சட்டநாதனை…….
பல்லவி
சட்டநாதனை சாம்பசதாசிவனை
மட்டவிழ் மலர் தூவி அனுதினம் துதித்தேன்
அனுபல்லவி
பிட்டுக்கு மண் சுமந்த ஆலவாயழகனை
எட்டெழுத்து நாமம்கொண்ட கேசவன் நேசனை
சரணம்
நட்டம் பயின்றாடும் நமச்சிவாயனை
வட்ட நிலவின் பிறையணிந்த ஈசனை
அட்ட வீரட்டானம் தலங்களிலுறைபவனை
கட்டழகு மேனியனைத் தோணியப்பனை
தோடுடைய செவியன் விடையேறியோர் தூவெண்மதி சூடிக்
காடுடையசுட லைப்பொடிபூசிஎன்1 உள்ளங்கவர் கள்வன்
ஏடுடையமல ரான்முனைநாட்பணிந் தேத்தஅருள் செய்த
பீடுடையபிர மாபுரம்மேவிய பெம்மானிவ னன்றே.
No comments:
Post a Comment