அழகு கணபதியின்…..
பல்லவி
அழகு கணபதியின் பதமலர் பணிந்தேன்
பழகு தமிழ் மொழியில் பாமாலை புனைந்து
அனுபல்லவி
குழலோன் கேசவன் மருகன் ஆனைமுகன்
அழலேந்தும் நெற்றிக்கண்ணன் சிவன் மகன்
சரணம்
பழம் பாக்கு தாம்பூலம் இவையனைத்தும் படைத்து
முழுமுதற் கடவுளென அவனையே வணங்கி
நிழலவன் பதமென அவன் தாள் துதித்து
கழலிணை பற்றினேன் எனக்கருள வேண்டுமென
No comments:
Post a Comment