உள்ளத்தைக் கொள்ளை கொள்ளும்…..
பல்லவி
உள்ளத்தைக் கொள்ளை கொள்ளும் கண்ணனே கேசவனே
கள்ளப் பர்வைதனில் என்ன சொல்ல விழைகிறாய்
அனுபல்லவி
பிள்ளைக் கனியமுதே கண்ணா பேசும் பொற்சித்திரமே
மெள்ள உனைத்தழுவ எந்தன் உள்ளம் துடிக்குதடா
சரணம்
அள்ளக்குறையாத அருள் மழை பொழிபவனே
வெள்ளமெனக் கருணை தரும் வேய்ங்குழல் வேந்தனன்றோ
துள்ளி வருமாவினங்கள் மேய்க்கும் ஆமருவியப்பனன்றோ
பள்ளிகொண்டு பாற்கடலில் துயிலும் நாரணனும் நீயேயன்றோ
சொந்த வடிவமென்றொன்று…..
பல்லவி
சொந்த வடிவமென்றொன்று இல்லாதவனே
எந்த வடிவில் வந்தாலும் துணை நீயே
அனுபல்லவி
உந்தி கமலனே பாண்டுரங்கனே
அந்த ரங்கனும் நீதானே எனையாண்டவனே
சரணம்
பந்தபாசத் தளைகளைக் களைபவனே
மந்தகாசப் புன்னகை புரிபவனே
இந்தளூர் தலத்துறை பரிமளரங்கனே
சிந்தையில் வைத்துன் சீரடி போற்றினேன்
தந்தை சொல் காக்க கானகம் சென்ற
சுந்தர ராமனுமரங்கனும் நீயே
விந்தையாய் லீலைகள் பல புரிந்தவனே
அந்தரங்கமான என் சென்ன கேசவனே
அன்னபூரணி…..
பல்லவி
அன்னபூரணி உன்னைத் துதித்தேன்
சென்னகேசவன் சோதரி எனை நீ ஆதரி
அனுபல்லவி
உன்னருள் இல்லையேல் உலகம் உய்யுமோ
பன்னகாபரணன் விச்வேச்வரன் நாயகி
சரணம்
மின்னலைப் பழிக்குமிடையுடையவளே
புன்னகை தவழும் திருமுகத்தாளே
பொன்னெழில் மேனியில் காட்சி தருபவளே
இன்னலிடர் களையும் திரிபுரசுந்தரியே
பலவித மலர்களை…..
பல்லவி
பலவித மலர்களை விரும்பி ஏற்றிடும் ஶ்ரீ
லலிதாம்பிகையை வணங்கித் துதித்தேன்
துரிதம்
மலர்கள் முல்லை மல்லி தாமரை
துளபம் ஜாதி தாழம் அல்லியென
அனுபல்லவி
நிலவணிந்த உமையாள் கேசவன் சோதரியை
அலகிலா விளையாடல் பல புரிந்த ஈச்வரியை
சரணம்
புலவர்கள் முனிவர்கள் அறவோரந்தணர்
பலரும் துதித்திடும் ராஜ ராஜேச்வரியை
மலர் பல நிறைந்த கடம்ப வனந்தனில்
நிலைத்திருப்பவளின் நாமங்களோதி
பாட வேண்டுமுனைப் போற்றி……
பல்லவி
பாட வேண்டுமுனைப் போற்றி ஶ்ரீராமா
கூட இருந்து நீயும் அதைக்கேட்க வேண்டும்
அனுபல்லவி
சேடன் மீதுறங்கும் திருமாலே கேசவா
கூடலழகனே கோவிந்தா மதுசூதனா
சரணம்
வேடன் குகனை சோதரனாயேற்றவனே
காடுதனில் திரிந்த கமலக்கண்ணனே
தேடி வந்தனுமனைத் தோழனாய்க் கொண்டவனே
ஈடிணையில்லாத பரிபூரணனே
சூடாமணி கண்டு மனம் மகிழ்ந்த மன்னவனே
வேடுவச்சி சபரிக்கு மோட்சம் தந்தவனே
கேடு செய்த அரக்கர்களை மாய்த்த ராகவனே
சோடு தந்து பரதனுக்கு ஆறுதல் சொன்னவனே
ஊடல் புரிந்திடும் ஜனகி நாயகனே
ஆடவல்லான் போற்றிய திருநாமமமுடையவனே
கோடானுகோடி தேவர்களும் முனிவர்களும்
நாடித் துதித்திடும் திருவடியுடையவனே
*நடேஶ்வரீ* நட - ஈஶ்வரீ- நடேசருடைய மனைவி.
சித்தென்னும் பரவெளியில் நர்த்தனம் புரியும் ஈஶ்வரீ. சிதம்பரத்தில் நடராஜப் பெருமானுடன் கூட ஆடும் சிவகாம சுந்தரி. சிதம்பரம் என்றால் அந்தப் பெயர் கொண்ட க்ஷேத்ரம் என்னும் பொருளோடு கூட ஹ்ருதயாகாஸம் என்ற பொருளும் உண்டு. அப்படி இருவரும் ஆடும் நடனத்தை ஆச்சார்யர் ஆதி சங்கரர் சௌந்தர்யலஹரியின் 41 வது ஸ்லோகத்தில் இவ்வாறு உரைக்கிறார் :
*தவாதாரே மூலே ஸஹ ஸமயயா லாஸ்ய-பரயா
நவாத்மாநம் மன்யே நவரஸ-மஹாதாண்டவ-நடம்*
தாயே உன்னுடைய மூலாதாரமென்னும் சக்கரத்தில் நர்த்தனம் புரிபவளான ஸமயா தேவியோடு சிருங்காரம் முதலிய நவரசங்கள் பொருந்திய தாண்டவமென்னும் நடனம் புரிகின்ற மஹாபைரவமென்னும் உன் ரூபத்தை தியானம் செய்கிறேன்.
நடேசனாருடன் நடனம் புரியும் ஈஸ்வரியை வணங்குவோம். *ௐ நடேஶ்வர்யை
நடனமிடும் ஈச்வரியே…..
பல்லவி
நடனமிடும் ஈச்வரியே நடேச்வரியே
நடராஜன் துணைவியுனை நமஸ்கரித்துத் துதித்தேன்
அனுபல்லவி
பட அரவின் மீதுறங்கும் கேசவன் சோதரியே
விடமுண்ட கண்டன் சிவனிடம் கொண்டவளே
சரணம்
புடமிட்ட பொன்னே மாமணியே தாயே
நடராஜனுடனாடும் சிவகாமசுந்தரியேயுன்
நவரசங்கள் கூடிய சிருங்கார தாண்டவத்தை
உவகையுடன் கண்டு உனதடி பணிந்து
பாதிமதியணிந்த……
பல்லவி
பாதிமதியணிந்த சிவபெருமானை
ஆதிரை நந்நாளில் போற்றித் துதித்தேன்
துரிதம்
பூதகணங்கள் நந்தி நான்முகன்
வேதியர் முனிவரிந்திரன் நரர் சுரர்
ஆதித்தியனுடன் சந்திரன் கோள்கள்
ஓதித் துதித்திடும் நமச்சிவாயனை
அனுபல்லவி
பாதி உமைக்கீந்த பரமேச்வரனை
மேதினியை உண்டுமிழ்ந்த கேசவன் நேசனை
சரணம்
தீதிலா ஈசனை மாசிலாமணியை
சோதி வடிவானவனை தில்லை நடராஜனை
சாதித்த புண்ணியர் தினம் துதிக்கும் சிவனை
வீதி விடங்கனை வன்மீகநாதனை
சிவபெருமானை……
பல்லவி
சிவபெருமானை முக்தீச்வரனை
பவபயம் நீங்கிட வேண்டிப் பணிந்தேன்
அனுபல்லவி
நவநீதக்கண்ணன் கேசவன் நேசனை
குவலயம் கொண்டாடும் கபாலீசனை
சரணம்
எவருமறியாத மெய்ஞானப் பொருளை
புவனம் போற்றும் காமேச்வரனை
சிவகாகாமசுந்தரியின் மனங்கவரீச்வரனை
அவனருள் பெறவே அவனை வணங்கி
சந்திரமௌலீச்வரனை சிவனை….
பல்லவி
சந்திரமௌலீச்வரனை சிவனை
வந்தனை புரிந்தேன் பிக்கானேர் தலத்தில்
துரிதம்
இந்திரன் நரர் சுரர் நந்தி கணங்கள்
கந்தன் கணபதி அனுமன் வணங்கிடும்
அனுபல்லவி
இந்தினிளம்பிறையணிந்த ஈசனை
உந்தி கமலன் கேசவன் நேசனை
சரணம்
மந்திரமூர்த்தியை மகாதேவனை
ஐந்தெழுத்தானை ஆலவாயழகனை
நந்தி வாகனனை நமச்சிவாயனை
அந்தமுமாதியுமில்லாத பரம்பொருளை
न पुण्यं न पापं न सौख्यं न दु:खं न मन्त्रो न तीर्थं न वेदो न यज्ञः |
अहं भोजनं नैव भोज्यं न भोक्ता चिदानन्द रूप: शिवोऽहं शिवोऽहम् ||
அவ்வைப் பாட்டி நிறைய சொல்லி வச்சிருக்காக அழகுத் தமிழில்...#மூதுரையில்
சில பேருக்கு பொறுமையே கிடையாது. காலில் வெந்நீரைக் கொட்டிக்கொண்டது போல காரியம் பண்ணுவார்கள்.இந்த "இன்ஸ்டன்ட்" யுகத்தில் கூட எல்லாமும் உடனே கிடைத்து விடுவதில்லை.. வெற்றியோ தோல்வியோ ..நன்மையோ தீமையோ...எல்லா வற்றுக்கும் ஒரு காலம் உண்டு. அது கனிந்து வர வேண்டும்..எனவே அவ்வைப்பாட்டி சொல்கிறார்:
"அடுத்து முயன்றாலும்
ஆகும் நாளன்றி
எடுத்த கருமங்கள் ஆகா...
கொடுத்த உருவத்தால்
நீண்ட உயர் மரங்கள் எல்லாம்
பருவத்தால் அன்றிப் பழா....
பூமிக்கும் வானுக்குமிடையே கொடுத்திருப்பது போல தோற்றத்துடன் நீண்டு வளர்ந்து நிற்கும் உயர்ந்த மரங்கள் எல்லாம் அந்தந்தப் பருவ காலத்தில் அல்லாமல் மற்றக் காலங்களில் பழங்களைக் கொடுப்பதில்லை. அவற்றைப் போலவே அடுத்தடுத்து முயற்சி செய்தாலும் கைகூடும் நாள் என்று விதிக்கப்பட்ட காலத்தில் அல்லாமல் மேற்கொண்ட காரியங்கள் கைகூடா.செயல்கள் உடனே கைகூட வேண்டும் என்று அவசரப்படாமல் அதற்குரிய காலம்வரை பொறுமையுடன் காத்திருத்தல் இன்றியமையாதது...
நடுக்கடலில் படுத்துறங்கும்…..
பல்லவி
நடுக்கடலில் படுத்துறங்கும் நாராயணனே நீ
கொடுத்த காலத்தில் மட்டுமே நிறைவேறும்
அனுபல்லவி
எடுத்த ஜனனம் போதுமெனக் கேசவனே
தடுத்தாட்கொள்ளவும் தயவளிக்கவும்
சரணம்
பருவத்தாலன்றி மரங்கள் பழுக்காது
கருவிலுருவாகும் பிள்ளையும் கூட
காலத்தே தானுலகில் பிறக்கும் அதுபோல
அடுத்து முயன்றாலுமெடுத்த கருமங்கள்
புதுவீடு புகப்போகும்…..
பல்லவி
புது வீடு புகப்போகும் மாரியம்மா உனக்கு
மெதுவாக நல்வரவு சொல்ல விழைந்தேன்
அனுபல்லவி
மதுகைடபரை மாய்த்த கேசவன் சோதரியே
அதிசயங்கள் பல செய்த ஈச்வரியே தாயே
பல்லவி
இதமுடன் சமயபுரம் தனிலிருக்கும் மாரியும்
மதுரகாளியென சிறுவாச்சூர் பதிதனிலும்
கதிரொளியின் கீழமர்ந்த வெக்களியும் நீயே
துதிப்பவர்க்கருளும் கருமாரியும் நீயே
தயாள ராமனை……
பல்லவி
தயாள ராமனை தசரதகுமாரனை
அயராத பக்தியுடன் அனுதினம் துதித்தேன்
அனுபல்லவி
தயாபரனைக் கேசவனை மாதவனை
துயரிடர் பவபயமனைத்தையும் களைபவனை
சரணம்
புயபல பராக்கிரமமுடைய ராகவனை
சுயநலமில்லாத கோசல ராமனை
வியப்புடனனைவரும் வணங்கிடும் வீரனை
தயவளித்தெனையே ஆண்டருள வேண்டுமென
திருமோகூராப்தனை…..
பல்லவி
திருமோகூராப்தனைக் கேசவனைத் துதித்தேன்
திருமகள் மோகனவல்லி உடனுறை
அனுபல்லவி
திருப்பாற்கடல் துயிலும் திருநாராயணனை
வருமிடர் பவப்பிணி துயரனைத்தும் தீர்ப்பவனை
சரணம்
அரக்கரைப் பொருத த்துடிக்கும் திண்தோளும்
நிறம் பவளமெனத் திகழதரமும் கமலக்கண்களும்
சிறந்த தடாகம் போல் குளிர்ந்த திருவடிகளும்
பரந்து விரிந்த திருமார்புமுடைய
மணித் தடத்தடி மலர்க்கண்கள்* பவளச் செவ்வாய்*
அணிக்கொள் நால்தடம்தோள்* தெய்வம் அசுரரை என்றும்*
துணிக்கும் வல்அரட்டன்* உறைபொழில் திருமோகூர்*
நணித்து நம்முடை நல்லரண்* நாம் அடைந்தனமே.
Blest are we with Tirumōkūr, near at hand,
Our sure haven, with many a lovely garden around,
Where dwells our mighty Lord, Who the Rākṣasa hordes
Would ever annihilate, the Supreme One with comely shoulders four,
With coral lips and lotus eyes, Whose lovely pair
Of feet are like unto a tank, cool and clear.
நமக்கு அரணான திருமோகூரை நாம் கிட்டப் பெற்றோமென்று தம்முடைய லாபத்தைப் பேசி மகிழ்கிறார். தெளிந்த தடாகம் போலே குளிர்ந்த திருவடிகளையும் அப்போதலர்ந்த செந்தாமரை போலேயிருக்கிற திருக்கண்களையும் பவளம் போலே சிவந்த திருவதரத்தையுமுடையனாய் ஆபரணங்களுக்கு அழகு கொடுக்கவல்ல நான்கு திருத்தோள்களை உடையனாய் அத் திருத்தோள்களுக்கு இரை போரும்படியாக எதிரிட்டு வருகிற அசுரர்களைத் துணிக்குமவனான எம்பெருமான் நித்யவாஸம் செய்தருளுமிடமாய் சோலைகள் சூழ்ந்ததான திருமோகூரிப்பதியானது கட்டிற்று; இதுவே நமக்கு ரக்ஷகம்; ரக்ஷகம் தேடி நிற்கிற நாம் கிட்டப் பெற்றோம் இத்திருப்பதியை என்றாயிற்று
கழலடி நிழலொன்றே……
பல்லவி
கழலடி நிழலொன்றே போதும் கண்ணனே
அழகனே கேசவனே உனைத்துதிக்குமெனக்குன்
அனுபல்லவி
அழலேந்தும் நெற்றிக் கண்ணன் நேசனே
குழலாதும் மாதவனே பாலகோபாலனே
சரணம்
தழுவிடும் கோபியர்கள் மனங்கவர்ந்தவனே
தொழுதிடுமடியார்க்கு நலமளிகும் முகுந்தனே
சுழல் சக்கரமேந்தும் ஶ்ரீமன் நாராயணனே
பழவினைப் பயன் தொலைய நீயேயென் துணை
வடமதுரை…..
பல்லவி
வடமதுரை வாழ் கோவர்த்த நேசனை
புடமிட்ட பொன்னைக் கேசவனைத்துதித்தேன்
அனுபல்லவி
விட அரவின் மீதுறங்கும் ஶ்ரீமன் நாராயணனை
குடமாடும் கூத்தனை பாலகோபாலனை
சரணம்
படமெடுத்த காளிங்கன் தலை மீது நடம் புரிந்த
பாலகோபலனை நீலவண்ணனை
இடை குலத்துதித்த கண்ணனை மாயனை
அடம் பிடிக்கும் மனக்குரங்கையடக்கிட வேண்டுமென
அருள்மிகு ஸ்ரீரங்கம் அரங்கநாத சுவாமி திருக்கோயில்
நம்பெருமாள்
பகல் பத்து
திருமொழித்திருநாள்
முதல் திருநாள்
பாண்டியன் கொண்டை , லட்சுமிபதக்கம் ,வைர அபயஹஸ்தம் , பவள மாலை , சூரிய பதக்கம் , முத்துமாலை , காதுகாப்பு உள்ளிட்ட திரு ஆபரணங்களுடன் சிறப்பு சேவையில்❤️🙏
பாண்டியன் கொண்டையும்….
பல்லவி
பாண்டியன் கொண்டையும் பவளமாலையும்
பூண்ட திருவரங்கனை நாளும் துதித்தேன்
அனுபல்லவி
வேண்டுவோர் வேண்டும் வரங்களைத்தருபவனை
பாண்டுரங்கனைப் பரமபதநாதனை
சரணம்
பவள மாலையும் சூரியப்பதக்கமும்
காதுக்கப்புடன் முத்து மாலையுமணிந்த
ஆண்டவன் அவனை கேசவனை மாதவனை
தீண்டுமரவணையில் துயிலும் நாராயணனை
‘அம்பாள் கருணையே வடிவானவள். யாரெல்லாம் அவளைச் சரணடைகிறார்களோ, அவளை ஒருபோதும் கைவிடாதவள். நம்மைப் பெற்றெடுத்த தாயைப் போல கருணையே உருவானவள்’ என்று சிலாகிக்கிறது புராணம்.
தேவி உபாஸனை என்றே இருக்கிறது. வழிபாடுகளில், சக்தி உபாஸனை என்றே இருக்கிறது. பெண் தெய்வ வழிபாடு என்பது மிக மிக அளப்பரிய சக்தியைக் கொடுக்கக் கூடியது.
லலிதா சகஸ்ரநாமம் பாராயணம் செய்யுங்கள். கனகதாரா ஸ்தோத்திரம் பாராயணம் செய்யுங்கள். அபிராமி அந்தாதி சொல்லுங்கள்.
அல்லது காதால் கேட்டுக்கொண்டு, அம்பாளை வணங்குங்கள். அகிலத்தையும் காத்தருளும் அம்பிகை, நம்மையும் நம் குடும்பத்தையும் காத்தருளுவாள்.
அம்பிகையின் திருவடிகளில் சரணம் !
கருணைக் கடலெனும்….
பல்லவி
கருணைக்கடலெனும் கமாக்ஷியைப் பணிவோம்
அருள் தரும் கடைவிழிப் பார்வையைப் பெறுவோம்
அனுபல்லவி
திருமால் கேசவன் அன்பு சோதரி
கருணாகரன் சிவன் மனங்கவரீச்வரி
சரணம்
பெருமைக்குரிய அபிராமி அந்தாதியும்
வருமிடர் தீர்க்குமவளாயிரம் நாமமுமோதி
இருவினை களந்திடுமவளைத்துதித்திட
தருணமிதுவே தாயவள் புகழ் பாட
மரா மரா மந்திரத்தை…..
பல்லவி
மராமரா மந்தி்ரத்தை ராமாவென மாற்றிய நான்
சராசரியல்ல பராபரமே எனக்கருள்வாய்
அனுபல்லவி
முராரி கேசவனே முகுந்தா கோவிந்தா
பராரியல்ல உனைப் போற்றிப் பாடும் நான்
சரணம்
கராரவிந்தம் காண்பித்தபயம் தரும்
சுராசுரர் வணங்கும் பரம பதநாதனே
சராசரங்களனைத்தையுமாட்டுவிக்கும்
புராண புருஷனே ஶ்ரீமன் நாராயணனே
शंका चक्र गधा पने द्वारका निलय अच्युत गोविंद पुंडरीकाक्ष रक्षमम् शारंगथम"
சங்கும் சக்கரமுமேந்தும்…..
பல்லவி
சங்கும் சக்கரமுமேந்தும் கரத்தோனை
வங்கக்கடல் கடைந்த கேசவனைத் துதித்தேன்
அனுபல்லவி
தங்கும் பொருளளிக்கும் திருமகளைத் தன் மார்பில்
தாங்கும் மதுசூதனனை தாமோதரனை
சரணம்
எங்கும் நிறை கமலக்கண்ணனை கோவிந்தனை
மங்காத புகழ் மேவும் துவாரகையிலுறைவோனை
பொங்கரவணை துயிலும் ஶ்ரீமன் நாராயணனை
பங்கயநாபனைப் பணிந்தேன் எனக்கருள்வாயென
“ புத்திசாலி பக்தனும் இறைவனும் “
**********
இறைவனிடம் ஒருவன் கேட்டானாம், “ ஆண்டவனே, ஒரு கோடி ரூபாய் என்பது உன்னைப் பொறுத்தவரையில் எவ்வளவு?!” ஆண்டவன் சொன்னாராம், “ ஒரு ரூபாய்” , அடுத்து அவன் கேட்டான், “ ஆண்டவனே, ஒரு யுகம் என்பது உனக்கெவ்வளவு காலம்?” ஆண்டவன் சொன்னாராம், “ஒரு நிமிடம்”, பக்தனுக்குப் புரிந்தது. அவன் ஆண்டவனிடம் , இறைவா, “எனக்கு ஒரே ஒரு ரூபாய் கொடேன்” என்றானாம். உடனே ஆண்டவன், “ அதற்கென்ன, இதோ ஒரு நிமிடத்தில்” என்றானாம்!
கீதையும் கண்ணனும்….
பல்லவி
கீதையும் கண்ணனும் ஒன்றென்றுணர்த்திய
ராதையின் காதலனை மனமாரத்துதித்தேன்
அனுபல்லவி
பாதைகள் காட்டிய கேசவனை மாதவனை
யாதவன் நந்த கோபன் குமரனை
சரணம்
கோதை பாடிய திருப்பாவை நாயகனை
பேதையர் பாமா ருக்மிணி நாதனை
சீதை மணாளனை ஶ்ரீராமச் சந்திரனை
பூதலம் போற்றும் ஶ்ரீமன் நாராயணனை
நந்தீசனை விடைவாகனனை……
பல்லவி
நந்தீசனை விடைவாகனனை
சிந்தையில் நினைந்து சேவடி பணிந்தேன்
துரிதம்
இந்திரன் நரர் சுரர் ஈசனின் கணங்களும்
மந்திரமோதும் தவமுனியோரும்
சந்திரன் சூரியன் கோள்களனைத்தும்
வந்தனை புரிந்து சந்ததம் துதித்திடும்
அனுபல்லவி
முந்தியோர் நாளில் திருமால் கேசவன்
நந்தியாய் உருவெடுத்து மால் விடையானவனை
சரணம்
இந்திரனும் நந்தியின் வடிவெடுத்து போக
நந்தியென பெயர் பெற்று சிவனருள் பெற்றானை
உந்தி கமலமதில் வீற்றிருக்கும் நான்முகனும்
நந்தியென்றாகி வேத நந்தியானவனை
“शृङ्गी भृङ्गी रिटिस्तुण्डी नन्दिको नन्दिकेश्वरः”
नन्दिकेश महाभाग शिवध्यानपरायण।
கரங்களில்வீணையேந்தும்…..
பல்லவி
கரங்களில் வீணையேந்தும் தேவியைத் துதித்தேன்
அரனயனரி பணி திரிபுரசுந்தரியை
துரிதம்
சுரபதி ரதிபதி தேவசேனாபதி
கணபதியனைவரும் வணங்கிடும் கௌரியை
அனுபல்லவி
சிரசில் பிறையணிந்த கேசவன் சோதரியை
பரமேச்வரியை பர்வத குமாரியை
சரணம்
வரம் தரும் கரமும் அபய கரமும் காட்டும்
மரகத நிறத்தவளை மலரேந்தும் கரத்தவளை
புரமெரித்தபரமன் மனங்கவர் நாயகியை
கரத்தினில் கமல மலர் வைத்திருக்குமீச்வரியை
माणिकवीणामुपलयन्तेन
मदालसां मंजुलवाग्विलासाम्।
महेंद्रनीलद्युतिकोमलाङ्गीं
मातंगकन्यां सततं स्मरामि ॥1॥
#பிரதோஷம்_சிறப்பு_பதிவு.
#காலபைரவர்
பைரவா பைரவா காலபைரவா
காசிகால பைரவா மகாகால பைரவா
ஜெய் பைரவா ஜெய் பைரவா
சேத்ர பாலகா ஜெய் காலபைரவா
#தேவார_பதிகத்தில்_பைரவர்:
“விரிந்த பல் கதிர்கொள் சூலம் வெடிபடு தமருகம் கை தரித்ததோர் கோல கால பயிரவனாகி வேழம் உரித்து உமை அஞ்சக் கண்டு ஒண் திருமணிவாய் விள்ளச்
சிரித்து அருள் செய்தார் சேறைச் செந்நெறிச் செல்வனாரே.”
– (#திருநாவுக்கரசர்)
#பைரவர்_ஸ்லோகம்பைரவருக்கு உகந்த இந்த ஸ்லோகத்தை தினமும் 27 முறை உச்சரித்து வந்தால், வாழ்வில் அனைத்து வளங்களையும் பெறலாம்.
சிவபெருமானின் ஐந்து முகங்களில் ஒன்றான தத்புருஷ முகத்தில் இருந்து தோன்றியவர் பைரவர். பைரவ மூர்த்தியை பவுர்ணமிக்கு பின் வரும் அஷ்டமியில், அதாவது தேய்பிறை அஷ்டமி தினத்தில் பஞ்ச தீபம் ஏற்றிவைத்து வழிபாடு செய்தால், காலத்தால் தீர்க்க முடியாத தொல்லைகள் கூட நீங்கும் என்பது ஐதீகம். பிறவி இல்லாத பெருவாழ்வை தருபவர் கால பைரவர். இவர் காலத்தை மாற்றும் சக்தி கொண்டவர் என்பதால், ஒருவரது பாவ- புண்ணியங்களை அழிக்கும் ஆற்றல் இவருக்கு உண்டு. வீட்டில் தினமும் விளக்கேற்றி வைத்து, ‘ஓம் ஹ்ரீம் கால பைரவாய நமஹ’ என்ற மந்திரத்தை 27 முறை உச்சரித்து வந்தால், வாழ்வில் அனைத்து வளங்களையும் பெறலாம்.
ஞாலம் போற்றும்…..
பல்லவி
ஞாலம் போற்றும் கால பைரவனை
சீலமுடன் துதித்தேன் அவனருள் பெறவே
அனுபல்லவி
ஞாலமுண்ட வாயன் கேசவன் நேசனை
ஆலமுண்ட நீலகண்டனை காலகாலனை
சரணம்
சூலம் டமருகமேந்திய கரத்துடன்
கோலாகலமாக உரித்த வேழத்தின்
தோலினை உமையவளஞ்சும் வண்ணம்
மேலே போர்த்திக் காட்சியளித்திடும்
துரிதம்
ஏலவார் குழலி நந்தி கணங்கள்
காலனிந்திரன் நரர் சுரர் மற்றும்
வேலன் கணபதி தும்புரு நாரதர்
மாலயன் முனிவர்கள் கரம் பணிந்தேத்தும்
முல்லா கதைகள்
ஒரு முறை ஒரு சமயச்சொற்பொழிவாளரொருவர் தனது அழகான குதிரையைக் கட்டி வைத்து விட்டு தேவாலயத்துக்குள் சென்றார். அப்போது அந்தப் பக்கமாக வந்த முல்லா அந்தக் குதிரையினருகே சென்று என்ன அழகான குதிரை என்று அதன் அழகை வியந்து அதன் கழுத்தைத் தடவிக் கொடுத்தாராம். அச்சமயம் அங்கு வந்த இன்னொருவன் ‘ முல்லா இது உங்கள் குதிரையா , என்று கேட்டான். இவ்வளவு அழகான குதிரையை தன்னுடையதில்லை என்று சொல்ல மனமில்லாமல், அதை நினைத்து யோசித்த முல்லா ஆமாம் இது என் குதிரைதான் என்று முதல் பொய்யைச்சொன்னாராம். அப்படியானால் இதை எனக்கு விற்றுவிடுகிறீர்களா, நல்ல விலை தருகிறேன், என்றாராம் வந்தவர். முல்லாவுக்கு தர்ம சங்கடமாகிவுட்டது. யோசித்தார்.அவன் வாங்க முடியாத விலையைச் சொன்னால் போச்சு என்று அவருக்கொரு யோசனை தோன்றிற்று. உடனே ‘பத்தாயிரம் ரூபாய்’ என்று சொல்லிவிட்டார். தன் குதிரைதான் என்ற பொய்யைக் காப்பாற்றி ஆக வேண்டுமே!
ஆனால் வந்தவனோ, சரி, பத்தாயிரம் தருகிறேன், இந்த அற்புதமான குதிரைக் கேற்ற விலைதான் என்று சொல்லி, உடனே, ரூபாய் பத்தாயிரத்தை எடுத்துக் கொடுத்துவிட்டான். முல்லா நன்கு யோசித்தான். பத்தாயிரம் சும்மா வருகிறது. உள்ளே போன குதிரையின் சொந்தக்காரனோ தூங்குகிறான் போல. சரி விற்று விடலாமென முடிவுசெய்து குதிரையையவிழ்த்துக் கொடுத்தனுப்பினார். அவனும் குதிரையை ஓட்டிக்கொண்டு போய் விட்டான். பணத்தை எண்ணி பாக்கெட்டில் வைக்கும் நேரம் பார்த்து குமிரையின் சொந்தக்காரன் வெளியே வந்தான். சற்றும் யோசிக்க நேரமில்லாது தவித்த முல்லா; சட்டென்று தன் வாய்க்குள் கொஞ்சம் புல்லை அள்ளிப் போட்டுக்கொண்டு,தன் கழுத்தைச் சுற்றி கயிற்றைக் கட்டிக் கொண்டான். குதிரையின் சொந்தக்காரனோ பயந்தும் குழம்பியும் முல்லா அருகில் வந்து , என் குதிரை எங்கே? நீங்கள் யார்? என்றான். அதற்கு பதிலாக முல்லா சொன்னான், ‘ நான் தான் உன் குதிரை. நான் விபச்சாரம் செய்தாக என் மீது இறைவன் கோபித்துக் கொண்டு என்னைக் குதிரையாக்கிவிட்டான். இப்போது எனக்கு சாப விமோசனம் கிடைத்து விட்டது. மறுபடியும் மனிமனாகி விட்டேன் என்றான்.
அதைக்கேட்ட அந்த சொற்பொழிவாளனுக்கு மிகுந்த பயமாக்கிவிட்டது. தெய்வ கோபம் ஒரு மனிதனை மிருகமாக்கிவிடுமா!? உடனேயே மண்டியுட்டு இறைவனிடம் தன் பாவங்களுக்காகத் தன்னை மன்னிக்கும்படி மனமுருகப் பிரார்த்தித்தான். பிறகு முல்லாவைப் பார்த்து, ‘சகோதரனே நடந்தது நடந்து விட்டது. இனி நீங்கள் உங்கள் ஊருக்குப் போய்விடுங்கள். நான் சந்தையில் போய் வேறு குதிரை வாங்கிக்கொள்கிறேன்’ என்று சொல்லிவிட்டு சந்தையை நோக்கி நடந்தான்.
அங்கே போனால் சந்தையில் அவனுடைய குதிரையே நின்று கொண்டிர்தது விற்பதற்காக!! அதைப் பார்த்ததும் அவனுக்கு பயம் பிடித்துக் கொண்டது. குதிரையின் அருகில் சென்று மிக மெதுவாக அதன் காதில், ‘ என்ன முல்லா மறபடியுமா? இவ்வளவு சீக்கிரமாகவா? ‘ என்று ஆச்சரியத்துடன் கேட்டான்.
Oh, Padmanabha! The destroyer of Mura! The lord of the earth! Beloved of Lakshmi! Victory to you!
Your eyes put to shame the lotus petals. You do good to those who bow before you. You are worshiped by Narada.जय जय पद्मनभनुजेष जय जय मोहन राज वेस
Anupallavi
जय सकलमर पोस जय समा भुवनेष
Charanams
1. जय करप भरितपङ्ग जय कन्दर्पसुन्दरङ्ग जय मौलि शोभित गङ्गा जय दन्जलिभङ्ग
2. जय विधिशक्रनुत जय पवन सुचारिता जय शव-गण परिवर्त जय कमदनरत
3. जय पश्वा गतमलस जय योगी ह्र्दयवास जय सुरगणा निवास जय म्र्दूल हसा
நமஸ்கரித்தேன் ……
பல்லவி
நமஸ்கரித்தேன் உனையே ஶ்ரீராமா என்றும்
சமமெனத் தனக்கொருவர் இல்லாத கடவுளே
அனுபல்லவி
அமரரும் முனிவரும் அமரேந்திரனும்
உமாபதியும் போற்றிடும் கேசவனே
சரணம்
இமவான் மகளான பார்வதி தேவிக்கு
நமச்சிவயன் சொன்னாருன் மகிமையை
ஶ்ரீராமா என்ற ஒரு நாமம் சொன்னால் போதும்
ஓராயிரம் நாமமுரைத்த பலன் கிடைக்குமென
