              பஞ்சபாணப் பயிரவியே காமாட்சி

                                                  அனுபல்லவி

                              நஞ்சரவம் கழுத்தில் சூடிய சிவன் போற்றும்
                              அஞ்சுகமே அபிராமி அடைக்கலமளித்திடுவாய்

                                                      சரணம்

                              நெஞ்சிலுன் திருநாமம் தினமும் துதித்திருந்தேன்
                              குஞ்சரிமணவாளன் குகப்பெருமான் தாயே
                              வஞ்சமில்லாதுன் திருவடியே பணிந்தேன்
                              பஞ்சவர் நேசன் கேசவன் சோதரி