#தேவர் #முனிவர்…..
பல்லவி
தேவர் முனிவர் பணி விக்ன விநாயகா
சேவடி பணிவோர்க்கு நலமளிப்பவனே
துரிதம்
மூவரும் கணங்களும் நந்தியுமிந்திரனும்
யாவரும் வணங்கிடும் மகா கணபதியே
அனுபல்லவி
சேவற்கொடியோன் முருகன் சோதரனே
கோவிந்தன் கேசவன் விரும்பும் மருகனே
சரணம்
தேவி பார்வதியை மகிழ்விக்கும் மைந்தனே
பூவுலகில் கருமங்கள் தொடங்கும் முன்னனைவரும்
ஆவலுடன் வணங்கிடும் முழு முதற் கடவுளே
தூவி மலர் சொரிந்து உனையே துதித்தேன்
No comments:
Post a Comment