துணை புரிந்திடுவான்….
பல்லவி
துணை புரிந்திடுவான் செல்வ முத்துக்குமரன்
இணையடித் தாமரையைத் துதித்திடுமனைவருக்கும்
அனுபல்லவி
அணங்குகள் வள்ளி தெய்வானை இருவரையும்
மணம் புரிந்த வேலவன் கேசவன் மருகன்
சரணம்
தணலேந்தும் நெற்றிக்கண்ணன் சிவன் மகன்
கணங்களின் அதிபதி கணபதி சோதரன்
கணப்பொழுதுமவன் மலரடி மறவாது
வணங்கிடுமெனது வினைப்பயன் நீங்கிட
No comments:
Post a Comment