கணபதி துதி

                        @ Melbourne’s alleyways, beautiful graffiti artwork of Ganesha


                                                       கணபதி துதி

                                     
                                   கணபதி உனையே தினம் பணிந்தேனே

                                   இணையடி நிழலே துணை எனக் கென்றும்

                                 


                                   தணலினை    நெற்றியில் வைத்தவன் மகனே

                                    குணமளிப்பவனே  குறைதவிர்ப்பவனே


                                     அணங்குகள் சித்தியும் புத்தியும் என்றும்

                                      பணிந்திடும் பங்கய பதமுடையவனே

                                       பிணங்கிய வள்ளியை வடிவேலனுக்கு

                                       மண முடித்திடவே உதவிய சுமுகனே


                                      கணங்களும் நந்தியும் தேவரும் முனிவரும்

                                      வணங்கிடும் தேவனே கேசவன் நேசனே
                                     
                                       மணம்தரும் இனிய   மலர் மாலைகளுடன்

                                       மணிமாலை பொன்மாலையணிந்திருப்பவனே



                                       துணையெனத் துதித்திடும் அடியவர்க்கெல்லாம்

                                        பணம் புகழ் பதவி அளித்திடும் வள்ளலே

                                       உணர்வுமுயிரும் அளித்தவன் நீயே

                                        வணங்கிடும் எனையே காத்தருள்வாயே
                                                             
                                       .