பவனி வரும் கணபதி
பல்லவி
பவனி வரும் மகாகணபதியைப் பணிந்தேன்
அவனியோர் கொண்டாடும் ஆனைமுகத்தோனை
அனுபல்லவி
சிவலிங்கத்துடனே வீற்றிருக்கும் ஐங்கரனை
சிவகணங்கள் தலைவனைக் கேசவன் மருகனை
சரணம்
கவனமுடனலங்காரித்த மலர்ப் பல்லக்கில்
உவகையுடனமர்ந்து காட்சி தரும் கரிமுகனை
நவமணி மாலைகள் மலர் மாலை சூடிய
சிவன் மகனைப் புவி போற்றும் விக்ன விநாயகனை
No comments:
Post a Comment