பாதிமதியணிந்த……
பல்லவி
பாதிமதியணிந்த சிவபெருமானை
ஆதிரை நந்நாளில் போற்றித் துதித்தேன்
துரிதம்
பூதகணங்கள் நந்தி நான்முகன்
வேதியர் முனிவரிந்திரன் நரர் சுரர்
ஆதித்தியனுடன் சந்திரன் கோள்கள்
ஓதித் துதித்திடும் நமச்சிவாயனை
அனுபல்லவி
பாதி உமைக்கீந்த பரமேச்வரனை
மேதினியை உண்டுமிழ்ந்த கேசவன் நேசனை
சரணம்
தீதிலா ஈசனை மாசிலாமணியை
சோதி வடிவானவனை தில்லை நடராஜனை
சாதித்த புண்ணியர் தினம் துதிக்கும் சிவனை
வீதி விடங்கனை வன்மீகநாதனை
No comments:
Post a Comment