பாட வேண்டுமுனைப் போற்றி……
பல்லவி
பாட வேண்டுமுனைப் போற்றி ஶ்ரீராமா
கூட இருந்து நீயும் அதைக்கேட்க வேண்டும்
அனுபல்லவி
சேடன் மீதுறங்கும் திருமாலே கேசவா
கூடலழகனே கோவிந்தா மதுசூதனா
சரணம்
வேடன் குகனை சோதரனாயேற்றவனே
காடுதனில் திரிந்த கமலக்கண்ணனே
தேடி வந்தனுமனைத் தோழனாய்க் கொண்டவனே
ஈடிணையில்லாத பரிபூரணனே
சூடாமணி கண்டு மனம் மகிழ்ந்த மன்னவனே
வேடுவச்சி சபரிக்கு மோட்சம் தந்தவனே
கேடு செய்த அரக்கர்களை மாய்த்த ராகவனே
சோடு தந்து பரதனுக்கு ஆறுதல் சொன்னவனே
ஊடல் புரிந்திடும் ஜனகி நாயகனே
ஆடவல்லான் போற்றிய திருநாமமமுடையவனே
கோடானுகோடி தேவர்களும் முனிவர்களும்
நாடித் துதித்திடும் திருவடியுடையவனே
No comments:
Post a Comment