சந்தன கணபதி

சந்தன கணபதி


பல்லவி

வந்தனை புரிந்தேன்  சந்தன கணபதியை

சுந்தர வடிவினனை சுமுகனைக் கரிமுகனை

    அனுபல்லவி

உந்தி கமலன் கேசவன் மருகனை

தந்தி முகத்தோனைக்கருணா மூர்த்தியை

       சரணம்

பந்தபாசத் தளைகளை  களைந்திட

எந்தனுக்குதவிடும் வேழ முகத்தோனை

நந்தியும் கணங்களும்  தேவரும் முனிவரும்

சந்ததம் வணங்கிடும் வாரண முகனை



இந்தின் இளம் பிறை சூடிய ஐங்கரனை

வந்திப்பவர்க்கருள்  தந்திடும்  தேவனை

மந்திரப்பொருளான  ஆனை முகத்தோனை

கந்தசோதரனை  மனமாரத்துதித்து