தெளிவு

                                           
                                       

                                            தெளிவு

                                            பளிச்சென்றிருக்கிராயென

                                             கிளிக் செய்தேன்

                                             பளிச்சென்று கொடுத்துவிட்டாய்

                                              வெளிச்சொல்லாமல்

                                               இளித்துக்கொண்டு செல்வதன்றி

                                                வேறு வழி  

நாகாபரண கணபதி

   
                     நாகாபரண கணபதி

                    பல்லவி

            ஸ்ரீ கணபதி நீ  துணைபுரிந்தருள்வாய்

                    அனுபல்லவி

            பாகம் பிரியாள்  பார்வதி மைந்தனே

             மேகவண்ணன் கேசவன் மருகனே

                        சரணம்

               ஆகம வேதங்கள் போற்றும் கரிமுகனே

                சோகங்கள் களைந்து சுகமளிப்பவனே

                நாகா பரணனே நல்லருள் புரிபவனே

                 மோகாதியறு பகையணுகாதிருக்கவே

                 

               




















             


            

சித்திர கணபதி

சித்திர கணபதி 

பல்லவி 

சித்திர வடிவினில் எழுந்தருளிக் காட்சிதரும் 

உத்தமி புதல்வனை கணபதியைத்துதித்தேன் 

அனுபல்லவி 

முத்தமிழ் வித்தகர் அவ்வையகத்தியர் 

நித்தமும் போற்றிப் பணிந்திடும் கரிமுகனை 

சரணம் 

நற்றவ முனிவரும் கற்ற றிந்தவரும் 

சித்தத்தில் வைத்து இணை யடி போற்றும் 

பித்தன் சிவன் மகனை  கேசவன் மருகனை 

தத்துவ நிலையைத் தந்தெனை ஆண்டவனை 

கப்பிய கரிமுகன்

கப்பிய கரிமுகன் 

பல்லவி 

முப்புரமெரிசெய்த முக்கண்ணன் மகனை 

கப்பிய கரிமுகனை மனமாரத்துதித்தேன் 

அனுபல்லவி 

துப்புரவுடனே அகம் புறம் துலக்கி 

அப்பமோடவல்பொரி கனிகளும் படைத்து 

சரணம் 

முப்பொழுதும் தவம் செய்திடும் முனிவரும் 

சுப்பிரமணியனும் தேவரும் கணங்களும் 

இப்பிரபஞ்ச மக்களும் வணங்கிடும் 

ஒப்பிலாமணியைக் கேசவன் மருகனை

பவளக் குன்று கணபதி

பவளக் குன்று  கணபதி 

பல்லவி 

பவளக்குன்றில் குடிகொண்டிருக்கும் 

மகாகணபதியை மனமாரத்துதிதேன் 

அனுபல்லவி 

கவலை பிணியிடர் களைந்திடும் கரிமுகனை 

நவநீதக்கண்ணன் கேசவன் மருகனை 

சரணம் 

சிவகணங்களும் நந்தியும் தேவரும் 

தவயோகியரும் பிரமனும் பணிந்தேத்தும் 

சிவபெருமான் மகனை ஆனைமுகத்தோனை

புவனம் போற்றும்  மங்கள மூர்த்தியை 

துதிக்கையன்

                            துதிக்கையன்

                                   பல்லவி

                      துதிப்பவர்க்கருளும் துதிக்கையனை

                       கதியெனப் பணிந்து  மனமாரத்துதித்தேன்

                                             அனுபல்லவி

                       எதிர்வரும் தடைகளை வினைகளை யகற்றும்

                       கதிர் வேலன் சோதரனை கேசவன் மருகனை

                                                 சரணம்

                         கதிரவனை விடவும் ஒளிமிகுந்தவனை 

                         மதியணிந்தவனை மதவாரணமுகனை

                         எதுவும் தொடங்கும் முன் அனைவரும் வணங்கிடும்

                         முதன்மைக் கடவுளை மகாகணபதியை
     
                       
                       
                       

பரமேச்வரி மகன்

       
    பரமேச்வரி  மகன் 
 
          பல்லவி

பார் புகழ் கரிமுகனை பரமேச்வரி மகனை

நேர் நின்று கரம் கூப்பி மனமாரத்துதித்தேன்


    அனுபல்லவி

கார்வண்ண மேனியன் கேசவன் மருகனை

 கார்த்திகேயன் சோதரனை கணபதியை

     சரணம்

  நாற்கவிகள்  போற்றும் நாத வடிவினனை

  பூரணம் பொதிந்த மோதகப் பிரியனை

  காரமர் மேனியனைக் கருணாமூர்த்தியை

  ஆர்வமுடனெனையே ஆண்டருளவேண்டுமென

நிழலும் நிஜமும்

                                            நிழலும் நிஜமும்

                                 மலரெனச்சிரிக்கும் மழலையின் சிரிப்பில்

                                 பலநிறம் கண்டு மனம் களிப்படைந்தேன்

                                  புலரும் விடியலின் ஒளியினைக்கண்டேன்

                                  அலைகளின் ஓசையும் அழகும் கண்டேன்

                                   கள்ளமற்ற உள்ளம் கண்டேன்

                                    கலைகளையளித்திடும் நாமகள் கண்டேன்

                                     முத்துக்கள் வரிசையும் மல்லிகைச்சரமும்

                                       புத்தொளியுடனே  மின்னுதல் கண்டேன்

                                        மலைமகள் அலைமகள் வடிவம் கண்டேன்

                                         புள்ளி மயிலின் கோலம் கண்டேன்

                                         துள்ளித்திரியும் மானைக்கண்டேன்

                                          மெள்ள மடிவைத்துக் கொஞ்சத்துடித்தேன்

                                          அள்ளி அணைத்திட ஆவல் கொண்டேன்
                             
                                          கண்டது நிழற்படம் என்பதுணர்ந்து

                                          மெல்லத் தெளிந்து பாடல் புனைந்தேன்
                                           
           
                                         

                                       

                                       


                     

                           

அஞ்சுகரத்தான்

       

அஞ்சுகரத்தான் 

பல்லவி 

அஞ்சுகரத்தானை தஞ்சமடைந்தேன் .

அஞ்சானெனஞ்சனை  தந்திமுகத்தோனை 

அனுபல்லவி 

வெஞ்சமரில் ஆனை முகத்தரக்கனை 

துஞ்சிடச்செய்த குஞ்சரமுகனை 

சரணம் 

பஞ்சபாணப்பயிரவி உமையும் 

நஞ்சுண்ட கண்டனும் கொஞ்சிடும் மகனை

கஞ்சனைக்காய்ந்த கேசவன் மருகனை

நெஞ்சாரத் துதித்து பதமலர் பணிந்து  

                                   .

                      

வலம்புரி விநாயகன்

வலம்புரி விநாயகன் 

பல்லவி 

வலம்புரி கணபதியை மனமாரத்துதித்தேன் 

அரச மரத்தடியே அமர்ந்து காட்சி தரும் 

அனுபல்லவி 

நிலம் நீர் நெருப்பு காற்று வெளி என்று 

ஐந்துமாய் நிற்கும் கேசவன் மருகனை 

சரணம் 

புலன்களையடக்கும் உபாயம் பெறவும் 

மலம் ஒரு மூன்றின் மயக்கம் அறுக்கவும் 

உலகில் இனியும் பிறவாதிருக்கவும் 

தலம் வந்து வலம் வந்து தாளினைப் பணிந்து 

தும்பிமுகப்பெருமான்

தும்பிமுகப்பெருமான் 

பல்லவி 

கடைக்கண் பார்த்தெனைக்காத்தருள்வாய் 

அடைக்கலம் நீயே ஆனைமுகத்தோனே

அனுபல்லவி 

தடைகளை நீக்கும் விக்ன விநாயகனே 

இடை குலத்துதித்த  கேசவன் மருகனே 

சரணம் 

நடையழகுடைய வேழமுகத்தோனே 

இடையினில் அரவணிந்த பொன்மலர்ப்பாதனே 

விடைவாகனன் மகனே தும்பிமுகப்பெருமானே 

குடையின் கீழமர்ந்திருக்கும் குணநிதியே கரிமுகனே 

  

பாவமன்னிப்பு

பாவமன்னிப்பு 

மழைக்குக்கூட 

பள்ளியில்  ஒதுங்காத 

மழலைச்செல்வங்கள் 

பிழைக்க வழியிதுவென 

உழைக்கக்கிளம்பிவிட்ட 

வறுமைக்கோட்டின் 

அடையாளங்கள் 

எழுதத் தெரிந்த எனக்கு 

வழிகாட்ட தெரியவில்லை 

வெட்கித்தலைகுனிகிறேன்

பரமபிதாவே  

மன்னியுங்கள் 

மூலாதாரமூர்த்தி

மூலாதாரமூர்த்தி 

பல்லவி 

மூலாதார மூர்த்தியை கணபதியை 

காலாந்தகன் மகனை மனமாரத்துதிதேன் 

அனுபல்லவி 

வேலாயுதனும் கணங்களும் நந்தியும் 

நீலவண்ணன் கேசவனுமமரரும் போற்றும் 

சரணம் 

நூலணிந்த திருமார்பும் பொன்னரை ஞாணும் 

காலிரண்டில் சிலம்பும் பூந்துகிலு மணிந்து 

லீலைகள் பலபுரிந்த பால விநாயகனை 

பூலோகம் புகழ்ந்தேத்தும்  வேழமுகத்தோனை 

பார்வதி மைந்தன்

பார்வதி மைந்தன் 

பல்லவி 

 மாதா பார்வதியின் மைந்தனை கணபதியை 

நீதான் கதியென மனமாரத்துதித்தேன் 

துரிதம் 

இடர் பிணி  கவலை பவபயன் வினைகள் 

அனைத்தையும் களை ந்திடும் ஐந்து கரத்தனை 

அனுபல்லவி 

பாதாரவிந்தம் பணிந்திடும் பக்தருக்கு 

ஆதரவளித்திடும் ஆனை முகத்தோனை 

சரணம் 

மோதகமும் அங்குச பாசமுமேந்திடும் 

வேதங்கள் போற்றும் கேசவன் மருகனை  

பூதகணங்களும் நந்தியும் அமரரும் 

பூதலத்தோரும் பணிந்தேத்தும் கரிமுகனை 

.

சித்தி விநாயகன்

.

                                                           சித்தி விநாயகன்

                                                             பல்லவி
                       
                             .கணபதியை  துணையென மனமாரத்துதித்தேன்

                               அணங்குகள் சித்தியும் புத்தியும் உடனிருக்கும்

                             .                               அனுபல்லவி

                              அணையிட முடியாத கருணைவெள்ளமளித்திடும்

                               கண நாயகனைக்     கேசவன் மருகனை

                                                                   சரணம்

                               இணையென  ஒருவரும்  இல்லாத தேவனை

                                கணங்களின் அதிபதியை காரமர் மேனியனை

                                 தணலேந்தும் முக்கண்ணன் சிவபெருமான்  மகனை

                                  அணைத்தெனை யாண்டருள வேண்டுமெனத்துதித்து

                               


                                .



                               .
                               
        .



                                      .




                               

சுமை

                                   

                           
                                                                   

                                       

                                        சுமை      

                                     சென்றபின்  உன்னை

                                      நினைத்து வாடும்

                                      மனத்திற்கு

                                       உன் நினைவுகளே சுமை

வரகூர் வெங்கடேசப்பெருமாள்

வரகூர் வெங்கடேசப்பெருமாள் 

பல்லவி 

வரகூர் தலத்துறையும் ஸ்ரீ வெங்கடேசனை 

சிரம் தாழ்த்தி கரம் கூப்பி மனமாரத்துதித்தேன் 

துரிதம் 

அரனயன் நரர்சுரர்  நாரதர் சுரபதி 

சுகசனகாதியர் கரம் பணிந்தேத்தும் 

அனுபல்லவி 

தரங்கிணி படைத்த நா ராயண தீர்த்தரும் 

தாளம் கொட்டிய மாருதியும் வணங்கிடும் 

சரணம் 

வரம்தரும்  கரமுமபயகரமும் காட்டும் 

பரமனை பங்கய நாபனை மாலனை 

திருமகள் நிலமகள் உடனிருந்து காட்சி தரும் 

திருமாலை க்கேசவனை  ஸ்ரீமன் நாராயணனை 

.

சந்தன கணபதி

சந்தன கணபதி


பல்லவி

வந்தனை புரிந்தேன்  சந்தன கணபதியை

சுந்தர வடிவினனை சுமுகனைக் கரிமுகனை

    அனுபல்லவி

உந்தி கமலன் கேசவன் மருகனை

தந்தி முகத்தோனைக்கருணா மூர்த்தியை

       சரணம்

பந்தபாசத் தளைகளை  களைந்திட

எந்தனுக்குதவிடும் வேழ முகத்தோனை

நந்தியும் கணங்களும்  தேவரும் முனிவரும்

சந்ததம் வணங்கிடும் வாரண முகனை



இந்தின் இளம் பிறை சூடிய ஐங்கரனை

வந்திப்பவர்க்கருள்  தந்திடும்  தேவனை

மந்திரப்பொருளான  ஆனை முகத்தோனை

கந்தசோதரனை  மனமாரத்துதித்து

சரணம் கணபதி

                                                   

                                                சரணம்  கணபதி


                                 வரங்கள் தந்திடும்  ஸ்ரீ கணேசனை

                                 கரம்பணிந்து நாம்  தினமும் போற்றுவோம்


                                  சரணம் கணபதி    பாதம்  சரணம் கணபதி

                                  சரணம் கணபதி    பாதம்  சரணம் கணபதி

                       
                                   பிரணவ மூர்த்தியே நாத சோதியே

                                   புரமெரித்தவன் கொஞ்சும் பிள்ளையே

                                  அறத்தையோதிடும்  முனிவர் நேயனே

                                   பிறப்பிறப்பினை  அறுக்கும் தேவனே


                                  சரணம் கணபதி    பாதம்  சரணம் கணபதி

                                   சரணம் கணபதி    பாதம்  சரணம் கணபதி


                                        கரமலர்களில் கயிறு மீட்டியும்

                                         வரமுமேந்திடும் ஸ்ரீ கணாதிபா
 
                                          வினைகள் தீர்த்திடும் வீர வேழமே

                                           இடர்களைந்திடும்  சக்தி மைந்தனே


                                           சரணம் கணபதி    பாதம்  சரணம் கணபதி

                                           சரணம் கணபதி    பாதம்  சரணம் கணபதி


                                            ஒற்றை க்கொம்பனே பேழை வயிறனே

                                             பற்றறுத்திடும் எளிய கடவுளே

                                             பற்றுமடியவர்  கற்றறிந்தவர்

                                             நற்றவத்தினர்  ஏத்தும் தெய்வமே


                                               சரணம் கணபதி    பாதம்  சரணம் கணபதி

                                                 சரணம் கணபதி    பாதம்  சரணம் கணபதி

                                               மோதகப்ரியன்  ஐந்து கரத்தினன்

                                                வேதநாயகன்   ஆனை முகத்தினன்

                                                ஆதிகேசவன் போற்றும் மருமகன்

                                                  கீத வாத்தியம் விரும்பும் கரிமுகன்


                                              சரணம் கணபதி    பாதம்  சரணம் கணபதி

                                               சரணம் கணபதி    பாதம்  சரணம் கணபதி

                                               
                                              அரசமரத்தின் கீழ் வீற்றிருப்பவன்

                                               கருணை நிறைந்தவன்  முருகசோதரன்

                                              அருகம் பில்லையும் எருக்கம் மாலையும்

                                              விரும்பி ஏற்றிடும் விக்ன நாயகன்

                                             
                                              சரணம் கணபதி    பாதம்  சரணம் கணபதி

                                              சரணம் கணபதி    பாதம்  சரணம் கணபதி

                                                   











                                     
                                     

                                   

தூம கேது கணபதி

தூம கேது கணபதி 

தூம கேது கணபதியைப் பணிந்தேன் 

தோஷங்கள் நீங்கவும் நன்மைகள் ஓங்கவும் 

துரிதம் 

காமனும் கணங்களும் நரர்சுரர் நந்தியும் 

அமரேந்திரனும்  பிரமனும் துதித்திடும் 

அனுபல்லவி 

தாமரை நாபன் கேசவன் மருகனை 

மாமறைகள் போற்றும் வேழமுகத்தோனை 

சரணம் 

தாமமெருக்கணிந்த வாரண முகனை 

ஓமெனும் பொருளை விக்னவினாயகனை 

மாமயிலேறிடும் சரவணன் தமையனை 

நாமம் பல பாடிமனமாரத்துதித்து 

துரிதம் 

பாமரர் பண்டிதர் கன்னியரெழுவர் 

நாமகள் பூமகள் மலைமகள் கோள்கள் 

பூமண்டலத்துறை அனைவரும் வணங்கிடும்

 தாமரைப் பாதனை ஆனைமுகத்தனை 

.

ஏதமிலாத வேழமுகத்தோன்

                 .

ஏதமிலாத வேழமுகத்தோன் 

பல்லவி 

ஆதியுமந்தமுமானவனைக் கரிமுகனை

சோதியைச்சுடரை மனமாரத்துதித்தேன்

அனுபல்லவி 

வேதியரோதிடும் வேதப்பொருளை 

பாதிஉமைக்களித்த  பரமசிவன் மகனை 

சரணம் 

சாதித்த புண்ணியரும் தேவரும் கணங்களும் 

ஆதித்தியனுமம்புலியும் பிரமனும் 

மேதினியோரனைவரும் கேசவனும் வணங்கிடும் 

ஏதமிலாத வேழமுகத்தோனை 

மூளையெனப்படுவது யாதெனில்

                        மூளையெனப்படுவது  யாதெனில் 

                     
                       

   மூளையெனப்படுவது  யாதெனில் 

                          கடவுளின் ரகசியங்கள்

                         அடங்கிய கருவூலத்தினுள் நுழையும்

                         கடவுச்சொல்லை தன்னுள் வைத்திருக்கும்

                         கடவுளால்  படைக்கப்பட்ட

                         கருவி


                           உறவும் பகையும்

                            நிறமும் குணமும்

                            கருப்பும் வெள்ளையும்

                            இருப்பதும் இல்லாததும்

                              உணவும் உடலும்

                               அதனின் தொடர்பும்

                                பிரபஞ்சமும் நானும்

                                 உள்ளும் வெளியும்
                                 
                                   அனைத்தும் அறிய

                                    படைத்தவன் படைத்த

                                     கருவி

                                     சத்தும் சித்தும்

                                      ஆனந்தமும்

                                       சித்திக்க உதவிடும்

                                        மெய்ப்பொருளின் திறவுகோல்

                                     
                           
 
                         

                             

                          

கற்பகக்களிறு

                                                            கற்பகக்களிறு

                                                                   பல்லவி

                                கற்பக களிறை தற்பரன் மகனை

                                பொற்பதம் பணிந்து மனமாரத்துதித்தேன்

                                                                 அனுபல்லவி

                                  சிற்பரயோகியர் ஞானியர் .முனிவர்கள்

                                  பற்பலரும் போற்றும் ஆனைமுகத்தோனை


                                                                     சரணம்

                                   சற்குருவாய்த்தாயாய் தந்தையுமாயானவனை

                                   அற்புதம் நிறைந்த வேழமுகத்தானை

                                    நிற்கதியாய் நிற்கும் ஏழையேன் எந்தனுக்கு

                                    நற்கதியளித்திட  வேண்டுமெனக்கோரி