ஸ்துதி சதகம் , மூக பஞ்ச சதி.
தந்தா தந்தி ப்ரகடனகரீ தந்திபிர் மந்தயாநை:
மந்தாராணாம் மதபரிணதிம் மத்நதீ மந்தஹாஸை: ।
அங்கூராப்யாம் மனஸிஜதரோ: அங்கிதோரா: குசாப்யாந்
அந்த:காஞ்சி ஸ்புரதி ஜகதா மாதிமா காபி மாதா ॥ 79॥
பெண் யானையின் நடைக்கொத்த நளின நடையுடையவளும், மந்தாரமலரைத் தோற்கடிக்கும் புன்னகையுடையவளும், மன்மத விருக்ஷத்தின் முளைகள் போன்ற அழகிய மார்பகங்கள் கொண்டவளான ஆதிமாதா ஸ்ரீ காமாக்ஷி காஞ்சியில் பிரகாசிக்கிறாள்.
அன்னையே……
பல்லவி
அன்னையே காஞ்சி வளர் ஆதி காமாக்ஷியே
உன்னையே துதித்தேன் கேசவன் சோதரி
அனுபல்லவி
பன்னகாபரணன் ஏகாம்பரேச்வரரின்
அன்பு மனம் கவர்ந்தவளே ஏகாம்பரேச்வரி
சரணம்
பெண்யானையைப் பழிக்கும் அழகு நடையுடையவளே
மன்மத மரமுளை போல் முலையுடையவளே
புன்னகையில் மந்தார மலரழகை தருபவளே
என்னைக் காத்தருள தருணமிதுவே
No comments:
Post a Comment