விந்தியவாசினியை…..
பல்லவி
விந்தியவாசினியை அம்பிகையைத் துதித்தேன்
முந்தைய பழவினைப் பயன்கள் தொலைந்திட
அனுபல்லவி
மந்திரப்பொருளான கேசவன் சோதரியை
வந்திப்பர்க்கருள் தரும் பரமேச்வரியை
சரணம்
யந்திர மேருவில் வீற்றிருப்பவளை
சந்திரனின் பிறையை அணிந்திருப்பவளை
சிந்திப்பவர்க்கு எளிதான சுந்தரியை
அந்தரி நீலியையகிலாண்டேச்வரியை
ஆணவம் கன்மம்……
பல்லவி
ஆணவம் கன்மம் மாயையையகற்றும்
மாணப் பெரிய லிங்கோத்பவனைத் துதித்தேன்
அனுபல்லவி
காணத் திகட்டாத கேசவன் நேசனை
பாணலிங்கத்தை பரமேச்வரனை
சரணம்
நாணம்தனை மறந்து முனிபெண்டிர் பின் தொடர்ந்த
ஆணழகன் சிவனை பிட்சாடனரை
ஊணுயிர் தந்த தேவாதி தேவனை
கோணலிங்கம்தனை கோடீச்வரனை
தேரேறிப் போர் புரிந்த…..
பல்லவி
தேரேறி ப்போர் புரிந்த ஶ்ரீராமனைத் தன்
தோள் மீது சுமந்த அனுமனைத் துதித்தேன்
அனுபல்லவி
பாரெங்கும் புகழ் விளங்கும் பரந்தாமன் கேசவனை
கார்வண்ணமேனியனைக் கமலநாபனை
சரணம்
நாற்கவிகள் கொண்டாடும் கோதண்டபாணியை
ஊர் போற்றும் மாவீரன் புருஷோத்தமனை
சீர் மல்கும் அயோத்திதனையாளும் மாமன்னனை
பாற்கடலில் பள்ளிகொண்ட ஶ்ரீமன் நாராயணனை
ஐராவதேச்வரனை….
பல்லவி
ஐராவதேச்வரனை சிவனைத் துதித்தேன்
தாராசுரம் தலத்துறையும் நமச்சிவாயனை
அனுபல்லவி
ஆராவமுதன் கேசவன் நேசனை
பாரோர் பணிந்தேத்தும் பரமேச்வரனை
சரணம்
கோர அரக்கன் திரிபுரனை வதைத்தவனை
பார்வதி நாதனைக் கயிலாய வாசனை
தாரகாசுரனை அழித்தவனைப் படைத்தவனை
மாரனை எரித்தவனை மகாதேவனை
அம்மா உன்னழகை….
பல்லவி
அம்மா உன்னழகை வர்ணிக்க வார்த்தையில்லை
இம்மாநிலம் போற்றும் திரிபுரசுந்தரியே
அனுபல்லவி
பெம்மான் சிவனினிடமமர்ந்தவளே
நம் பெருமாள் கேசவனின் அன்பு சோதரியே
சரணம்
உம்பர் முனிவர் பணி அகிலாண்டேச்வரி
நம்புபடியார்க்கு இன்பமளிப்பவளே
கும்ப முனிக்கருள் செய்த ஈச்வரியே
வெம்பவக் கடல் கடக்க நீயேயென் துணை
கருணாமூர்த்தியே….
பல்லவி
கருணாமூர்த்தியே அருணாச்சலனே
தருணமிதுவே எனையாட்கொள்ளவே
அனுபல்லவி
திருமால் கேசவன் நேசனே ஈசனே
வருமிடர் காத்திடும் அண்ணாமலையானே
சரணம்
அருணாச்சலத்துறையும் கருணைக்கடலே
பெருநலமுலையாள் உண்ணாமலையுடனுறை
கருணாகரனே சிவபெருமானே
இருகரம் கூப்பி உனையே துதித்தேன்
நகதீதிதி சஞ்சந்ந நமஜ்ஜந தமோகுணா பதத்வய ப்ரபாஜால பராக்ருத ஸரோருஹா
தாமரை மலரினும் அழகிய பாதங்களைக் கொண்ட ஸ்ரீலலிதையின் கால் விரல் நகங்களின் பிரகாசமே நம் அறியாமையின் இருள் அகற்றுகின்ற ஞான ஒளி அருள்பவை. ஸ்ரீலலிதாம்பிகையின் பாதகமலங்களை சரணடைவோம்.
உமையே லலிதாம்பிகையே…..
பல்லவி
உமையே லலிதாம்பிகையே உந்தன்
கமல பதம் பணிந்தேன் அருள் புரிவாயென
அனுபல்லவி
கமலாசனனும் அமரேந்திரனும்
அமரரும் துதித்திடும் கேசவன் சோதரி
சரணம்
கமல மலர்ப் பாதங்களில் அழகுடன்
அமைந்திருக்கும் விரல்களில் விளங்கும்
ரமணீயமான நகங்களின் காந்தியினால்
என் அறியாமையெனும் இருளைப் போக்கும்
சட்டநாதனை…….
பல்லவி
சட்டநாதனை சாம்பசதாசிவனை
மட்டவிழ் மலர் தூவி அனுதினம் துதித்தேன்
அனுபல்லவி
பிட்டுக்கு மண் சுமந்த ஆலவாயழகனை
எட்டெழுத்து நாமம்கொண்ட கேசவன் நேசனை
சரணம்
நட்டம் பயின்றாடும் நமச்சிவாயனை
வட்ட நிலவின் பிறையணிந்த ஈசனை
அட்ட வீரட்டானம் தலங்களிலுறைபவனை
கட்டழகு மேனியனைத் தோணியப்பனை
தோடுடைய செவியன் விடையேறியோர் தூவெண்மதி சூடிக்
காடுடையசுட லைப்பொடிபூசிஎன்1 உள்ளங்கவர் கள்வன்
ஏடுடையமல ரான்முனைநாட்பணிந் தேத்தஅருள் செய்த
பீடுடையபிர மாபுரம்மேவிய பெம்மானிவ னன்றே.
சுந்தரி உந்தன்…….
பல்லவி
சுந்தரி உந்தன் அருளொன்றே போதும்
மந்திரம் மாயம் எதுவும் தேவையில்லை - திரிபுர
துரிதம்
இந்திரன் நரர் சுரர் பிரமன் நாரதர்
நந்தி கணங்கள் கரம் பணிந்தேத்தும்
அனுபல்லவி
சந்திர கலையணிந்த கேசவன் சோதரி
அந்தமுமாதியுமில்லாத ஈச்வரி
சரணம்
விந்தையாய்ப் பல லீலைகள் புரிந்தவளே
அந்தரி நீலியெனப் பலப்பெயருடையவளே
கந்தனைக் கணபதியை ஈன்ற அன்னையே
சிந்தையில் வைத்துன் சீரடி போற்றினேன்
सौन्दर्यलहरी
शरज्ज्योत्स्ना शुद्धां शशियुत जटाजूट मकुटां
वरत्रासत्राण स्फटिक घटिका पुस्तककरां
सकृन्नत्वा नत्वा कथमिव सतां सन्निदधते
मधुक्षीरद्राक्षा मधुरिमधुरीणा: फणितया:
எனக்குமுனக்குமென்ன…..
பல்லவி
எனக்குமுனக்குமென்ன பந்தம் ஶ்ரீராமா
மனமறிய விரும்புதே ஜனகனின் மருகனே
அனுபல்லவி
வனமாலை கௌஸ்துபமணிந்தவனே ஶ்ரீதரனே
அனங்கனைப் பிரமனைப் படைத்த மாதவனே
சரணம்
சனகாதி முனிவர்களும் தேவருமிந்திரனும்
தினம் துதிக்கும் ஶ்ரீமன் நாராயணனே
உனதருளாலன்றோ உலகில் பிறந்துழன்றேன்
தினகர குலத்தோனே கேசவனே உரைத்திடுவாய்
பார்த்தேன்! பரவசித்தேன்!பாடல் புனைந்தேன்!
சித்திரத்தில் கண்டுனை…..
பல்லவி
சித்திரத்தில் கண்டுனை பக்தியுடன் துதித்தேன்
நித்திலத்தொத்தே எனக்கருள்வாய் ஶ்ரீராமா
அனுபல்லவி
சத்திய சீலனே கேசவனே மாதவனே
உத்தமி ஜானகியின் மனங்கவர்ந்த நாயகனே
சரணம்
பத்தரை மாற்றுப் பசும் பொன்னே கன்னலே
தித்திக்கும் இன்னமுதாய்த் திருநாமமுடையவனே
கத்தும் கடல் மீது உறங்கும் நாராயணனே
எத்திசையும் புகழ் விளங்கும் அயோத்தி மன்னவனே
எக்காலத்திலுமுனை நான்…….
பல்லவி
எக்காலத்திலுமுனை நான் மறவேன்
முக்கண்ணியே ஶ்ரீ திரிபுரசுந்தரியே
துரிதம்
முக்கண்ணனிந்திரன் அயனரி அமரர்
சுகசனகாதியர் வணங்கிடுமன்னையே
அனுபல்லவி
சக்கரமும் சங்குமேந்தும் கேசவன் சோதரியே
வக்கிரக்காளியே வாகதீச்வரியே
சரணம்
அக்கிரமம் செய்த அரக்கர்களை அழிப்பவளே
சொக்கநாதனை மணந்த மீனாக்ஷியே
உக்கிரம் நிறைந்த வெக்காளியம்மனே
அக்கறையுடனடியாரைக் காப்பவளே
தக்கனின் வேள்வியையழித்த மலைமகளே
விக்கினங்கள் தீர்க்கும் விநாயகன் தாயே
எக்குறையுமணுகாமலெனைக்காக்குமீச்வரியே
பக்குவமாய்ப் பணிந்தேன் எனக்கருள்புரிவாய்
सिन्दूरारुणविग्रहां त्रिनयनां माणिक्यमौलिस्फुरत्
तारानायकशेखरां स्मितमुखीमापीनवक्षोरुहाम् ।
पाणिभ्यामलिपूर्णरत्नचषकं रक्तोत्पलं विभ्रतीं
सौम्यां रत्नघटस्थरक्तचरणां ध्यायेत्परामम्बिकाम् ॥
புள்ளி மயிலேறிடும்…..
பல்லவி
புள்ளி மயிலேறிடும் வள்ளிமணாளனை
உள்ளன்புடன் துதித்தேனெனக்கருள
வேண்டுமென
அனுபல்லவி
கள்ளழகன் கேசவன் மருகனை முருகனை
புள்ளிருக்கு வேளூர் வளர் முத்துக்குமரனை
சரணம்
துள்ளி வரும் வேலேந்தும் சிங்காரவேலனை
கள்ளவாரணப் பிள்ளையார் தமையனை
அள்ளக்குறையாத கருணை மழை பொழிந்திடும்
வள்ளலை வானோர் பணிந்தேத்துமறுமுகனை
பார்த்தேன்! ரசித்தேன்! பாடல் புனைந்தேன் !
பல்லவி
சோலை நடுவிலே ஊஞ்சலிலாடியே
லீலைகள் புரிந்திடும் கண்ணனைத் துதித்தேன்
அனுபல்லவி
ஆலிலை பாலனவன் கேசவன் மாதவன்
கோலக்குழலூதும் கோவிந்தன் மதுசூதனன்
சரணம்
நூலிடை கோபியர் கொஞ்சும் கோபாலன்
ஏலவார்குழலி யசோதை மைந்தன்
பூலோகம் போற்றும் ஶ்ரீவாசுதேவன்
சாலச்சிறந்த கோகுலந்தனிலே
லாலி லாலி சுப லாலி
லாலி லாலி சுப லாலி…….
