நரசிம்மனை
பல்லவி
நரசிம்மனை அரவிந்த பதத்தானை
கரம் பணிந்து தினம் மனமாரத்துதித்தேன்
துரிதம்
நரர்சுரர் நாரதர் அரனயனிந்திரன்
கருடன் அனுமன் அருந்தவ முனிவர்கள்
திருமகள் கலைமகள் மலைமகளனைவரும்
போற்றி வணங்கிடும் பரம புருஷனை
அனுபல்லவி
அரவணைதுயிலும் பரம பதத்தானை
வரங்களையருளும் பரம்பொருளை - லக்ஷ்மி
சரணம்
தங்கும் நிதியளிக்கும் திங்கள் திருமுகத்தாளை
மகாலக்ஷ்மியை மணி மார்பில் தாங்கும்
சங்கும் சக்கரமும் கையிலேந்தும் கேசவனை
மங்களகிரிதன்னில் எழிலுடன் வீற்றிருக்கும்
No comments:
Post a Comment